Mateu 5:1 - Sateré-Mawé

¹ Miꞌi hawyi miitꞌin sem teꞌeruwaꞌatunug Iesui kape. Miꞌi hawyi tehaꞌat iꞌatuewowi hawyi ipotꞌam naꞌyn yityꞌok kape hawyi taꞌapyk itote yityꞌok apypeke. Miꞌi tote ipotmuꞌeria teꞌeruwaꞌatunug iꞌapy pueri wo.

Mateu 5:1 ပူးပေါင်းရင်းမြစ်များ

Mateu 13:2

Miꞌi turan miitꞌin sem tõꞌẽ typyꞌi kahato raꞌyn Iesui kape. Miꞌi hawyi Iesui teke raꞌyn yara pe hawyi taꞌapyk yara pe maꞌato miitꞌin sem tukupteꞌen yi kyt rote yꞌam me.

Mateu 15:29

Miꞌi hawyi Iesui toto iraꞌyn itote pyi mekewat yi Karireia hyemyiꞌa kape hawyi itote pyi ipoĩꞌam naꞌyn yityꞌok kape hawyi taꞌapyk itote.

Mateu 4:25

Miꞌi hawyi miitꞌin sem tuwat tuwat hupi aikopuo aikopuo hewyry hap upi yi Karireia kaipywiaria tawa wato Ierusarẽi kaipywiaria mekewat Iutãu hy sakpuaria mekewat 10 tawa koꞌi kaipywiaria tuwat hupi. Iꞌewyte yi Iuteu kaipywiaria tuwat tuwat Iesui upi.

Mateu 5:2

Miꞌi hawyi Iesui haꞌawynug iꞌatumuꞌe hap.

Maku 3:13

Miꞌi tote pyi Iesui taꞌam naꞌyn yityꞌok tote. Miꞌi tote pyi toiꞌatukay kay temiitꞌin towywuat ieineꞌen haria

Maku 3:20

Miꞌi hawyi Iesui taꞌaipok i raꞌyn yityꞌok kaipyi netap kape towyriaꞌin wywo. Miꞌi hawyi teꞌeruwaꞌatunug kahato i raꞌyn hewowi typyꞌi kahato. Miꞌi pote yt teꞌerenuk kuap i.

Maku 4:1

Miꞌi hawyi Iesui toto i raꞌyn yi Karireia hyemyiꞌa eꞌyikytꞌok upi miitꞌin atumuꞌe hamo. Miꞌi hap tote typyꞌi rakaria teꞌeruwaꞌatunug hewowi. Miꞌi hawyi Iesui teke yara pe hawyi taꞌapyk yara pe yowa tote pywiat miitꞌin atumuꞌe hamo. Miꞌi pykai miitꞌin yi kyt upi tukupteꞌen.

Iruka 6:12

Mekewat eꞌat pe Iesui toto raꞌyn yityꞌok kape Tupana wywuat tehay hamo. Wãtym muo kaꞌap toineꞌen itote ihay Tupana wywo.

Iruka 6:17

Iesui tiꞌatuꞌairo 12 ok takaria temiitꞌin hawyi ipotꞌapyk yityꞌok kaipyi yt hot kape. Miꞌi tote tukupteꞌen Iesui kat haria iꞌatu kahato rakaria. Miꞌiria tawa Iuteu kaipyi tawa Ierusarẽi kaipyi iꞌewyte yꞌy wato yẽpe etiat tawa Tiro kaipyi hawyi Sitau kaipywiaria toiꞌatupuẽti yihot pe.

Iruka 6:20

Miꞌi hawyi Iesui tehaꞌat topotmuꞌeria kape hawyi toꞌe -Tupana mipoityro kahato koꞌi eiperia. Yt hekat rakaria i eweikupteꞌen pykai maꞌato Tupana ieineꞌen hap eheineꞌen hamuat.

Iruka 9:28

Miꞌi hawyi 7 eꞌat hawyi Iesui tioto raꞌyn topotmuꞌeria sese Peteru Iuwãu Tiaku tuwewywo yityꞌok kape tehay Tupana wywuat hamo.

Iuwãu 6:15

Maꞌato iꞌatuwanetup hap Iesui tikuap taꞌyn topyꞌa pe -Uinug irane taꞌatuporekuatno miꞌu kyewi e tuwepe. Miꞌi tã neꞌi toikuap hawyi meremo toto raꞌyn iꞌatupyꞌasetpyi yityꞌok kape. Tuweran yn naꞌyn toto yt toikyꞌesat i tuwepag iꞌatupo pe iꞌatuporekuatno haype.