Mateu 6:2 - Sateré-Mawé

² Miꞌi pote karãpe hatek takat putꞌok e ehete turan waku eweipowyro kahato maꞌato yt miitꞌin piat eimotypot yt hamo i. Yt naku i eiwanetup hawe -Atipowyro miꞌi miit wuatꞌi ehamo pote mio uimotypot kahato miitꞌin mesuwe yt naku i eweiꞌe. Yt naku i ehehay eiwanetup hawe eimowato wuatꞌi ehamo eiminug wakuap koꞌi wo e. Kat pote miꞌiria ti Tupana motypot yat pe tuwehytꞌok kahato Tupana motypot haria ewy teꞌeruwaꞌatunug wen maꞌato yt pywo pe i. Taꞌi miꞌiria wyti getap upi oken upi Tupana motypot hap taꞌatunug wen miitꞌin ehamo maꞌato yt pywo pe e. Miꞌi hap ewy ewetunug mote wyti aru yt kat i ti aru Tupana kaipywiat eimotypot hap atipy pe e.

Mateu 6:2 ပူးပေါင်းရင်းမြစ်များ

Mateu 15:7

Miꞌi tã nug haria wyti typy ihay rakaria tukupteꞌen. Pywo pe kahato saꞌawyꞌi Isaia henoi raꞌyn ehetiat.

Mateu 16:3

Pyno mukiꞌite hune ete eiwehaꞌat atipy kape turan ihup hawyi --Yt aat kahu hin i raꞌyn maꞌato iꞌaman hamuat hap eweiꞌe. Miꞌi hap koꞌi eweikuap kahato pykai uimimoherep ehepiat koꞌi yt eweikuap hin i aikotã aru Tupana topyhuꞌat morekuatno hap e.

Mateu 22:18

Maꞌato mio tã iꞌatuꞌe iꞌatuehay hap Iesui tikuap tuwanetup hawe tomaꞌat hamuat hap etiat toikuap. Miꞌi hawyi toiꞌatuwesat -Typy ihay rakaria sese ti eipe katupono uimaꞌat reran neꞌi are uhãꞌãg neran haype hap atikuap taꞌyn e.

Mateu 23:5

Taꞌi miꞌiria ti ikat miitꞌin upi wuatꞌi piat -En wyti waku kahato uhyt e hap taꞌatukyꞌesat. Miitꞌin ehamo yn wakuap nug hap taꞌatumoherep taꞌatumotypot hamuat e. Taꞌatuesokpe iꞌywop takat ete taꞌatupag ikahu rakat koꞌi tuwemotypot hamo. Miꞌiria ti ikytyt Tupana ehay taꞌatuewatuꞌa ete iꞌewyte taꞌatupo ete. Yne miꞌi taꞌatunug miitꞌin mimotypot haria wo taꞌatukyꞌesat.

Mateu 23:6

Miꞌiria ti ikyꞌesat ienuk turan teꞌeraꞌapyk poꞌog taꞌatuꞌe hawe iraniaꞌin kai morekuat eꞌamyap ewywuat tote. Iꞌewyte Tupana motypot hawe taꞌatukyꞌesat aikotã morekuat eiam ewywuat tote poꞌog iraniaꞌin kai hap enoi hamo hap yn taꞌatukyꞌesat.

Mateu 24:51

Miꞌi hawyi tekaꞌiwat putꞌok e hawyi haiwot kahato topyhuꞌat temiit ete. Miꞌi hawyi toimosoꞌopot sehay wo hawyi ti aru toipoꞌoro raꞌyn aikope tukupteꞌen miitꞌin typy iwẽ piat sehay rakaria eiam me e. Aikope miitꞌin teꞌeruwak kyryet kyryet iꞌatuꞌe taꞌatuiãi ete hap kape raꞌyn e Iesui.

Mateu 5:18

Pywo pe ti areꞌe mesuwat yi aat waty waikiru koꞌi ikahuro pykai ti aru Tupana ehay moherep haria nimuaria miwan koꞌi tukupteꞌen ne. Yt tuweityk hin i raꞌyn e. Pywo pe ti itig hap iwan hit koꞌi Tupana ehay miwan etiat Muisei miwan Tupana ehay moherep haria miwan topyhuꞌat aru wuatꞌi eꞌat pe. Yt karãpe i aru Tupana ehay miwan miat ikahuro e. Pyno ti yt uwe i ipyhyp kuap Tupana e hap koꞌi -Atunug aru e hap koꞌi taꞌi Tupana tunug kuap yne yne toꞌe hap ewywuat e.

