Mateu 3:2 - Sateré-Mawé

² Mio tã e toiꞌatumuꞌe -Eweiꞌatoiat ro yne eiminug saꞌag koꞌi e katupono mio tuut ti aru raꞌyn aikaꞌiwat e.

Mateu 3:2 ပူးပေါင်းရင်းမြစ်များ

Mateu 10:7

Putꞌok eweiꞌe aiꞌywania pyꞌasetpe hawyi waku mio tã eweiꞌe eweꞌatumuꞌe -Pywo ti tuut irane Tupana Mipoꞌoro Aiporekuatnuat eweiꞌe.

Mateu 11:20

Miꞌi hawyi Iesui tiꞌatukuasa kahato raꞌyn mekewat tawa piaria aiũpe toimoherep kahato raꞌyn tomisepap yt uwe minug ewywuat i pykai yt tomohey i hap upi. Katupono toimoherep taꞌyn iꞌatuehamo pykai yt taꞌatuwaure teran hin i taꞌatuminug saꞌag koꞌi pote.

Mateu 12:41

Mekewat eꞌat pe woꞌoꞌairo hap eꞌat pe ti tawa Niniwe piaria yt nakuaria i eipe iꞌatuꞌe katupono miꞌiria taꞌatuꞌatoiat taꞌatuminug saꞌag koꞌi karãpe taꞌatukuap taꞌyn Iona henoi Tupana ehay hawyi. Maꞌato eweikuap pykai yt eiwemorem hin i Tupana kape. Pywo pe areꞌe ehepe koran ti toineꞌen meiũpe poꞌog Iona kawiat rakat.

Mateu 13:11

Miꞌi hawyi Iesui tiꞌatuwesat -Pyno waku eiperia aikotã Tupana toineꞌen morekuatnuat hap etiat migꞌi wuat koꞌi waku eweikuap wen maꞌato iraniaꞌin me yt heremo i e.

Mateu 13:24

Miꞌi hawyi Iesui henoi poꞌog wẽtup ok iraꞌyn sehay iãꞌãkap. Miꞌi hawyi toꞌe miitꞌin me -Pyno ahenoi aikotã Tupana topyhuꞌat morekuatno hap etiat. Pyno so wẽtup ok ihainia toto toko kape iãꞌỹi sytpok hamo hawyi tohytpok mekewat teꞌyi wakuat rote.

Mateu 13:31

Miꞌi hawyi Iesui henoi wẽtup iraꞌyn sehay iãꞌãkap wo. Miꞌi hawyi mio tã e -Pyno ahenoi aikotã Tupana toineꞌen morekuatno hap etiat. Miꞌi ti aikotã mekewat iãꞌỹi Mutata iãꞌỹi kurin kahato rakat ewy. Miꞌi ti ihainia tikoi teꞌyi tote.

Mateu 13:33

Miꞌi hawyi Iesui henoi poꞌog sehay iãꞌãkap wo miitꞌin kape aikotã Tupana topyhuꞌat morekuatno hap etiat. Miꞌi ti aikotã man apopyt haryporia tat hawyi tohãꞌãg myẽꞌym iãꞌãg hap eꞌy tiriku ãkuꞌi hawyi toipykoi kahato hawyi toiꞌapokik kahato hap ewy.

Mateu 13:47

Iꞌewyte Tupana toineꞌen morekuatno atipy piat hap wyti aikotã wẽtup suki watipun ihyemyiꞌa pe pira pytyk hamo hawyi totat kat epira kat epira hap ewy.

Mateu 13:52

Miꞌi hawyi Iesui toꞌe -Pyno uwe uwe mekewaria woꞌonapin hap kuap haria topyhuꞌat wyti aru Tupana toineꞌen morekuatno hap etiat enoi enoi haria wo miꞌiria ti aikotã eiꞌywot tihep tekareꞌen iꞌatunug hap yat kaipyi ipakuptia iꞌewyte ipotꞌi koꞌi hap ewy.

Mateu 18:23

Kat pote ti mekewat Tupana toineꞌen morekuatno hap wyti aikotã mesuwat rotiat motpap haria iꞌatukaꞌiwat imohãpyk yne temiitꞌin mipuru koꞌi hap ewy.

Mateu 20:1

Miꞌi hawyi Iesui toꞌe temiitꞌin me wẽtup te hãꞌãkap wo -Koitywy ahenoi teran ehepe aikotã Tupana topyhuꞌat wuatꞌi miitꞌin porekuatno mesuwe iꞌewyte atipy pe hap ewy ete e. Saꞌawyꞌi so toto wẽtup ok hunete toꞌyat pyi miitꞌin puẽti hamo motpap nug haria toko piat Uwa ypia etiat iꞌatupotpap hamo e.

Mateu 22:2

Pyno so wẽtup eꞌat pe wẽtup ok morekuat koro toꞌe teropat haria pe -Atunug neran ienuk hap iwato kahato uhaꞌyru motypot hamo katupono uhaꞌyru iharyꞌi hap eꞌat putꞌok e raꞌyn e.

