Mateu 6:30 - Sateré-Mawé

³⁰ Miꞌi hawyi mekewat yahig upiat gaꞌakyt koran pohyt wap iꞌatuꞌe hawyi mukiꞌite igag naꞌyn hawyi ahemyyp aria wo yn naꞌyn waku. Taꞌi Tupana tiꞌatupainug kahato gaꞌapy koꞌi. Miꞌi hap ewy ti Tupana eipainug kuap kahato hat toineꞌen. Katupono miꞌi hap Tupana mohey ehepiat hap kurin kahato pote.

Mateu 6:30 ပူးပေါင်းရင်းမြစ်များ

Mateu 14:31

Mio tã e hawyi Iesui topoha raꞌyn hawyi toꞌykesat Peteru hawyi toꞌe -Katupono kurin kahato epiat uimohey hap kat poteĩ erewanetup koꞌi koꞌi neꞌi e.

Mateu 16:8

Maꞌato Iesui tikuap mio tã iꞌatuꞌe hawyi apo e -Kat poteĩ ehehay yt waterut i aheman hap mio tã e eweiꞌe. Kat pote uimohey hap kurin kahato toineꞌen eikai e.

Mateu 17:17

Miꞌi hawyi Iesui itotiaria pe toꞌe -Pyno eiperia miitꞌin yt uimohey haria i. Areineꞌen motꞌi apo eiwywo pykai yt uimohey i te. Miꞌi hawyi toꞌe -Eterut ro meikowo kurum hin e.

Mateu 8:26

Miꞌi hawyi Iesui toꞌe -Kat poteĩ eweikenꞌẽ. Uimohey hit kahato apo eipe. Mio tã toꞌe hawyi ipoĩꞌam naꞌyn hawyi toꞌe haty wo ywyt uato pe -Epoꞌinik to yꞌy epoꞌinik to ywytu e hawyi meremo yꞌy ihy nik taꞌyn.

Maku 4:40

Miꞌi hawyi toꞌe towyriaꞌin me -Uhytꞌiꞌin e kat poteĩ eweikenꞌẽ uimohey haria eipe pykai e.

Maku 9:19

Miꞌi hawyi Iesui toꞌe -Taꞌi yt uimohey i haria miitꞌin mesuwat yi totiaria. Karania eꞌat ti aru areineꞌen eiwywo eimuꞌe uimohey mono uiꞌe haype e. Karamuo putꞌok e uimohey ehepiat hap worohoꞌomuꞌe motꞌi pykai e. Pyno eterut ro meikowo uhewowi esaꞌyru e Iesui ahiag ipiit piat rakat ywot pe.

Iruka 12:28

Wuatꞌi eꞌat pe gaꞌapy piat koꞌi Tupana minug sokpe puo e. Mukiꞌite ipohyt koꞌi topap taꞌyn. Miꞌi hawyi igag hawyi eheꞌaria wo iꞌyp koꞌi ewetunug e. Taꞌi Tupana tikuap kahato ahesokpe nug hap aipainug hap e. Yt eweikuap i te apo aikotã eiperia poꞌog Tupana mikyꞌe koꞌi gaꞌapy pohyt koꞌi kai hap e.

Iruka 9:41

Miꞌi hawyi Iesui toꞌe itotiaria pe -Are paĩ eipe ti yt Tupana mohey haria hin i. Areineꞌen motꞌi raꞌyn eiwywo eimuꞌe hamo pykai. Miꞌi hawyi Iesui toꞌe mekewat miit pe. -Eterut ro emepyt meikowo uhewowi.

Iuwãu 20:27

Eiwepiit ro e. Uipotmuꞌe Tume e erokosap to uhewowi are erepuiꞌĩapag no uiposuk hawe iꞌewyte uhakupe suk hawe hawyi etimohey ro e.

Epereu 3:12

Uiwyriaꞌin uheinytꞌin wẽtup yn Iꞌywot rakaria aito pote worohoꞌonapin -Waku aiweꞌeg wo aheTupana mohey hap pun hap pupi katupono yt naku i kahato aipyꞌahak Tupana ete hap areꞌe. Yt naku i watoiat Tupana yt kat i imohey hap aikawiat haype. Yt naku i watopyhuꞌat wuatꞌi eꞌat piat ieineꞌen hat ewanikap mo aheTupana atoiat haria wo.

1 Peteru 1:24

Maꞌato aito ti ipuꞌi kawiat. Aipiit aimikoi ewy katupono meiũran ti aru ipotꞌi hawyi igag naꞌyn hawyi ikuꞌuro. Aimimotypot mesuwarotiat aikotã ipohyt ewy ikahu kahato saꞌawyꞌi maꞌato meiũran taꞌat raꞌyn hawyi yt ikahu i raꞌyn hap ewy topyhuꞌat. Miꞌi hap ewy watoineꞌen mesuwarote aimikoi ewy ipohyt ewy are.