Mateu 6:16

Pyno karãpe eiwemosyꞌat ehehay Tupana wywuat hamuat turan yt naku i ehemoꞌarotꞌi miitꞌin piat ikuap hamo iraniaꞌin uito poꞌog e haria ewy katupono miꞌiria ti inug teꞌeremosyꞌat turan iꞌatuꞌarotꞌi torannia miitꞌin mono ikuap uruwemosyꞌat hap taꞌatuꞌe haype. Maꞌato pywo pe areꞌe ehepe miꞌi haria ti aru ipuẽti miitꞌin piat taꞌatumotypot hap yn.

Mateu 6:3

Miꞌi hawyi poꞌog Iesui toꞌe itotiaria pe -Uiwyriaꞌin waku kahato eweipowyro ihakyꞌeꞌi rakaria migꞌi wo yt uwe mikuap mo i. Waku ti yt ehenoi i eimiium miitꞌin powyro hap wuatꞌi pe eimotypot hap pupi.

Mateu 6:5

-Uiwyriaꞌin karãpe ehehay Tupana kapiat turan -Uito poꞌog uhehay se eiꞌe hap wywo iraniaꞌin ewy yt naku i katupono irania ti iꞌam myi ihay Tupana kape Tupana motypot yat pe. Iꞌewyte iꞌatuehay muap koꞌi upi oken koꞌi upi iꞌatuehay se. Iraniaꞌin mono teꞌerehaꞌat hawyi urumotypot taꞌatuehaype. Maꞌato miitꞌin mikuap wo iꞌatuehaype Tupana kape wen maꞌato yt pywo pe i. Maꞌato miitꞌin piat eimotypot hap neꞌi eweikyꞌesat pote topyhuꞌat miꞌi yn ehaꞌup wo. Yt kat i Tupana kaipywiat wehum ehetiat hap.

Mateu 7:5

Pyno waku yt toꞌe hap ewywuatꞌi inug haria miꞌiria ti waku ihep taꞌatueha piat ariaꞌyp sapen. Taꞌatuehapytig iraniaꞌin eha piat hep kuap hamo.

Maku 12:39

Iꞌewyte Tupana motypot hawe hawyi ienuk turan taꞌatueiam nug poꞌog waku iraniaꞌin kawiat hap taꞌatukyꞌesat e.

Maku 7:6

Miꞌi pote Iesui tiꞌatuwesat -Nimo te ti aseꞌi Isaia henoi tomiwan me ehetiat typy ihay rakat etiat. Mio tã e Isaia -Miꞌi tã haria Tupana motypot taꞌatuwẽ pywiat haria yn miꞌiria maꞌato yt taꞌatupyꞌa pyi i taꞌatumotypot Tupana e Isaia 29.13 pe.

Iruka 11:41

Waku eiwepyi eweiꞌatumoꞌẽ eimiꞌu ehekareꞌen yt hekat i rakaria pe hatek takaria pe. Miꞌi hawyi Tupana mowepiit hat eweikupteꞌen. Miꞌi hawyi yt eweiposei yn e maꞌato eipyꞌa piat eiwanetup hap wy ikytsig naꞌyn e.

Iruka 11:43

-Taꞌi eiperia woꞌonapin haria eweikyꞌesat kahato iraniaꞌin miat eimotypot hap yn. Eweihytꞌok waꞌatunug hap hawyi eweikat kahato mekewat poꞌog waku eiꞌapyk hap iraniaꞌin pyꞌasetpe. Iꞌewyte yne tawa pe muap upi ehekat kyiꞌat hap tote miitꞌin wẽpowat kahato hap eimotypot hamuat hap yn eweikat.

Iruka 12:33

Waku eiweweneru ehekareꞌen miꞌi hawyi waku ehekareꞌen saꞌup kaipywiat waku eihoꞌoium ehekat yt hekat i rakaria pe hatek takaria pe are e. Miꞌi ewetunug hawyi ehekareꞌen sese iwato kahato toineꞌen atipy pe wuatꞌi eꞌat pe e. Miꞌi tote ehekat sese moheg hap toineꞌen eheiam yt karãpe i ipotꞌi rakat are e. Yt karãpe i ikahuro ahekat itote e. Iꞌewyte sereꞌok eharia yt tuwehytꞌok kuap i itote.

Iruka 12:56

Taꞌi eweikuap taꞌyn kahato iꞌaman uut hap sio yt hap teꞌerahaꞌat atipy kape hawyi taꞌatukuap maꞌato aikotã wyti aru hap kape yt eweiwanetup hin i. Aikotã yt naku i hap koꞌi etiat yt eweikuap i yt ehewaure kaꞌa pote uhehay kape e.

