Mateu 4:14 - Sateré-Mawé

¹⁴ Pyno miꞌi tã ti tuwemoherep aikotã saꞌawyꞌi wuat Tupana ehay moherep hat Isaia e hap ewy raꞌyn.

Mateu 4:14 ပူးပေါင်းရင်းမြစ်များ

Mateu 1:22

Pywo tuwemoherep taꞌyn wyti aru aikotã saꞌawyꞌi wuaria tehay moherep haria po pyi Tupana mienoi ewy.

Mateu 2:15

Miꞌi hawyi morekuat Eroti kuꞌuro hap kape tukupteꞌen yi Esitu tote aikotã saꞌawyꞌi Tupana toꞌe miwan me hap ewy -Meiũran ti aru Uhaꞌyru atikay kay yi Esitu kaipyi e saꞌawyꞌi wuat Oseia miwan me 11.1 pe.

Mateu 2:23

Miꞌi hawyi tukupteꞌen mekewat tawa Nasare pe raꞌyn. Miꞌi tã ti tuwemoherep aikotã saꞌyru tehay moherep haria puo pywiat imienoi ewy. Miꞌi pote wyti Iesui Nasare piat iꞌatuꞌe.

Mateu 26:54

Katupono saꞌawyꞌi te uiꞌauka hamuat yn taꞌatuhenoi miwan me. Miꞌi pote yt ahẽtup i atipy kape uipowyro hamuat atipy piaria sem e.

Mateu 26:56

Maꞌato eweikuap katupono uipyhik taꞌyn eipe mesup e. Pyno ahenoi ehepe. Taꞌi saꞌawyꞌi te wuaria Tupana ehay enoi haria henoi henoi meikotã hamuat hap yn. Miꞌi hawyi iꞌatuꞌe taꞌatumiwan me hap ewy raꞌyn meiũ e. Miꞌi hawyi ti ipotmuꞌeria ikohyeput raꞌyn Iesui yatypepyi taꞌatuꞌatoiat yne.

Mateu 4:13

Maꞌato toineꞌen ni tawa Nasare pe maꞌato toto tawa Nasare pyi tawa Kawanaum kape. Putꞌok toꞌe itote hawyi toto tomotag hap tawa Nasare pyi tawa Kawanaum kape mekewat Karireia hyemyiꞌa ẽpe totiat tawa mekewat set Sepurum eꞌyi totiat tote. Iꞌewyte Natari eꞌyi totiat tawa pe toineꞌen.

Mateu 4:15

Meiũran ti aru Sepurum ywania eꞌyi Natari ywania eꞌyi mekewat yꞌy wato kawiatnuat mekewat Iutãu hy esokpuat Karireia pe tukupteꞌen iraniaꞌin ywania yt heTupana i rakaria tukupteꞌen.

Mateu 8:17

Pyno miꞌi tã ti Iesui tunug aikotã saꞌawyꞌi wuat Tupana ehay moherep hat Isaia toꞌe hap ewy toimoherep. Meiũran aru topiit emig hap kaipyi aru toimog yne aiꞌahuu hap koꞌi e hap ewy. Iꞌewyte aipo kĩꞌã hap koꞌi yne totioto pya aru aikai e saꞌawyꞌi Isaia e hap ewy 53.4 pe.

Iruka 22:37

Pywo pe ti saꞌawyꞌi wuat Tupana ehay moherep haria mio tã iꞌatuꞌe taꞌatumiwan me -Yt nakuaria i po pe wyti aru topyhuꞌat Uipoꞌoro Wuatꞌi Ehakyeraꞌat hat e Tupana saꞌawyꞌi miwan me e Iesui temiitꞌin me. Miꞌi pote koran naꞌyn areineꞌen yt nakuaria i po pe aikotã Tupana toꞌe hap ewy e. Katupono yne Tupana e hap uhetiat ewywuat aru topyhuꞌat e.

Iruka 24:44

Tutuꞌu hawyi poꞌog Iesui toꞌe temiitꞌin me -Saꞌawyꞌi areineꞌen eipyꞌasetpiat turan ahenoi kahato ehepe aikotã aru topyhuꞌat uhete hap. Mesup eꞌat pe ahenoi teran ahaꞌaseꞌi Muisei miwan kaipyi Tupana ehay enoi haria miwan kaipyi yne uhetiat e. Iꞌewyte morekuat Tawi wepy hap miwan kaipyi uhetiat yne atimoherep teran yne uhetiat e. Koitywy topyhuꞌat raꞌyn yne iꞌatumienoi yian miat uhetiat hap ewy e.

Iuwãu 15:25

Aikotã nimuat -Yt kat pykai i iꞌatupyꞌahak uhete e iwan me. Miꞌi e hap ewy miitꞌin iꞌatupyꞌahak uhete mesup e.

Iuwãu 19:28

Miꞌi hawyi Iesui tikuap taꞌyn topyꞌa pe torannia Tupana mikyꞌesat ewywuat tepiat inug hap hawyi toꞌe miwan miat toꞌe hap ewy -Areꞌyꞌutui kahato e aikotã yian mete wuat Tupana e hap ewy.