Mateu 4:24 - Sateré-Mawé

²⁴ Miꞌi hawyi yi Siria piaria tikuap taꞌyn Iesui misepap koꞌi. Miꞌi hawyi tõꞌẽ tõꞌẽ pya wuaria. Taꞌatuerut kahato iꞌahuu rakaria torannia hawyi Iesui tiꞌatumoehãite kahato ipiit heg nakaria maꞌãu saꞌag koꞌi mimoesoꞌok koꞌi ipo kĩꞌã rakaria ipy kĩꞌã rakaria ikuꞌuro kuꞌuro rakaria taꞌatuerut hewowi hawyi toiꞌatumoehãite yne raꞌyn.

Mateu 4:24 ပူးပေါင်းရင်းမြစ်များ

Mateu 12:22

Miꞌi hawyi wẽtup ok miit taꞌatuereto Iesui kape yt iha pytig i rakat iꞌewyte yt ihay kuap i rakat mekewat ahiag ipiit piat rakat hawyi Iesui timoehãite hawyi meremo taꞌakasa iraꞌyn iꞌewyte ihay kuap i raꞌyn.

Mateu 14:1

Mekewat eꞌat pe ti Eroti toineꞌen morekuatno Karireia pe. Miꞌi turan toikuap taꞌyn aikotã Iesui minug koꞌi etiat.

Mateu 15:22

Miꞌi turan toineꞌen wẽtup ok haryporia Kananeu ywania mekewat yi tote. Miꞌi ti tuut hewowi hawyi iwẽpapꞌi tehay pirik wo itote -Uikaꞌiwat Tawi emiariru erehaꞌat ro uikyꞌe hap wywo uhewowi katupono uimepyt wyti yt naku i kahato toineꞌen ahiag tipun tipun kahato tuereto.

Mateu 17:15

Hawyi toꞌe -Uikaꞌiwat e waku erewanetup uimepyt kyꞌe hap ete. Katupono miꞌi ti ikuꞌuro kuꞌuro tuereto rakat haty wo. Karania wo neꞌi raꞌyn taꞌat aria pe iꞌewyte yꞌy pe.

Mateu 17:18

Miꞌi hawyi toꞌe wẽtup tehay wo yn hiag me hawyi meremo tuwẽtem naꞌyn ahiag hawyi meremo kurum hin waku iraꞌyn.

Mateu 4:23

Miꞌi hawyi Iesui toto i itote pyi yi wato Karireia piaria muꞌe hamo i raꞌyn. Toiꞌatumuꞌe kahato sehay wakuatno Tupana motypot yat pe. Iꞌewyte iꞌahuu rakaria toiꞌatumoehãite kahato aikotã aikotã iꞌatuꞌahuu rakaria toiꞌatumoehãite kahato itote.

Mateu 8:28

Miꞌi hawyi karãpe Iesui putꞌok e raꞌyn yi Katarene tote mekewat ihyemyiꞌa Karireia wã tote. Miꞌi turan putꞌok iꞌatuꞌe typyꞌok miit ahiag ipiit piat rakaria Iesui kape. Miꞌiria ti tõꞌẽ woꞌosyp hap kaipyi. Katupono ti itote miꞌiria tukupteꞌen. Miꞌi pote miꞌiria yt naku i sese rakaria pote mekewat muap upi yt uwe kuap i miit tokosap.

Mateu 8:33

Miꞌi turan tukupteꞌen itote miitꞌin hamaut asuwai apykok haria. Miꞌiria ti tuwat meremo mekewat tawa kape. Itote taꞌatuhenoi henoi aikotã tuwemoherep taꞌatuhũria etiat hap. Iꞌewyte taꞌatuhenoi aikotã mekewat typyꞌok maꞌãu saꞌag ipiit piat rakaria etiat.

Mateu 8:6

Katupono ti uhemiit toineꞌen uiꞌyat pe iꞌahuu kahato. Yt tuwemokup kuap hin i raꞌyn teꞌyni pe sese raꞌyn tohoꞌopot e.

Mateu 9:26

Miꞌi tã hap Iesui minug ni taꞌatukuap yne raꞌyn mekewat yi wato hap oktan.

Mateu 9:35

Miꞌi hawyi Iesui toto wuatꞌi tawa koꞌi kape miitꞌin muꞌe tehay wuat hamo. Iꞌewyte yne Tupana motypot yat pe teke iꞌatumuꞌe hamo. Toiꞌatumuꞌe kahato tehay wakuat ete. Iꞌewyte tohenoi henoi kahato toieineꞌen morekuatno hap yt pya i raꞌyn hap etiat. Iꞌewyte toimoehãite kahato torannia aikotã aikotã iꞌahuu rakaria.

Maku 1:28

Miꞌi hawyi wuatꞌi pe raꞌyn taꞌatuhenoi henoi Iesui etiat hawyi iraniaꞌin yi Karireia piaria ikuap taꞌyn Iesui piat wakuap nug hap etiat.

Maku 1:32

Miꞌi hawyi aat minꞌe turan taꞌatuerut Iesui kape wuatꞌi iꞌahuu rakaria wuatꞌi ahiag ipiit piat rakaria.

Maku 2:3

Miꞌi turan taꞌatuerut Iesui kape yt ipoĩꞌam kuap i rakat yni pe 4 ok herut haria.