Iruka 13:15

Miꞌi hawyi Iesui tiwesat -Typy hẽku rakat neꞌi wyti en e. Yne eꞌat pe eweterepoꞌok eihũria iꞌatumoeꞌyꞌu hap kape e Iesui Tupana motypot yat apykok hat pe.

Iruka 20:46

Uhekatuwyria e eiweꞌeg wo o mekewaria Tupana ehay mikuap haria pupi are. Miꞌiria hewyry tawa pyꞌasetpe sokpe paꞌi wat ikahu rakat puo. Taꞌatumotypot hap miitꞌin miat muap upi taꞌatukyꞌesat kahato. Tupana motypot yat pe teꞌeraꞌapyk poꞌog wakuaria apyk hawe. Iꞌewyte tuwat tenuk iwato rakat kape hawyi miꞌi tote wy ienuk kaꞌiwat yatype teꞌeraꞌapyk uito poꞌog iraniaꞌin kai e hamo.

Iruka 6:24

Pyno eiweꞌeg wo o hekat rakaria kat pote toĩ yne raꞌyn ehekat koꞌi wen maꞌato mesuwarotiat eimowepiit hamuat yn toineꞌen.

Iruka 6:42

Aikotã ten pyno ereꞌe ewy ok pe -Atihep teran eha piat ipit pit ere maꞌato miꞌi pykai ewat eha piat yt erehaꞌat hin i ariaꞌyp sapen toineꞌen eha piat pykai. Pyno typy ihay rakaria waku saꞌawyꞌi etihep ewat eha piat ri ariaꞌyp sapen hawyi ehapytig naꞌyn hawyi waku etihep ewy ok eha piat ipit pit e.

Iuwãu 13:29

Maꞌato teꞌeruwanetup Iuta sio toipoꞌoro ienuk hap miꞌu kyiꞌat hamo iꞌatuꞌe neꞌi sio toipoꞌoro saꞌup moꞌẽ ihakyꞌeꞌi rakaria piat hamo sio iꞌatuꞌe. Kat pote Iuta po pe tineiru eiam toineꞌen miitꞌin miium koꞌi eiam iꞌapykok hat toineꞌen pote.

Iuwãu 5:41

Uito yt atikat i miitꞌin miat waku kahato En e hap.

Iuwãu 5:44

Kat pote yt karamuo i uimohey teran eipe. Eweikyꞌesat kahato miitꞌin miat waku kahato eipe iꞌatuꞌe hap maꞌato Tupana piat waku kahato eipe e hap yt eweikat i yt eweikuap i pote e.

Iuwãu 7:18

Iraniaꞌin aimuꞌe haria taꞌatukyꞌesat kahato -Waku kahato en urumuꞌe hat e hap miitꞌin kaipyi taꞌatukyꞌesat maꞌato yt miꞌi tã i Uito worohoꞌomuꞌe katupono uipoꞌoro hat Tupana motypot hap yn uiwanetup hawe worohoꞌomuꞌe. Tupana motypot teran hat ihay hãpyk kahato rakat yt heso hin i rakat e. Miꞌi hat ewy areineꞌen.

Iesui Potmuꞌeria 10:2

Surara koro Kuneriu ti waku nug kahato hat toineꞌen iꞌewyte topyꞌa pywiat Tupana mohey hat sese toineꞌen. Yne iꞌyat piaria imepytꞌin iharyꞌi Tupana mohey haria tukupteꞌen itote. Surara Kuneriu timoꞌẽ kahato tekat koꞌi Iuteu ywania ihakyꞌeꞌi rakaria pe. Ihay kahato aat kaꞌap Tupana wywo topyꞌa pyi miꞌi miit.

Iesui Potmuꞌeria 10:31

Miꞌi miit toꞌe uhepe atipy kaipyi -Kuneriu e Tupana tikuap kahato raꞌyn ehay tewowiat hap e. Taꞌi Tupana tikuap taꞌyn ihakyꞌeꞌi rakaria piat ekareꞌen moꞌẽ hap mehin e.

Iesui Potmuꞌeria 10:4

Miꞌi pote Kuneriu gytꞌe hawyi tehaꞌat kahato raꞌyn Tupana mipoꞌoro atipy kaipywiat kape hawyi toiwesat -Areineꞌen meiũpe Uikaꞌiwat e. Kat e hap som Tupana tikyꞌesat atunug hap e. Miꞌi pote mekewat atipy kaipywiat tiwesat -Mehin e pywo ti rat ehay tewowiat hap kape ti Tupana tuwehum kahato e. Iꞌewyte emimoꞌẽ ihakyꞌeꞌi rakaria powyro hap koꞌi Tupana mowepiit kahato hap topyhuꞌat mehin e. Tuwehum kahato tomotypot hap eminug koꞌi ete mehin e.

