Mateu 8:27 - Sateré-Mawé

²⁷ Miꞌi hawyi hemiitꞌin teꞌeruwanetup kahato iminug kapiat teꞌerehaꞌat hawyi -Uweĩ meiũ miit iꞌatuꞌe toꞌope. Kat pote som ywytu iꞌewyte yꞌy toimoperupꞌi kuap kahato iꞌatuꞌe toꞌope.

Mateu 8:27 ပူးပေါင်းရင်းမြစ်များ

Mateu 14:33

Miꞌi pote hemiitꞌin timotypot kahato raꞌyn Iesui hawyi teꞌeroꞌe -Taꞌi pywo ti rat en Tupana Saꞌyru mehin iꞌatuꞌe.

Mateu 15:31

Miꞌi tã tutunug mote miitꞌin teꞌeruwanetup kahato mekewat yt ihay kuap rakaria iꞌatuehay iraꞌyn pote. Iꞌewyte ipiit heg nakaria toimog naꞌyn pote. Iꞌewyte ipy kĩꞌã rakaria iꞌatuewyry iraꞌyn pote iꞌewyte yt iha pytig i rakaria teꞌereꞌakasa iraꞌyn pote. Miꞌi hawyi itotiaria miitꞌin teꞌerehum kahato -Waku kahato en Isareu eTupana iꞌatuꞌe.

Mateu 8:10

Miꞌi hawyi karãpe Iesui tikuap mio tã e hap ihay hawyi tuwanetup kahato hawyi toꞌe toupiaria pe -Atikuap wyti mekewat miit poꞌog eikai uimohey hap ete katupono yt karãpe i miꞌi ewywuat arehaꞌat eiperia Isareu ywania pyꞌasetpe.

Mateu 8:26

Miꞌi hawyi Iesui toꞌe -Kat poteĩ eweikenꞌẽ. Uimohey hit kahato apo eipe. Mio tã toꞌe hawyi ipoĩꞌam naꞌyn hawyi toꞌe haty wo ywyt uato pe -Epoꞌinik to yꞌy epoꞌinik to ywytu e hawyi meremo yꞌy ihy nik taꞌyn.

Mateu 8:28

Miꞌi hawyi karãpe Iesui putꞌok e raꞌyn yi Katarene tote mekewat ihyemyiꞌa Karireia wã tote. Miꞌi turan putꞌok iꞌatuꞌe typyꞌok miit ahiag ipiit piat rakaria Iesui kape. Miꞌiria ti tõꞌẽ woꞌosyp hap kaipyi. Katupono ti itote miꞌiria tukupteꞌen. Miꞌi pote miꞌiria yt naku i sese rakaria pote mekewat muap upi yt uwe kuap i miit tokosap.

Maku 1:27

Miꞌi pote iraniaꞌin teꞌeruwanetup kahato hawyi apo iꞌatuꞌe toꞌope -Uweĩ meiẽ woꞌomuꞌe hat iꞌatuꞌe. Yt wataꞌakasa i meiẽwat ewywuat tehay esaika wuat ahiag sopo hat iꞌatuꞌe.

Maku 6:51

Mio tã toꞌe hawyi Iesui teke raꞌyn yara pe temiitꞌin wywuat pe raꞌyn. Teke hawyi meremo ywytu ipohep taꞌyn. Miꞌi pote teꞌeruwanetup aikotã aikotã Iesui minug hap etiat.

Maku 7:37

Miꞌi hawyi taꞌatukuap wuatꞌi puo raꞌyn Iesui piat hewaure rakat moehãite hap hawyi teꞌeroꞌe toꞌope -Waku kahato Iesui tunug iꞌatuꞌe. Hewaure rakaria wyti tutunug hewaure kaꞌa raꞌyn iꞌatuꞌe. Yt ihay kuap i rakaria tutunug ihay kuap raꞌyn iꞌatuꞌe.