Maku 2:4

Maꞌato yt aikopuo kuap i taꞌatuerekosap Iesui kape katupono typyꞌi kahato miitꞌin netap wiat pote hawyi taꞌatuꞌok hot netap Iesui apy tote. Miꞌi hawyi iꞌokhotꞌe hawuo taꞌatumoꞌapyk yt hewyry kuap i rakat yni pe.

Maku 2:9

Kat areꞌe som pyno poꞌog yt niatpo i yt hewyry kuap i rakat pe sio apo koitywy ti yt nakuap i eminug atimoweityk taꞌyn areꞌe sio erepoĩꞌam no hawyi etiꞌokpoꞌi ro eꞌyni hawyi ereto ro eꞌyat kape areꞌe.

Iruka 2:2

Pyno saꞌawyꞌi te taꞌatuset pehik miitꞌin morekuatno Sireneu toineꞌen yi Siria piat turan.

Iruka 4:14

Miꞌi hawyi Iesui taꞌaipok i raꞌyn mekewat yi Karireia kape. Miꞌi turan Tupana Paꞌãu toineꞌen kahato iwywo. Miꞌi hap koꞌi wuatꞌi puo mekewat yi wato oktan taꞌatukuap taꞌyn Iesui etiat.

Iruka 4:38

Miꞌi hawyi Iesui tuwẽtem iraꞌyn woꞌomuꞌe hap yat pyi hawyi itote pyi toto raꞌyn Simau yat kape. Miꞌi turan Simau sakitu iꞌahuu kahato ipiit sakup kahato. Miꞌi hap taꞌatuhenoi Iesui pe.

Iruka 5:15

Maꞌato Iesui minug koꞌi wuatꞌi puo raꞌyn taꞌatukuap hawyi ikuap hawyi miitꞌin tõꞌẽ kahato raꞌyn taꞌatukuap iꞌahuu rakaria moehãite Iesui piat hap hawyi.

Iruka 5:24

Pyno atimoherep ehepe uito miitꞌin ykeꞌet areineꞌen hap. Miꞌi pote uhesaika hap toineꞌen kahato mesuwat yi tote miitꞌin minug saꞌag moweityk hamuat. Mio tã toꞌe hawyi toꞌe raꞌyn ipy kĩꞌã rakat pe -Epoĩꞌam no hawyi tiꞌokpoꞌi ro eꞌyni hawyi ereto ro eꞌyat kape.

Iruka 7:17

Miꞌi tã hap Iesui minug koꞌi wyti tuwesytpok taꞌyn torannia ywania puo raꞌyn iꞌewyte torannia mekewat yi Iuteu eꞌyi totiat tawa koꞌi puo.

Iuwãu 10:21

Maꞌato iraniaꞌin -Yt wyti iꞌatuꞌe maꞌato ahiag emiit pote ti ren yt ihay hãpyk i iꞌatuꞌe. Aikotã ten ahiag timoewaku yt ihapytig i rakat Iesui ewy iꞌatuꞌe Iuteu ywania akagnia pe.

Iesui Potmuꞌeria 10:38

Miꞌi tote saꞌawyꞌi Tupana tum naꞌyn yne tesaika hap. -En ni Uimiꞌairo miitꞌin yne Ehakyeraꞌat hanuat e. Miꞌi pote woromoieineꞌen Uipaꞌãu Wakuat no e Tupana saꞌawyꞌi Iesui tawa Nasare piat pe e. Miꞌi hawyi hewyry kahato urumuꞌe hamo urumoehãite hamo uruwoꞌoewaku hamo wakuap yn nug hamo ahiagnia yne atusiu hamo katupono Tupana Paꞌãu Wakuat toineꞌen iwywo uhytꞌiꞌin manaꞌin e Peteru.

Iesui Potmuꞌeria 15:23

Miꞌi hawyi taꞌatuwan popera pe iꞌatumiereto wuat. Mio tã iꞌatuꞌe -Uruto ti Ierusarẽi miaria Iesui mohey haria torannia 12 ok takaria miꞌiria wywo uruꞌakagnia wywo Iesui mohey haria uruipoꞌoro miwan me ehewowi kuekatu uruꞌe hap popera pe wẽtup ywania kape tawa Antiokia piaria kape yi Siria piaria kape yi Sirisia piaria kape uruipoꞌoro miwan eweimoehãite ro kuekatu uruꞌe hap iꞌatuꞌe.

Iesui Potmuꞌeria 15:41

Miꞌi hawyi iꞌatuewyry yi Siria puo hawyi yi Sirisia puo iꞌatuewyry itotiaria Iesui mohey haria atumoesaika Tupana ehay wuat hamo.

Iesui Potmuꞌeria 28:9

Morekuat Pupiriu ywot moehãite hap iraniaꞌin tikuap hawyi tõꞌẽ tõꞌẽ Pauru kape iꞌahuu rakaria ywypyiꞌa piaria. Miꞌi hawyi iꞌewyte Tupana tiꞌatumoehãite yne itotiaria Pauru po wo.

Iesui Potmuꞌeria 8:7

Miꞌi pote Iesui tiꞌatusopo kahato ahiagnia yi Samaria ywania piit pyi Wiripi po wo. Toiꞌatusopo turan kak iꞌatuꞌe kak iꞌatuꞌe ahiagnia. Ikag motꞌi rakaria toiꞌatumoehãite kahato. Yt hewyry kuap i rakaria toiꞌatumoewyry i raꞌyn. Ipiit heg nakaria toiꞌatupiit moperupꞌi i raꞌyn.