Mateu 8:1 - Sateré-Mawé

¹ Miꞌi hawyi Iesui ipotꞌapyk i raꞌyn yityꞌok tote pyi turan miitꞌin sem tuwat kahato hewatꞌypmo.

Mateu 8:1 ပူးပေါင်းရင်းမြစ်များ

Mateu 12:15

Miꞌi hawyi Iesui tikuap taꞌyn miꞌi tã iꞌatuminug neran hap hawyi toto raꞌyn itote pyi. Maꞌato miꞌi turan typyꞌi kahato miitꞌin tuwat upi. Miꞌi hap upi toiꞌatumoehãite kahato miitꞌin iꞌahuu rakaria.

Mateu 15:30

Miꞌi turan miitꞌin sem tuwat kahato raꞌyn Iesui kape turan taꞌatueropoꞌok kahato ipy kĩꞌã rakaria iꞌewyte ipiit heg nakaria iꞌewyte yt iha pytig i rakaria iꞌewyte yt ihay kuap i rakaria. Iꞌatu kahato taꞌatuereto aikotã aikotã iꞌahuu rakaria. Miꞌi koꞌi taꞌatuporokpun ipy yatype. Miꞌiria toiꞌatumog yne itote.

Mateu 19:2

Miꞌi turan miitꞌin sem tuwat upi hawyi itote toiꞌatumoehãite kahato iꞌahuu rakaria.

Mateu 20:29

Miꞌi hawyi tuwat raꞌyn tawa Ieriko pyi. Miꞌi turan miitꞌin sem kahato tuwat itote pyi Iesui upi.

Mateu 4:25

Miꞌi hawyi miitꞌin sem tuwat tuwat hupi aikopuo aikopuo hewyry hap upi yi Karireia kaipywiaria tawa wato Ierusarẽi kaipywiaria mekewat Iutãu hy sakpuaria mekewat 10 tawa koꞌi kaipywiaria tuwat hupi. Iꞌewyte yi Iuteu kaipywiaria tuwat tuwat Iesui upi.

Mateu 7:29

Miꞌi ti aimuꞌe meimewat woꞌomuꞌe koro haria piat ainapin hap yt ewy hin i iꞌatuꞌe maꞌato tuweupi kahato aimuꞌe kuap kahato ihay hãpyk iꞌatuꞌe.

Mateu 8:18

Miꞌi turan Iesui tehaꞌat miitꞌin sem tewowiat õꞌẽ haria kape. Miꞌi pote toꞌe topotmuꞌeria kape -Toꞌiro ihyemyiꞌa sakpo watuwat uhytꞌin e. Katupono miitꞌin typyꞌi kahato raꞌyn uiꞌatupueri wo e.

Mateu 8:2

Miꞌi turan wẽtup ok hepihi pihi rakat tuut Iesui kape hawyi tuwepỹꞌãtutuk hawyi toꞌe -Uikaꞌiwat e uimoehãite teran pote uimoehãite En e.

Maku 3:7

Miꞌi hawyi Iesui toto raꞌyn topotmuꞌeria wywo tawa Karireia hyemyiꞌa kape. Miꞌi hap upi typyꞌi kahato miitꞌin tuwat hupi tawa Karireia kaipywiaria.

Iruka 5:15

Maꞌato Iesui minug koꞌi wuatꞌi puo raꞌyn taꞌatukuap hawyi ikuap hawyi miitꞌin tõꞌẽ kahato raꞌyn taꞌatukuap iꞌahuu rakaria moehãite Iesui piat hap hawyi.