Mateu 7:21 - Sateré-Mawé

²¹ Katupono ti aru yt torannia i uhet suat haria uikaꞌiwat kahato En uikaꞌiwat kahato En e haria tuwehytꞌok aikope Tupana toineꞌen morekuatno hap tote.

Mateu 7:21 ပူးပေါင်းရင်းမြစ်များ

Mateu 12:50

Katupono uwe uwe inug uiꞌywot mikyꞌesat nug haria ti tukupteꞌen uity sese uheꞌywytꞌin sese uheinytꞌin sese e.

Mateu 16:17

Miꞌi hawyi Iesui tiwesat -Pywo kahato e hawyi toꞌe -Simau Iuwãu saꞌyru e en wyti iwepiit sese rakat kat pote pywo en yt mesuwat rotiaria i yt mimuꞌe hin i maꞌato ti tuut emuꞌe hap uiꞌywot atipy piat kaipyi.

Mateu 18:10

Miꞌi tupono eiweꞌeg wo eweikupteꞌen. Yt naku i ereineꞌen wẽtup ok hirokaria maꞌat hatno. Pywo pe ti areꞌe ehepe wuatꞌi eꞌat tukupteꞌen atipy piaria iꞌatuꞌapykok haria tukupteꞌen uiꞌywot pyꞌasetpe atipy pe.

Mateu 18:19

Pywo pe ti areꞌe ehepe pyno karãpe ewehẽtup eiwoꞌotypy ok takaria mesuwat yi tote turan eweihẽtup eipyꞌa pyi kahato uiꞌywot atipy piat set upi hawyi tutunug kahato eimiẽtup ewy.

Mateu 18:3

Hawyi toꞌe -Pywo pe ti areꞌe ehepe. Pyno waku eiwemorem eiminug saꞌag kaipyi hawyi eweikupteꞌen aikotã hirokaria tukupteꞌen yt teꞌeruwanetup hin i yt naku i aru hap koꞌi kape. Maꞌato yt miꞌi tã eweikupteꞌen pote yt karãpe eiwehytꞌok kuap i Tupana ieineꞌen morekuatno hap tote.

Mateu 18:35

Miꞌi hawyi Iesui ihay kahu raꞌyn hawyi toꞌe -Pyno miꞌi tã ti uiꞌywot atipy piat tunug torannia ehete yt eweimohãpyk i eiminug yt naku i hap eiwyꞌok wywo pote.

Mateu 19:24

Pywo ti niatpo kahato aikotã aihũ iwato rakat Kameru teke awi ehapo kaꞌa puo hap ewy e. Miꞌi hap ewy ti maꞌato poꞌog poꞌog niatpo hekat rakaria teꞌeruwehytꞌok Tupana etama pe e.

Mateu 25:10

Miꞌi hawyi tuwat raꞌyn ariãty hy kyiꞌat hamo maꞌato miꞌi pykai ti iraniaꞌin tuwat raꞌyn seꞌaito wywuat kape. Miꞌi hawyi tuwehytꞌok taꞌyn woꞌokyiꞌat hap yat pe hawyi taꞌatuokenhyp taꞌyn.

Mateu 25:21

-Pyno waku kahato en. Ehepap kahato ti e. Pyno en wakuat kahato. Miꞌi tupono meiũran ti aru poꞌog uhekareꞌen apykok hamo raꞌyn woroporokpun e. Miꞌi tupono koitywy uhekareꞌen epo pe e. Pyno koitywy toꞌiro watuwemowepiit raꞌyn e.

Mateu 26:39

Miꞌi hawyi toto porapꞌi hawyi poragꞌe yi tote tewapuo hawyi toꞌe -Uiꞌywot e etat kuap meikowat kuiꞌa uipo pyi pote waku wen maꞌato yt pote atuꞌu emikyꞌesat ewy e Iesui Toꞌywot pe.

Mateu 26:42

Miꞌi hawyi taꞌaipok Toꞌywot kapiat tehay hamo hawyi toꞌe -Uiꞌywot yt etihep kuap i pya uikai meikowat kuiꞌa uipo pyi hoꞌopot hap pote waku atuꞌu emikyꞌesat ewy e.

Maku 3:35

-Meiũpe ti uity uheꞌywytꞌin uheinytꞌin e. Katupono Tupana ehay pe pywo e haria wyti uheꞌywytꞌin uheinytꞌin uityꞌin e. Uiꞌywot mikyꞌesat nug haria eipe pote Uheꞌywytꞌin uheinytꞌin uityꞌin wo eweipyhuꞌat e Iesui taꞌapypueri haria pe.

