Mateu 7:7 - Sateré-Mawé

⁷ Miꞌi hawyi poꞌog tohenoi -Uiwyriaꞌin uheinytꞌin karãpe ewehẽtup kahato Tupana kape eimikyꞌesat koꞌi miꞌi hawyi tutum ehepe yne eimiẽtup koꞌi. Miꞌi tupono waku eweikat kahato aikope aikope toineꞌen imiium ehepiat wat koꞌi. Waku okenꞌypy ete teg teg eweiꞌe eimikyꞌesat ẽtup hamo hawyi aru tuweꞌokenhypꞌok taꞌyn ehewowi emikyꞌesat koꞌi ium hamo.

Mateu 7:7 ပူးပေါင်းရင်းမြစ်များ

Mateu 18:19

Pywo pe ti areꞌe ehepe pyno karãpe ewehẽtup eiwoꞌotypy ok takaria mesuwat yi tote turan eweihẽtup eipyꞌa pyi kahato uiꞌywot atipy piat set upi hawyi tutunug kahato eimiẽtup ewy.

Mateu 21:22

Miꞌi tupono kat eweiꞌe ehẽtup Tupana kape imohey sese hap wywo miꞌi eiꞌe hap ewy kahato ti aru topyhuꞌat e Iesui.

Mateu 6:33

Waku poꞌog ni eweiwanetup eipyꞌa pe aat kaꞌap aikotã aru ewetunug Tupana uiporekuatno e hap kape yn. Waku ewetunug imikyꞌesat ewy pote yn eheineꞌen kuap hamuat Tupana tum ehepe.

Mateu 7:11

Pyno miꞌi hap ewy ti eipe yt naku i nug haria wo wote pykai eweikuap kahato waku rakat ium eimepytꞌin piat hap maꞌato ti eiꞌywot atipy piat poꞌog poꞌog wakuat wuatꞌi mesuwarotiat miitꞌin kai miꞌi tupono miitꞌin miẽtup wakuat yn tutum kuap ehepe i Iesui.

Mateu 7:8

Katupono uwe uwe hẽtup Tupana kape miꞌi ti tomiẽtup ipuẽti kuap Tupana kaipyi. Iꞌewyte ereineꞌen okenꞌypyhyp tote teg teg ere emikyꞌesat ẽtup hamo pote Tupana hoꞌokenhypꞌok toekenꞌypy emikyꞌesat ium hamo.

Maku 11:24

Miꞌi tupono ti karapeĩ eimikyꞌesat ehẽtup Tupana pe imohey hap wywo eweiꞌe ro eipyꞌa pe pote toineꞌen naꞌyn eipo pe raꞌyn emiẽtup ewywuat are. Katupono imohey hap wywo ehẽtup Tupana pe pote eimiẽtup ewy tutunug ehepiat tomohey hap oktan tutunug. Pywo ewehẽtup uimohey hap wywo pote putꞌok e eimikyꞌesat koꞌi e.

Iruka 13:25

Miꞌi hap eꞌat pe aru mekewaria -Ereꞌokenhypꞌok to Mimi ereꞌokenhypꞌok to Uhyt iꞌatuꞌe motꞌi kahato getap kaꞌiwat pe wen maꞌato miꞌi ti -U paĩ yt worohoꞌokuap i eipe aikope pyi eweiõꞌẽ e iꞌatuepe aru. Areꞌokenhypꞌok taꞌyn e Iesui.

Iruka 18:1

Miꞌi hawyi poꞌog Iesui henoi tehay iãꞌãkap wuo -Uiwyriaꞌin e waku ahehay kahato Tupana kape e. Waku yt aipohep hin i Tupana wywo eiwoꞌoehay hamo e. Pyno ahenoi teran uhehay hãꞌãkap wuo aikotã waku wahenoi Tupana kapiat koꞌi hap etiat e.

Iuwãu 15:16

Taꞌi uiwyriaꞌin eipe ti yt uiꞌairo i maꞌato Eikaꞌiwatno maꞌato Uito worohoꞌoꞌairo eipe uhemiitꞌinno. Miꞌi hawyi worohoꞌopoꞌoro uhehay moherep miitꞌin miat hamo iꞌewyte wakuap sese nug hamo yt ikahuro i rakat motpap nug hamo worohoꞌopoꞌoro uiwyriaꞌin e. Waku eikaipyi tuwemoherep kahato ywa koꞌi ewy wuatꞌi eꞌat piat ieineꞌen hanuaria wo e. Miꞌi tã hap ewy pote kat koꞌi kat koꞌi eweikyꞌesat hawyi ewehẽtup o Uiꞌywot pe hawyi tutum ehepe eimikyꞌesat oktan uhet upiat ewehẽtup pote uhytꞌiꞌin e.

Iuwãu 15:7

Eiwepytyk uhete pote uimienoi ehepiat toineꞌen motꞌi eiwywo hawyi kat kat koꞌi eimiẽtup eimikyꞌesat ewy topyhuꞌat eipo pe raꞌyn e.

Iuwãu 4:10

Miꞌi hawyi toiwesat -Yt etikuap i kahato mana uwe yꞌy ẽtup epe e. Yt etikuap i kahato kat som Tupana tum neran epe mana e. Etikuap pote ten meremo ehẽtup uhepe yꞌy sese woꞌomoieineꞌen hap emoieineꞌen wuatꞌi eꞌat piat hamuat e.

Humanu 2:7

Taꞌi Tupana tum aru tomohey haria pe tomotypot haria pe tomikyꞌesat nug hanuaria pe wuatꞌi eꞌat piat iꞌatuieineꞌen hap sese tomepytꞌin saꞌup e. Miꞌiria yt iꞌatupohep hin i Tupana motypot hap ete. Taꞌatuminug wakuap koꞌi wo taꞌatumotypot aat kaꞌap. Yt karãpe i iꞌatukuꞌuro miꞌiria ete e. Katupono tomotypot saꞌup Tupana tum miꞌiria pe wuatꞌi eꞌat piat iꞌatuieineꞌen waku hap.

Humanu 3:11

Yt wẽtup miit i uikuap teran sese hat atipuẽti nimo pyi mesup te e. Yt wẽtup ok i mesuwat yi tote atipuẽti uikat reran hat e Tupana.

Epereu 11:6

Maꞌato watikuap taꞌyn yt watomohey i Tupana pote yt karãpe i watimowepiit kuap. Maꞌato watikat Tupana imohey hap mywo miꞌi hawyi watipuẽti Tupana maꞌato yt watomohey i hawyi yt karamuo i putꞌok watoꞌe ipuẽti hamo. Miꞌi hawyi yt toꞌe kuap i ahepe -Eriot ro uhowowi e hap yt toꞌe kuap i yt tomohey i rakat pe.

Tiaku 5:15

Miꞌi tã taꞌatunug Iesui mohey hap mywo pote ti aru ipoĩꞌam naꞌyn teꞌyni pyi ihãite raꞌyn topyhuꞌat iꞌahuu rakat. Iꞌewyte iminug saꞌag kaipywiat iꞌahuu pote Tupana timoweityk taꞌyn iminug yt naku i saꞌag hap koꞌi.

1 Iuwãu 3:22

Miꞌi hawyi kat e hap kat e hap wahẽtup tope hawyi tutum aimiẽtup oktan watunug imikyꞌesat ewy pote.