Iesui Potmuꞌeria 11:29

Miꞌi pote Iesui potmuꞌeria tawa Antiokia piaria teꞌeroꞌe toꞌope -Yt naku i aiwyriaꞌin Iesui mohey haria yi Iuteu totiaria topap yne yt kat i iꞌatumiꞌu pote iꞌatuꞌe. Pyno waku watiꞌatunug kahato aheꞌuꞌi iꞌewyte ahekareꞌen koꞌi hawyi waku watimoꞌẽ ahekat Iesui mohey haria tawa Iuteu ywania ihakyꞌeꞌi poityꞌi rakaria pe iꞌatuꞌe.

Iesui Potmuꞌeria 24:17

Areineꞌen motꞌi iraniaꞌin nywo hawyi araꞌaipok tawa Ierusarẽi kape e. Myẽꞌym anu areineꞌen iraniaꞌin tama pe hawyi aterut urumiium wuat uruꞌywania kape Tupana piatnuat e.

Iesui Potmuꞌeria 9:36

Miꞌi hawyi tawa Iope pe wẽtup ok haryporia Iesui mikyꞌesat nug hat toineꞌen. Miꞌi ti mana Turaka e hap het rakat. Miꞌi haryporia inug waku kahato aat kaꞌap. Toiꞌatupowyro kahato miitꞌin miwaure koꞌi. Toiꞌatupoi hesyꞌat rakaria. Iwese kahato hap toimoherep yne ihakyꞌeꞌi rakaria pe. Toiꞌatupowyro hatek takaria. Tekareꞌen ahyt toimoꞌẽ yt hekat i rakaria pe. Wẽtup het Tapita iꞌatuꞌe Kereku pusu kuap haria.

Humanu 12:8

Maꞌato tutum ahepe tesaika hap miitꞌin mowepiit hamuat miitꞌin arotꞌi potiat iꞌatuhep hamuat miꞌi pote etiꞌatumowepiit ro hatek takaria hoꞌopot haria. Maꞌato tutum ahepe tegyiꞌat hap miitꞌin powyro hamuat aimiium kaipyi pote waku watopyhuꞌat hegyiꞌat kahato miꞌi hap wywo. Tupana ainug miitꞌin akag wo pote waku ahemiitꞌin kyꞌe hap wywo watipowyro hãpyk takat ewy. Tupana ainug miitꞌin powyro hatno pote waku watum kat koꞌi kat koꞌi satek takaria pe iꞌatukyꞌe hap wywo.

1 Kuriniu 13:3

Iꞌewyte hegyiꞌat kahato rakat watoineꞌen hawyi watum yne ahekat miitꞌin me maꞌato yt watiꞌatukyꞌe i miitꞌin mote yt kat hamo i aimimohey iwato hap -Yt pywo i rat iꞌatuꞌe neꞌi ahepe. Miꞌi hawyi watum aipiit yne Iesui ehay moherep hamo maꞌato yt kat i miitꞌin kyꞌe hat aito pote yt kan hamo i -Waku pyno uiwuk watoꞌe aiꞌauka teran haria pe Iesui mohey haria kahato aito pote maꞌato miꞌi pykai yt watikyꞌe i miitꞌin mote yt kat hamo i aiwuk hap Iesui moherep haria wuatꞌi ywania muꞌe haria aito pykai.

Karasia 2:10

Miꞌi hawyi teꞌeroꞌe uruepe -Waku eweiꞌatumuꞌe Iesui ehay ete wuatꞌi ywania iꞌatuꞌe katupono miꞌi nug kuap hap Tupana tum naꞌyn ehepe iꞌatuꞌe uruepe. Waku kahato iꞌatuꞌe. Eweiꞌatumuꞌe turan yt waureꞌeweiꞌe teiꞌo ihakyꞌeꞌi rakaria poi miꞌu wuat hap ete pyi iꞌatuꞌe uruepe. Eweiꞌatupowyro ro meimuẽwuaria hatek takaria iꞌewyte eweiꞌatumuꞌe miꞌiria Iesui etiat turan iꞌatuꞌe uruepe itote tawa Ierusarẽi me. Mio tã iꞌatuꞌe uruepe hawyi -Taꞌi uruwyriaꞌin miꞌi hap ewy yn urutunug teran haꞌawyte pyi mesup te raꞌyn urutoꞌe haty wo urupyꞌa pyi Tiaku Peteru Iuwãu me urutoꞌe ainapin hawyi.