Maku 9:47

Iꞌewyte eweimaꞌat eheha wo miꞌi eheha waku eweihep o areꞌe katupono poꞌog waku eweihytꞌok Tupana etawa pe wẽtup eha wywo yn maꞌato typy eha wywo eiwehytꞌok aria pe neꞌi e.

Iruka 11:28

Mio tã e hawyi Iesui tiwesat tope -Mana waku uity wen maꞌato poꞌog waku miitꞌin iꞌatuewuare kaꞌa Tupana ehay kapiat hawyi taꞌatunug imienoi hap ewy.

Iruka 13:25

Miꞌi hap eꞌat pe aru mekewaria -Ereꞌokenhypꞌok to Mimi ereꞌokenhypꞌok to Uhyt iꞌatuꞌe motꞌi kahato getap kaꞌiwat pe wen maꞌato miꞌi ti -U paĩ yt worohoꞌokuap i eipe aikope pyi eweiõꞌẽ e iꞌatuepe aru. Areꞌokenhypꞌok taꞌyn e Iesui.

Iruka 18:25

Taꞌi niatpo kahato yt hegyiꞌat i rakat teke atipy pe e. Niatpo kahato miitꞌin tuwehytꞌok atipy pe iꞌatuhekat iwato pote e. Niatpo kahato aikotã aihũ iwato kahato rakat mekewat Kameru e hap het rakat teke awi ehapo kaꞌa puo maꞌato sakpo niatpo sese ewy wekat iwato kahato kyꞌe kahato rakaria teke atipy pe e.

Iruka 6:46

Kat pote ti uikay kay eipe uikaꞌiwat uikaꞌiwat eweiꞌe pykai yt ewetunug hin i uiꞌe hap koꞌi.

Iuwãu 14:7

Uikuap haria eipe pote iꞌewyte Uiꞌywot kuap haria eweipyhuꞌat e. Pyno mio uikuap haria eipe miꞌi pote Uiꞌywot kuap haria eipe e. Uiꞌywot kapiat akasa haria eipe e Iesui.

Iuwãu 15:23

Uwe uwe uhete ipyꞌahak miꞌi haria iꞌewyte ti Uiꞌywot etiat ipyꞌahak takaria e.

Iuwãu 3:5

-Mesuwat uiꞌe hap ti pywo pe areꞌe. Wemoherep pakup i haria yn ni teꞌeropyhuꞌat kuap Tupana emiitno e. Pywo yꞌy wywo iꞌewyte Tupana Paꞌãu kaipyi ewemoherep hawyi yn Tupana mepytno ereineꞌen e. Miꞌi hap ewy yn ni teꞌeropyhuꞌat miitꞌin Tupana mepytꞌinno e Iesui.

Iuwãu 5:17

Maꞌato Iesui toꞌe Iuteuria akagnia pe -Uiꞌywot ipotpap kahato te ti wakuap nug hamo. Uito mesup te uipotpap kahato wakuap nug hamo e Iesui.

Iuwãu 6:40

Miꞌi hap Uiꞌywot tikyꞌesat -Uwe uwe taꞌakasa Haꞌyru kape hawyi imohey miꞌi hat ti wuatꞌi eꞌat piat ieineꞌen hat topyhuꞌat e. Uwe uwe Haꞌyru mohey miꞌi haria ti aru Haꞌyru tiꞌatuenoꞌẽ iꞌatuꞌasyp hap kaipyi iꞌatuieineꞌen pakup i hamo e.

Iuwãu 7:17

Ewetunug neran Tupana ehay imikyꞌesat ewy pote ti aru meremo eweikuap taꞌyn uimienoi Tupana kaipywiat hap e.

Iesui Potmuꞌeria 14:22

Miꞌi hawyi Pauruꞌin tiꞌatunapin kahato itotiaria ipakup tiaria iꞌatumoesaika hamo iꞌatuepiat imohey kahato hamo. Mio tã iꞌatuꞌe -Eiweꞌeg wo o katupono meiũran ti ewehoꞌopot kahato mesuwe Tupana etama kapiat muap upi iꞌatuꞌe imohey pakup i haria pe.

Humanu 12:2

Waku watum aipiit Tupana kape. Yt naku i watunug ne aikotã mesuwarotiat Tupana yt kuap i haria wanetup saꞌag hap ewy ainapin saꞌag ewywuat. Yt naku i watuwat iꞌatuehay upi kat koꞌi kat koꞌi saꞌag nug hamo. Waku poꞌog watoꞌe Tupana kape -Etihep uiwanetup hap wyi mesuwarotiat saꞌag wanetup hap hawyi uiwanetup hap etimopakup i ewat ewywuat. Uipyꞌa pe uiꞌakag me uipiit pe uiwanetup hawe ereineꞌen Tupana uipytꞌat nug hatno. Miꞌi hawyi ewanetup hap eiam mo areineꞌen neran. Mio tã eweiꞌe Tupana pe pote eweikuap kuap Tupana mikyꞌesat koꞌi kat som tutunug neran hap nug hamo. Kat som imowepiit hap kat som hãpyk sese imikyꞌesat ewywuat hap mio tã eweiꞌe Tupana pe pote.

