Mateu 6:6 - Sateré-Mawé

⁶ Pyno karãpe ehehay teran Tupana wywo pote waku ereke eꞌokaꞌapype aikope miitꞌin yt ehamo i migꞌi wo hawyi ereꞌapyhik miꞌi hawyi eiꞌywot yn ikuap ehehay migꞌi wuat eipyꞌa pywiat pote Tupana tuwehum kahato ehewowi hawyi tutum ehepe eimiẽtup koꞌi.

Mateu 6:6 ပူးပေါင်းရင်းမြစ်များ

Mateu 14:23

Miꞌi hawyi Iesui tiꞌatupoꞌoro iraꞌyn miitꞌin hawyi Iesui toto raꞌyn yityꞌok kape tuweran tupana wywuat tehay hamo. Wãtym kaꞌap tuweran toineꞌen itote.

Mateu 6:18

Miꞌi pote yn iraniaꞌin yt ikuap eiwemosyꞌat hap maꞌato waku eiꞌywot atipy piat yn ikuap migꞌi wuat eiwemosyꞌat hap katupono miꞌi yt iraniaꞌin yt ewywuat i pote tutum ehepe emiẽtup koꞌi wuatꞌi ehamo e Iesui.

Mateu 6:4

Yt naku i ewyriaꞌin sese pykai ikuap. Pywo waku ewetum migꞌi wo emiium koꞌi. Maꞌato waku Tupana yn ikuap eminug koꞌi katupono ti aru tupana hum ehepe hãipe piat koꞌi katupono ekaꞌiwat aiꞌywot atipy piat taꞌakasa yne eiminug koꞌi. Miꞌi pote tuwehum ehewowi hap yn eweipuẽti.

Iuwãu 1:48

Miꞌi hawyi Natanaeu toꞌe Iesui pe -Aikotã tuponoĩ uikuap En Uhyt e. Miꞌi pote Iesui tiwesat -Haꞌawyte neke ewy Wiripi piat ekay kay hap eꞌyian mete mekewat Wiku yp ywytꞌokpype ereineꞌen turan eweran turan tig araꞌakasa ewowi e.

Iuwãu 20:17

Miꞌi hawyi Iesui toꞌe -Epohep o uipy ete pyi mana katupono waku saꞌawyꞌi araꞌaipok Uiꞌywot kape e. Miꞌi hawyi maꞌato mohenoi ro uhehay e mio wyti koitywy araꞌam irane raꞌyn Uiꞌywot kape e. Miꞌi pote mohenoi ro uhehay Uipotmuꞌeria pe -Koitywy araꞌam irane raꞌyn Uiꞌywot uheTupana kape. Iꞌewyte eiꞌywot eheTupana kape ereꞌe ro uiꞌe hap uheꞌywytꞌin me mana e.

Iesui Potmuꞌeria 10:30

Miꞌi hawyi Kuneriu tiwesat -Mehin Peteru e gaꞌatpuo rẽ gaꞌatpo wãtymꞌi uhehay Tupana wywo meiũpe uiꞌyat pe turan araꞌakasa wẽtup ok miit hesokpe mehit kahato rakat kape e.

Iesui Potmuꞌeria 10:9

Ihatꞌok hawyi tuwat raꞌyn Peteru kat hamo. Atposake porap turan putꞌok iꞌatuꞌe raꞌyn mekewat yꞌy wato ẽpekiat yt pya hin i mekewat Simau yat ete. Miꞌi turan Peteru taꞌam naꞌyn getap akipy ywaiti rakat rote Tupana wywuat tehay hamo e.

Iesui Potmuꞌeria 9:40

Miꞌi hawyi Peteru toꞌe iꞌatuepe -Manaꞌin pywo ti rat atikuap taꞌyn e. Pyno uhehay teran Tupana wywo e. Pyno uiꞌatoiat mesuwe porapꞌi e. Tuwat hiwu koꞌi itote pyi hawyi Peteru tuwepỹꞌãtutuk hawyi toꞌe -Iesui e timoieineꞌen i ro mana Tapita e. Miꞌi hawyi tuwemorem iꞌokpuk takat kape hawyi toꞌe -Mana Tapita epoĩꞌam no guꞌuro pyi e. Miꞌi hawyi mehitꞌe raꞌyn mana Tapita hawyi tehaꞌat raꞌyn Peteru kape. Miꞌi hawyi mana Tapita tuweꞌãpeꞌokꞌam naꞌyn teꞌyni pyi.

Humanu 8:5

Maꞌato watuwat aimikyꞌesat saꞌag upi pote aimikyꞌesat saꞌag yn watunug. Miꞌi hawyi aiwanetup hap saꞌag ewywuat po pe watopyhuꞌat. Aheko yt naku i ewywuat saꞌag hap topyhuꞌat maꞌato Tupana Paꞌãu eiam mo watopyhuꞌat pote miꞌi hawyi watuwat Tupana Paꞌãu ehay upi. Miꞌi hawyi Tupana wanetup hap ewy topyhuꞌat aiwanetup hap. Miꞌi hawyi watunug Tupana mikyꞌesat ewy.

Ewesu 3:14

Miꞌi tã ahẽtup mesuwe aat kaꞌap -Uruꞌywot atipy piat arepỹꞌãtutuk ewowi mesuwe katupono wuatꞌi ywania ehakyeraꞌat kuap hat En are.