Ewesu 4:28

Saꞌawyꞌi wateroꞌok iraniaꞌin ekat maꞌato koitywy waku watoiat mekewat ahesokpe nem hap ewy are. Yt naku i Iesui mohey hat seroꞌok e hatno topyhuꞌat. Waku mesup ipakup we watoineꞌen motpap nug haria wo waku watoineꞌen. Waku aheꞌat hakup wywo aipotpap aat. Miꞌi hawyi aipotpap hap saꞌup wywo waku ahekat. Yt naku i miitꞌin maꞌatꞌi maꞌatꞌi hatno aipotpap are. Waku watikat ahekat iwato hawyi ahegyiꞌat hap wywo hatek takaria powyro hanuaria watukupteꞌen. Miꞌi hawyi satek haria poi haria wo watopyhuꞌat aiko wato kaipyi. Miꞌi hap watunug mote ahegyiꞌat hap topyhuꞌat ahete aipainug hap ikahu rakat ewy topyhuꞌat mesuwe Tupana wanetup hawe.

1 Tesaronika 2:6

Iꞌewyte yt kat i urumotypot hap uruikyꞌesat eimuꞌe turan. Yt uwe kaipyi hin i uruikyꞌesat urumotypot hap. Yt eikaipyi i wyti maꞌato urupoꞌoro hat mowepiit hap yn uruwanetup hawe eimuꞌe turan.

1 Timoteu 6:18

Wakuap nug haria wo o eweikupteꞌen ereꞌe. Waku eipotpap kahato wakuap nug hap koꞌi ete yn. Hegyiꞌat rakaria wo o eweikupteꞌen ere. Yt hekat i rakaria tukupteꞌen eimikuap pote eweimoꞌẽ miꞌiria pe ehekat ere o hekat rakaria pe Iesui mohey haria pe.

Wiremu 1:7

Uiwy Wiremu en urukyꞌe hap iꞌewyte uikyꞌe hap poꞌog uimowepiit kahato hap topyhuꞌat. Uimowepiit kahato meiũpe arewanetup ewowiat hawyi are. Yt uito yn i maꞌato yne Tupana emiitꞌin mowepiit kahato hat en.

Epereu 13:16

Waku hegyiꞌat rakaria wo watoineꞌen. Ihakyꞌeꞌi rakaria pe waku watimoꞌẽ ahekat. Waku watipowyro hatek takaria ahekat kaipyi ahesokpe kaipyi aheꞌuꞌi kaipyi e. Yt naku i waure wo watoineꞌen ihakyꞌeꞌi rakaria kai. Watimoꞌẽ pote Tupana mowepiit haria wo watopyhuꞌat. Haty pykai waku watum. Ahegyiꞌat hap kape Tupana taꞌakasa hawyi tuwehum kahato ahowawi.

1 Peteru 4:11

Pyno iraniaꞌin aitoria Tupana mimuꞌeria kahato ahehay se kahato Iesui etiat moherep hamo aimuꞌe kahato. Ahẽku ete tutum tesaika hap tehay moherep hamuat. Miꞌi pote karãpe watiꞌatumuꞌe miitꞌin waku ahehay watimoherep aipyꞌa pyi aikotã Tupana ihay aiwẽ pyi Topaꞌãu kaipyi hap ewy waku watimoherep Tupana ehay. Maꞌato iraniaꞌin yt ahehay kuap i rakaria Tupana tikyꞌesat aipo wywo aipy wywo watiꞌatupowyro miitꞌin hap. Miꞌi pote tutum ahepe iraniaꞌin me tesaika hap miitꞌin eropat hamuat. Tupana aimuꞌe kahato aipyꞌa pyi aikotã aikotã waku watunug miitꞌin eropat hap ete. Miꞌi hawyi tutum ahepe tesaika hap wakuat sese nug aipo wywo aipiit wywo hamuat hap. Pyno kat som tutum ahepe sepap nug hamuat hap koꞌi miꞌi pote waku i oktan watimoꞌẽ miitꞌin me Tupana motypot hamuat Aipotypot Tupana Mipoꞌoro Iesui motypot hamuat hap koꞌi are. Pyno ahẽtup uiwy Iesui pe -Atikyꞌesat kahato ereineꞌen Wuatꞌi Miitꞌin Porekuat no hap. Atikyꞌesat En Wuatꞌi Miitꞌin Mimotypot no. Mesup wuatꞌi eꞌat pe aru atikyꞌesat En yne mesuwarotiaria emiitꞌin sem akag wo. Miꞌi ti mesup ahẽtup are waku.