Humanu 2:13

Miꞌi pote areꞌe yne miitꞌin me e Tupana -Wakuap nug haria uimikyꞌesat nug haria eipe pote waku pe eweikupteꞌen uipyꞌa pe e ahepe. Uiwyriaꞌin waku watikuap yne Tupana piat ainapin hap koꞌi. Waku watiwẽpap i imiwan maꞌato watikuap Tupana miwan Muisei mimoherep koꞌi yne pykai yt watunug i yne pote yt naku i nug haria wo watopyhuꞌat Tupana wanetup hawe are katupono mio tã e Tupana -Uimikyꞌesat miwan miat ewywuat nug haria pe yn areꞌe aru -Eipe wakuaria are uimikyꞌesat miwan miat ewywuat nug haria pe yn e.

Ewesu 6:6

Waku wateropat kahato hãipe kai aikotã heineꞌen turanuat ewy. Waku imowepiit hap wywo wateropat. Karãpe wateropat aikaꞌiwat mesuwarotiat waku watoꞌe aipyꞌa pyi -Tupana woromotypot teran mesuwat uipotpap ete katupono areineꞌen Esaꞌyru eropat hat waku watoꞌe Tupana pe ahekaraiwa mesuwarotiat potpap nug hap turan.

Korosi 4:12

Aiwy Epawai toineꞌen mesuwe. Miꞌi iꞌewyte waku e hap toipoꞌoro ehewowi. Aipotypot Iesui eropat kahato hat Epawai eipyꞌasetpywiat miꞌi. Miꞌi pote tohẽtup aat kaꞌap topyꞌa pyi Tupana kape yne hesaika hap wywo -Etipowyro aiwyriaꞌin tawa Korosi piaria emikyꞌesat oktan nug hanuaria teꞌeropyhuꞌat. Etiꞌatumotag miꞌiria Esaꞌyru oktan e. Etiꞌatumoesaika yt karãpe i eꞌatoiat hamuat e. Atikyꞌesat itotiaria pywo iꞌatuꞌe yne hap ehay etiat hap e Epawai aat kaꞌap meiũpepyi Tupana kape epowyro hamuat.

1 Tesaronika 4:3

Pyno koitywy uruhenoi teran ehepe kat som Tupana tikyꞌesat watunug hap. Yt toikyꞌesat i ti wuatꞌi haryporiaꞌin wywuat hap iꞌewyte wuatꞌi ihainiaꞌin wywuat yt aiweꞌeg i hap ti yt toikyꞌesat i. Waku iweꞌeg kahato rakaria wo toikyꞌesat aheineꞌen hap.

1 Tesaronika 5:18

Iꞌewyte yne eꞌat pe -Waku kahato En Tupana watoꞌe sio hoꞌopot pote sio ahehãite pote. Miꞌi tã yne eꞌat pe waku watunug katupono miꞌi tã hap Tupana tikyꞌesat Iesui mohey haria tunug hap.

Titu 1:16

Miꞌiria -Uruikuap Tupana iꞌatuꞌe wen maꞌato iꞌatuminug koꞌi yt Tupana mohey haria minug ewy hin i katupono hemarakꞌa poityꞌi iraniaꞌin ete. Yt uwe ehay upi i miꞌiria teꞌeropyhuꞌat teran. Iꞌewyte yt kat i iꞌatuminug wakuap heremo. Yt taꞌatuhepapꞌi wakuap nug hap paĩ -Uruikuap kahato Tupana iꞌatuꞌe pykai. Miꞌi tã hap ewy miꞌiria.

Epereu 13:21

-Tupana etiꞌatumohãpyk aiwyriaꞌin wakuap nug haria are. Etunug miꞌiria Esaꞌyru mikyꞌesat ewy waku nug haria wo are. Etunug miꞌiria Esaꞌyru mohey hap etiat itag nakaria wo are. Atikyꞌesat etum iꞌatuepe esaika hap wakuap nug hamuat are. Atikyꞌesat iꞌatuminug emowepiit hap yne hawyi eha mowepiit hap topyhuꞌat are. Tupana uito ti emipoꞌoro Esaꞌyru mohey kahato hat. Esaꞌyru wywo ahẽtup mesup ewowi are. Atikyꞌesat Esaꞌyru mowato mesuwat yi totiat wuatꞌi eꞌat piat hap atikyꞌesat Tupana. Tupana waku kahato En aat kaꞌap are. Etiꞌatukawiatno meiũpepyi uiwyriaꞌin Iuteu ywania are. Iesui set upi ahẽtup Toran naꞌyn uiꞌe hap are.

