Mateu 5:40 - Sateré-Mawé

⁴⁰ Uito ti worohoꞌonapin yt iraniaꞌin ewy hin i raꞌyn e maꞌato mio tã are e -karãpe ehewanikap eipohari teran ehesokpe ete miꞌi pote yt eipyꞌahak teiꞌo ehewanikap ete. Ehesokpe toikyꞌesat pote waku ewetum ehekamisa toikyꞌesat pote waku ewetum. Maꞌato waku poꞌog ewetum imikyꞌesat kai toihep ehekamisa hawyi iꞌewyte waku esiara ewetum.

Mateu 5:40 ပူးပေါင်းရင်းမြစ်များ

Mateu 5:39

Maꞌato Uito areꞌe karãpe wẽtup ok tunug saꞌag ehetiat turan o yt eweꞌapyk teiꞌo are. Iꞌewyte karãpe wẽtup ok ewapetek pote o waku kokai uiporan kai uiꞌahyk mehin waku eweiꞌe.

Mateu 5:41

Iꞌewyte karãpe surara toꞌe ehepe -Etioto ro uhekareꞌen meremo pya wẽtup miu iãꞌãg tote hap tote myꞌahaktu pote waku mehin waku poꞌog atioto typy iãꞌãg hap kape eweiꞌe.

Iruka 6:29

Sio karãpe wẽtup ok ehewa petek turan waku eiwemorem hawyi -Waku kokai i ro uiꞌahyk eweiꞌe eiꞌahyk hat pe. Iꞌewyte karãpe wẽtup ok epohara esokpe ete hawyi waku ereꞌe tope -Pyno waku poꞌog wẽtup etioto eweiꞌe.

1 Kuriniu 6:7

Maꞌato eiwoꞌoꞌatuuka hap kaipyi atikuap taꞌyn yt ihãite i eiwoꞌokyꞌe hap ete. Miꞌi hap kaipyi atikuap eipe porap te haria hap. Yt naku i ewetioto ehemiit morekuat yt Iesui mohey hat kape. Karãpe Iesui mohey hat aimaꞌat yt naku i watioto surara kape poꞌog waku imaꞌat hat no watukupteꞌen. Poꞌog waku eweikupteꞌen waku imieroꞌok wo poꞌog morekuat woꞌopyhik hawe eweikupteꞌen.

1 Kuriniu 7:36

Pyno mesup worohoꞌonapin neran eipe. Ehaytuwy haryporia ihainia kawiat eiwoꞌokyꞌesat pote waku etat eharyꞌi wo eꞌaito wo. Maꞌato -Ahoꞌopot kahato mesup yt kat i aiꞌyat i yt kat i aiko i yt kat i aimiꞌu eweiꞌe eiwoꞌope pote -Waku poꞌog yt watoꞌokyiꞌat i te katupono hoꞌopot hap eꞌat mesup katupono aito Iesui mohey haria pote miitꞌin mikyryꞌi haria wo watopyhuꞌat. Pyno waku watoineꞌen yt iwary i rakatno yt heꞌaito rakatno i mesup waku eweiꞌe eiwoꞌope. Miꞌi hawyi waku eweikupteꞌen yt iwary i rakat ewy yt heꞌaito i rakat ewy. Meiũran maꞌato eiwoꞌokyiꞌat teran mote pyno waku eiwoꞌokyiꞌat eiwoꞌokokaꞌat e Tupana. Miꞌi hawyi waku eweikupteꞌen heꞌaito iwary rakatno Iesui mohey haria eipe pote.