Mateu 4:19 - Sateré-Mawé

¹⁹ Miꞌi hawyi Iesui iwẽpapꞌi iꞌatuewowi -Uiwyriaꞌin e toꞌiro uhupi e. Ahenoi mono miitꞌin pytyk Tupana watnuat hap ehepe e.

Mateu 4:19 ပူးပေါင်းရင်းမြစ်များ

Mateu 16:24

Mio tã toꞌe hawyi Iesui toꞌe temiitꞌin me -Pyno uwe uwe toto teran uhupi miꞌi haria waku iꞌatoiat yne towat tomikyꞌesat koꞌi e hawyi waku eꞌauka hap topyhuꞌat uimohey upi. Taꞌi uiꞌauka pote waku uiꞌauka katupono iheg me areineꞌen Tupana imohey hamuat hap upi waku eweiꞌe.

Mateu 19:21

-Taꞌi maꞌato waku wẽtup te etunug e. Pyno ereto hawyi etum yne ekareꞌen ahyt hatek takaria pe hawyi ekat sese toineꞌen aru atipy pe e. Miꞌi tã etunug hawyi waku eraꞌaipok uhewowi ereto uhupi uhemiitno e.

Mateu 4:18

Wẽtup eꞌat pe hawyi Iesui hewyry mekewat yi Karireia hyemyiꞌa ẽpe upi yi kyt upi. Miꞌi hap tote Iesui tehaꞌat typy ok kape mekewat mehin Simau wẽtup het Peteru e hap iꞌewyte iꞌywyt Ãtere kape. Miꞌiria tukupteꞌen taꞌatueꞌyara pe ihyemyiꞌa wato tote taꞌatuesuki wato wuat wemohapap pira pytyk hap etiat haria kape.

Mateu 4:20

Miꞌi hawyi taꞌatuꞌatoiat raꞌyn taꞌatuesuki wato itote hawyi meremo tuwat Iesui upi.

Mateu 8:22

Maꞌato Iesui tiwesat -Toꞌiro uhupi uipotmuꞌe wo e katupono tukupteꞌen nat yt Tupana mohey haria i itote. Miꞌiria raꞌyn aru toꞌope ikuꞌuro rakaria toꞌosyp e.

Mateu 9:9

Miꞌi hawyi Iesui tuwẽtem iraꞌyn itote pyi hawyi toto muap upi turan toipuẽti wẽtup ok saꞌup poreraꞌat miitꞌin kaipywiat hat mekewat het Mateu e hap. Miꞌi toipuẽti apyk pe aiũpe toiporeraꞌat saꞌup miitꞌin kaipyi hap tote. Miꞌi hawyi Iesui toꞌe Mateu pe -Toꞌiro uhupi Mateu. Mio tã e hawyi meremo ipoĩꞌam hawyi toto raꞌyn hupi.

Maku 2:14

Miꞌi hawyi tewyry hap tote Iesui taꞌakasa uhyt Irewi mekewat Auweu saꞌyru apyk pe ipotpap netap wiat rakat. Miꞌi ipotpap muap pyhyp hap ete. Wuatꞌi muap kareꞌen koꞌi toipyhyp. Toiporeraꞌat saꞌup toꞌywania kaipyi wanikaptia porekuat pe. Miꞌi hawyi Iesui tuwẽpowat hewowi -Toꞌiro uiwywo Irewi e. Miꞌi hawyi ipoĩꞌam naꞌyn hawyi toto Iesui upi.

Iruka 5:27

Miꞌi hawyi itote pyi Iesui toto raꞌyn hawyi taꞌakasa wẽtup ok mekewat Irewi e hap kape miitꞌin kaipywiat saꞌup poreraꞌat hat kape. Miꞌi toineꞌen apyk pe aiũpe saꞌup atunug hap tote. Miꞌi pe Iesui toꞌe -Toꞌiro uhupi Irewi e.

Iruka 9:59

Hawyi Iesui toꞌe wẽtup ok miit pe -Toꞌiro uhupi e. Mio tã e pote toiwesat -Uikaꞌiwat pyno saꞌawyꞌi waku araꞌaipok uiꞌyat kape uiꞌywot syp hamo e.

Iuwãu 1:43

Wẽtup eꞌat hawyi Iesui toto teran i raꞌyn teꞌyi Karireia kape. Muap upi toipuẽti raꞌyn Wiripi e hap het rakat. Miꞌi hawyi Iesui toꞌe Wiripi pe. Eriot ro uhupi e.

Iuwãu 12:26

Pyno uhemiitno ereineꞌen neran motꞌi waku ereto uhupi uimikyꞌesat ewy nug hamo. Miꞌi hawyi aikope aikope areineꞌen miꞌi hap upi iꞌewyte uhaipepiaria uhemiitꞌin tukupteꞌen e. Iꞌewyte miꞌiria ti uheropat haria Tupana mimotypotno teꞌeropyhuꞌat e.

Iuwãu 21:22

Miꞌi hawyi toiwesat -Kat aru aiꞌokpe kawiat tunug yt ereꞌe teiꞌo. Atikyꞌesat ahaipe piat toineꞌen motꞌi teran mesuwarote pote taꞌi toineꞌen motꞌi kuap karamuo uiꞌaipok hap kape hap ewy atikyꞌesat pote atunug kuap i e Iesui Peteru pe uhepiat.

2 Kuriniu 12:16

Yt areineꞌen neran hin i eiꞌokpe tote iꞌewyte yt areineꞌen neran i ehekareꞌen kaipyi neꞌi. Iraniaꞌin eipyꞌasetpiaria teꞌeroꞌe uhepiat -Pauru yt sẽtup sẽtup e hat hin i iꞌatuꞌe. Maꞌato eiweꞌeg wo o katupono eimaꞌat kuap kahato. Towese hap wywo wyti einug teropat haria wo hawyi ehekat yne totat towatno iꞌatuꞌe ehepe uhewanikaptia.