Epereu 4:6

Yt taꞌatumohey i pote yt tuwehytꞌok kuap i tawa wakuat Kanaꞌã pe. Miꞌi pote mesup Tupana toꞌe iraniaꞌin me wuatꞌi ywania pe -Waku eiwemohy mesuwe uhetama pe uiwywo e ahepe. Aiꞌywania saꞌawyꞌi wuaria yt imohey i Tupana toiꞌatunapin kahato pykai. Yt tuwehytꞌok i Tupana wemohy hawe yi Kanaꞌã pe. Pyno waku aiweꞌeg wo hap wywo wateke Tupana wemohy hawe atipy pe iꞌewyte mesuwe toikyꞌesat.

Tiaku 1:22

Yt naku i ti ahewaure kaꞌa wo yn watuwewanetup Tupana ehay kape. Ahewaure pe yn Tupana ehay toineꞌen mote ti aiwemaꞌat hap yn toineꞌen katupono ihay watunug hap kaipyi Tupana mikyꞌesat wy. Toikyꞌesat kahato aheko towat ewy hap toikyꞌesat. Toikyꞌesat tehay hẽtyt rakat ewy hap aimikoi ewy hap toikyꞌesat. Tomikyꞌesat nug hepiat hap wyti toikyꞌesat.

1 Peteru 2:15

Mesuwat rotiaria yt iweꞌeg i rakaria i ihay saꞌag nakaria aimohit reran taꞌatuehay wuat rakaria maꞌato watiꞌatunug wakuat kahato yne miitꞌin kape hawyi yt iꞌatuehay saꞌag kuap i poꞌog ahete. Miꞌi hap ewy Tupana tikyꞌesat kahato.

1 Peteru 4:2

Maꞌato yt naku i watoineꞌen mesuwarote aikuꞌuro hap kape yt naku i nug hanuaria wo aikotã saꞌawyꞌi yt watomohey i te Iesui turan wuat ewy are. Yt naku i aipiit mikyꞌesat saꞌag watunug. Maꞌato watunug mote yt kat hamo i watoineꞌen. Waku watoineꞌen mesuwarote Tupana mikyꞌesat nug hamo Tupana mowepiit hamo are.

Iesui Aru E Hap 2:27

Saꞌawyꞌi sese mio tã toꞌe Uiꞌywot uhepe -Uhaꞌyru e aikotã aikotã kamuti nug hat tiꞌaporok tominug yt hãpyk i hawyi miꞌi hap ewy ti aru waku etiꞌatuꞌapiheg o yt naku i nug haria wẽtup ywania wẽtup ywania yt uimohey teran i haria e nimo Uiꞌywot uhepe.

Iesui Aru E Hap 22:14

Miꞌi hawyi toꞌe atipy piat -Uwe uwe inug mesuwat piat tonapin hap miꞌi Tupana mipoityro wo toineꞌen. Pywo ti rat uwe uwe Tupana mipoityro wo toineꞌen uwe uwe tunug Tupana mikyꞌesat miꞌi hat pe ti aru Tupana toꞌe -Waku etuꞌu kat kat ywa wuatꞌi eꞌat piat eimoieineꞌen hamuat uimikoi kaipyi e aru Tupana miꞌi hat pe. Ereke mehin ereke mana uhetawa pakup we e aru tomikyꞌesat nug haria pe e.

Iesui Aru E Hap 3:5

Pywo Uimohey haria torannia pe areꞌe -Uwe uwe uimohey motꞌi tokuꞌuro hap kape uwe uwe tiꞌakit yne ahiag miat toiãꞌãg hap koꞌi miꞌiria atiꞌatupainug kahato sokpe ikytsig nakatno uhemiit sese eipe hap moherep hamo e. Iꞌewyte iꞌatuset yne atimoherep wuatꞌi ehamo. Iꞌatuset koꞌi atimoherep miwan me atipy pe e. Yt karãpe i atiꞌatusetmoweityk mekewat miwan myi areꞌe. Tupana mimoieineꞌen koꞌi wuatꞌi eꞌat piat gupteꞌen hanuaria miꞌiria e. Miꞌiria uhemiit sese koꞌi areꞌe atipy piaria pe. Miꞌiria uhekatuwyria sese areꞌe Uiꞌywot pe e.