Mateu 7:1 - Sateré-Mawé

¹ Miꞌi hawyi poꞌog toꞌe Iesui temiitꞌin me yityꞌok tote -Yt naku i ewehenoi iraniaꞌin etiat iraniaꞌin me Yt naku i miꞌi eꞌe hap. Maꞌato miꞌi tã neꞌi ewetunug mote Tupana toꞌe wy yt naku i en e aru ehepe.

Mateu 7:1 ပူးပေါင်းရင်းမြစ်များ

Mateu 7:2

Katupono ti aru ewehenoi iraniaꞌin etiat yt naku i eiꞌe hap miꞌi pote ti aru Tupana iꞌewyte toꞌe ehepe yt naku i eiperia e. Katupono koran eiminug hap oktan ne ti aru Tupana tunug ehepe.

Mateu 7:5

Pyno waku yt toꞌe hap ewywuatꞌi inug haria miꞌiria ti waku ihep taꞌatueha piat ariaꞌyp sapen. Taꞌatuehapytig iraniaꞌin eha piat hep kuap hamo.

Iruka 6:37

Yt naku i en yt eweiꞌe i iraniaꞌin me pote Tupana iꞌewyte yt naku i eipe yt e i ehepe. Yt eweipun i iraniaꞌin iꞌapiheg hamo. Miꞌi pote ti aru Tupana yt mipun wo i eweikupteꞌen. Maꞌato waku waure wo ereineꞌen iraniaꞌin minug saꞌag eete pote iꞌewyte Tupana ti waure wo toineꞌen eminug yt naku i hap ete.

Iruka 6:41

Kat poteĩ erehaꞌat ewy ehapiat ipit pit kurin kat kape neꞌi katupono ewat eha piat yt erehaꞌat hin i katupono ewat eha pe ti poꞌog iwato rakat ariaꞌyp sapen toineꞌen e.

Iuwãu 8:7

Miꞌi hawyi poꞌog apo iꞌatuꞌe Iesui pe. Miꞌi hawyi Iesui tuweꞌãpeꞌokꞌam hawyi toiꞌatuwesat raꞌyn -Uwe uwe eipyꞌasetpe yt karãpiat i iꞌaparap hap nug hat pote miꞌi waku saꞌawyꞌi mak mak e nu wo iꞌauka hamo e.

Tiaku 3:1

Uiwyriaꞌin eiweꞌeg wo o -Uito poꞌog torannia kawiat woꞌomuꞌe hat eiꞌe hap wywo katupono miitꞌin muꞌe haria kape yn Tupana poꞌog ihaꞌat sio taꞌatumuꞌe hap ewy taꞌatunug sio yt teꞌeropyhuꞌat sio taꞌatunug taꞌatuepiat miitꞌin napin hap ewy sio yt hap kape tehaꞌat kahato Tupana. Maꞌato yt watunug i ahepiat miitꞌin napin hap miꞌi pote poꞌog aiꞌapiheg hap topyhuꞌat aipotmuꞌeria kai katupono yt watunug i Tupana ainapin hap koꞌi pote miꞌi pote ti -Typy ihay haria eipe e aru ahepe Tupana mekewat eꞌat pe karãpe Tupana timoherep yne miitꞌin me uwe waku uwe yt naku i hap airo hap eꞌat pe. Miꞌi tupono waku perupꞌi puo watiꞌatumuꞌe miitꞌin are. Waku watoꞌe aiwanetup hawe -Yt hãpyk i ahenoi pote atiꞌaparap kahato Tupana pe waku watoꞌe aipyꞌa pe.