Mateu 5:6 - Sateré-Mawé

⁶ Miꞌi hawyi toꞌe i -Pyno uwe uwe ipotpap Tupana mikyꞌesat nug hap ete tesyꞌat wywo teꞌytui wywo miꞌi haria ti aru meiũran Tupana mimowepiit wo tukupteꞌen.

Mateu 5:6 ပူးပေါင်းရင်းမြစ်များ

Iruka 1:53

Toiꞌatupoi kahato aru hesyꞌat rakaria ihakyꞌeꞌi rakaria maꞌato hekat rakaria aru toiꞌatupoꞌoro yt kat wywo i raꞌyn.

Iruka 6:21

Miꞌi hawyi Tupana mipoityro kahato koꞌi eiperia. Miꞌi pote koran hesyꞌat rakaria eweikupteꞌen pykai ipoityꞌi kahato aru eimiꞌu koꞌi. Tupana mipoityro kahato eiperia pykai koran eweiwak kahato maꞌato miꞌi pykai aru iwepiit rakaria wo eweikupteꞌen.

Iruka 6:25

Iꞌewyte eiweꞌeg wo o eimiꞌu iwato kahato hap wywo kat pote miꞌi ti mesuwarotiat yn pote aru hesyꞌat rakaria wo meiũran eweikupteꞌen. Iꞌewyte eiweꞌeg wo o koran wuat eiwepiit hap ete kat pote meiũran aru eweikupteꞌen wak haria wo neꞌi e.

Iuwãu 4:14

Maꞌato uwe uwe mekewat uimiium yꞌy wo teꞌereꞌyꞌu miꞌi haria ti aru yt karamuo i raꞌyn teꞌereꞌyꞌutui e katupono uimiium yꞌy toineꞌen emoieineꞌen hamuat wuatꞌi eꞌat piat ihãite rakat raꞌyn. Uimiium yꞌy yresa sese ewy raꞌyn tuwẽtem yꞌy epyꞌa pyi mana e.

Iuwãu 6:27

Eweikat kahato wyti miꞌu eimeꞌen moꞌok hamuat neꞌi e maꞌato miꞌi ti nem rakatnuat neꞌi e. Maꞌato waku eweikat miꞌu sese wuatꞌi eꞌat piat eimoieineꞌen hamuat e. Miꞌi yn wyti Miitꞌin Ykeꞌet tum kuap ehepe. Pywo Miitꞌin Ykeꞌet tum kuap katupono iꞌywot atipy piat waku kahato miꞌi nug hamo e.

Iuwãu 7:37

Miꞌi hawyi ienuk hap heꞌat ikahuro hamo mekewat poꞌog iwato hap eꞌat pe Iesui ipoĩꞌam iꞌatupyꞌasetpe hawyi haty wo toꞌe iꞌatuepe -Uwe uwe teꞌyꞌutui miꞌi haria eweiwat ro uhewowi eiweꞌyꞌu hamo e.

Iesui Aru E Hap 7:16

Saꞌawyꞌi Miitꞌin misatyꞌi satyꞌi kahato haria miꞌiria miitꞌin mimoesyꞌat koꞌi wo tukupteꞌen e. Teꞌereꞌyꞌutui kahato pykai yt kat i yꞌy taꞌatuium e. Saꞌawyꞌi taꞌatuhoꞌopot aat kaꞌap imohey pote e. Miitꞌin mimosoꞌopot motpap wiat haria iꞌatupiit sero hakup pono haria e. Koitywy yt hakup i haria wo yt iãꞌãg haria wo i raꞌyn tukupteꞌen e. Koitywy waku pe tukupteꞌen e. Yt kat i poꞌog hoꞌopot hap katupono Tupana mipoi koꞌi tukupteꞌen e. Koitywy Tupana mowepiit aat kaꞌap takaria wo tukupteꞌen miꞌiria e uhepe.