Mateu 6:34 - Sateré-Mawé

³⁴ Pyno yt naku i eiwanetup mukiꞌite wuat niatpo aru eiꞌe hap kape neꞌi maꞌato waku eiwanetup koityꞌi wuat raꞌyn niatpo hap kape yn waku. Katupono yt naku i watuwanetup mukiꞌite wuat niatpo hap kape koityꞌi.

Mateu 6:34 ပူးပေါင်းရင်းမြစ်များ

Mateu 6:11

Urupoi o En mesup eꞌat pe urumiꞌu wo urueꞌuꞌi wo e.

Mateu 6:25

Miꞌi tupono yt naku i eweiwanetup koꞌi koꞌi -Aikope pyi aru aimiꞌu aheꞌuꞌi ahesokpe ahesapo hy eweiꞌe hap kape. Aikope pyi aru aheineꞌen hap eiꞌe hap kape yn yt naku i. Katupono ti eiwepiit hap sese eheineꞌen hap sese yt tuut i eimiꞌu wato hap kaipyi. Taꞌi eiwepiit hap sese yt tuut i eheꞌuꞌi kahato hap kaipyi ehesokpe kahu kahato hap kaipyi e.

Mateu 6:27

Pyno eiperia ti yt wẽtup ok i iꞌywoporo kuap eheineꞌen motꞌi hap.

Iruka 10:41

Miꞌi hawyi Iesui tiwesat -Mata e eminug koꞌi kape yn erewanetup kahato e.

Iruka 11:3

Tupana mesuwat eꞌat uruihẽtup epe urueꞌuꞌi mesuwarotiat urumiꞌu hap uruhẽtup epe waku watoꞌe e.

Iruka 12:11

Uipotmuꞌeria meiũran ti aru eheropoꞌok teꞌeruwaꞌatunug hap kape Tupana motypot yat kape taꞌatuꞌakagnia pyꞌasetpiat -Miꞌiria yt naku i kahato rakaria taꞌatuꞌe hamo eimaꞌat sehay wuat eiꞌauka hamo eheroto e. Miꞌi turan yt erewanetup teiꞌo kat ere kat ere aru itote.

Iruka 12:22

Miꞌi hawyi Iesui henoi i raꞌyn topotmuꞌeria pe -Uiwyriaꞌin e yt naku i eweiwanetup yn eimiꞌu mesuwarotiat kape e. Yt naku i eipiit piat ehesokpe koꞌi kape yn eweiwanetup e.

Iuwãu 14:27

Uiwyriaꞌin areto raꞌyn eipyꞌasetpyi are wen maꞌato yt eiwanetup koꞌi koꞌi teiꞌo miꞌi hap upi e. Yt eweikenꞌẽ teiꞌo e. Mesup taꞌyn worohoꞌonug Tupana mowepiit hanuaria e. Worohoꞌomowepiit kahato aru eiperia maꞌato yt mesuwat rotiat woꞌomowepiit hap ewy i katupono eimowepiit hap wyti aru eipyꞌa piat toineꞌen e.

Iuwãu 16:33

Miꞌi hawyi Iesui toꞌe -Eimosoꞌopot kahato hanuaria yt uimohey i haria tukupteꞌen aru maꞌato yt eweikenꞌẽ teiꞌo iꞌatupupi katupono iꞌatupyhyp hat Uito areineꞌen iꞌatumoperup i hat Uito miꞌi pote eiwesaika ro uhete e. Wuatꞌi kat koꞌi kat koꞌi ahenoi raꞌyn ehepe eimoesaika hamuat eimowepiit hamuat. Eimowepiit hat sese Uito e. Yt eiwanetup koꞌi koꞌi teiꞌo katupono atiꞌatuꞌakit akit aru yne yne ahewanikaptia e. Hoꞌopot hap putꞌok e ehetiat turan yt paa eweiꞌe sese teiꞌo eipyꞌa pe eiwanetup hawe katupono yt karãpe i worohoꞌoꞌatoiat sese e Iesui topotmuꞌeria pe.

Iesui Potmuꞌeria 14:22

Miꞌi hawyi Pauruꞌin tiꞌatunapin kahato itotiaria ipakup tiaria iꞌatumoesaika hamo iꞌatuepiat imohey kahato hamo. Mio tã iꞌatuꞌe -Eiweꞌeg wo o katupono meiũran ti ewehoꞌopot kahato mesuwe Tupana etama kapiat muap upi iꞌatuꞌe imohey pakup i haria pe.

Wiripu 4:6

Pyno yt eiwanetup koꞌi koꞌi i ran o. Poꞌog waku wahẽtup Tupana kape aipowyro hamuat hap. Waku watoꞌe Tupana pe -Etum o uruepe uruwat yt kat i rakat. Uruikuap kahato raꞌyn egyiꞌat hap Tupana waku uruhẽtup. Miꞌi pote urutuwehum kahato ewowi urupyꞌa pyi Tupana waku watoꞌe Tupana pe.

1 Peteru 5:7

Miꞌi pote waku eweiꞌe Tupana pe -Tupana aikotã miitꞌin timohy yrysakag ipotyi rakat hero iꞌakag ete miꞌi hap ewy etihep uhetiat uhero hap uipyꞌa piat hap. Wẽtup ok po pe wẽtup ok akag note aikotã taꞌatuereto mekewat yrysakag ipotyi rakat ewy. Miꞌi hap ewy atoiat yne uiwanetup hap ipotyi rakat ewywuat kowoꞌi kowoꞌi hap koꞌi. Aikotã aikotã aru atunug uiꞌe hap koꞌi atoiat yne epo pe eꞌakag ete Tupana eweiꞌe. Kat pote uikyꞌe kahato hat En waku eweiꞌe kurum iwasuria makuptiaria are.