Mateu 23:13

Miꞌi hawyi Iesui toꞌe miwan kuap haria pe iꞌewyte woꞌomuꞌe haria pe -Taꞌi heso rakaria ti eipe typy hẽku rakaria e Tupana ehay kuap ran haria pe. Yt eweikyꞌesat i ti miitꞌin tuwat aikope Tupana toineꞌen Morekuatno hap kape e. Taꞌi eweiꞌatupyhyp kahato ti miitꞌin ipap Tupana etawa kapiat rakaria e. Iꞌewyte ti eipe yt eweiwat teran hin i. Miꞌi pote ti iraniaꞌin yt tuwat i eiꞌewy e.

Mateu 25:1

Miꞌi hawyi poꞌog Iesui henoi aikotã Tupana topyhuꞌat aru Aiporekuatno hap. -Miꞌi hap ewy ti aru topyhuꞌat e Iesui aikotã ahetama puo haryporiaꞌin 10 ok yt heꞌaito i te rakaria tuwat taꞌatueꞌariãty wywo wãtym muo taꞌatuwyꞌok eꞌaito wuat puẽti hamo e.

Mateu 25:14

Miꞌi hawyi wẽtup sehay iãꞌãkap i raꞌyn tohenoi. -Saꞌawyꞌi so wẽtup ok miit toto teran pya wuat setama kape e. Maꞌato so toto hap owakai te toiꞌatukay kay tuwewowi toterepat haria. Miꞌi hawyi so toiꞌatupuru porapꞌi tetineiru iꞌatuepe.

Mateu 4:17

Itote ti Iesui haꞌawynug naꞌyn miitꞌin muꞌe hap. -Eweiwemorem no Tupana kape katupono yt pya hin i Tupana topyhuꞌat Miitꞌin Porekuatno sese hap e.

Mateu 4:23

Miꞌi hawyi Iesui toto i itote pyi yi wato Karireia piaria muꞌe hamo i raꞌyn. Toiꞌatumuꞌe kahato sehay wakuatno Tupana motypot yat pe. Iꞌewyte iꞌahuu rakaria toiꞌatumoehãite kahato aikotã aikotã iꞌatuꞌahuu rakaria toiꞌatumoehãite kahato itote.

Mateu 5:10

Miꞌi hawyi Iesui toꞌe i -Pyno uwe uwe hoꞌopot kahato tepiat niatpo hap Tupana mikyꞌesat nug turan miꞌi haria pe ti aru tutum toieineꞌen hap.

Mateu 5:3

Mio tã toꞌe -Uhekatuwyria uwe uwe Tupana pe toꞌe -Uruto iꞌatuhakyꞌeꞌi rakaria wo pote urutukupteꞌen katupono yt uruikuap i ti En urumikyꞌesat oktan iꞌatuꞌe. Mio tã e haria ti uimipoity wo teꞌeropyhuꞌat. Iwepiit rakaria sese teꞌeropyhuꞌat.

Mateu 6:10

Papai uruikyꞌesat kahato ereineꞌen wuatꞌi miitꞌin Akag Koro wo mesuwat yi tote aikotã ereineꞌen Wuatꞌi Potypotno atipy pe hap ewy e.

Mateu 6:33

Waku poꞌog ni eweiwanetup eipyꞌa pe aat kaꞌap aikotã aru ewetunug Tupana uiporekuatno e hap kape yn. Waku ewetunug imikyꞌesat ewy pote yn eheineꞌen kuap hamuat Tupana tum ehepe.

Maku 1:15

Miꞌi hawyi toꞌe -Koitywy ti porap putꞌok e raꞌyn Tupana Morekuat nuat ieineꞌen hamuat. Miꞌi tupono eweitoiat ro eiminug yt naku i hap koꞌi hawyi eweimohey ro Tupana ehay wakuat e Iesui tetama piaria pe.

Maku 1:4

Miꞌi hap ewy raꞌyn Iuwãu putꞌok e raꞌyn Tupana saꞌyru uut hap etiat enoi hamo miitꞌin woꞌosetꞌok hamuat Tupana toꞌe hap ewy. Miꞌi ti yahig note tohenoi henoi kahato miitꞌin me -Eweitotiat eiminug yt naku i hap koꞌi e. Miꞌi hawyi Tupana timoweityk taꞌyn eiminug saꞌag hap koꞌi e. Mio tã ewetunug hawyi worohoꞌosetꞌok e Iuwãu miitꞌin me.

Maku 6:12

Putꞌok taꞌatuꞌe miitꞌin muꞌe hamo tawa koꞌi pe hawyi mio tã iꞌatuꞌe miitꞌin me -Koitywy eweiꞌatoiat ro yt nakuap i eiminug koꞌi hawyi eweiꞌaipok to Tupana etiat kuap hamo iꞌatuꞌe miitꞌin me.

Iruka 1:16

Itag hawyi aru toiꞌatuekyi kahato iraꞌyn Isareu ywania saꞌawyꞌi wuat iꞌatueTupana kape iraꞌyn.

Iruka 11:20

Pywo ti rat Tupana esaika hap wo ti rat atiꞌatusopo ahiagnia e. Taꞌi Tupana puiꞌiã wo atiꞌatupugha ahiagnia miitꞌin piit pyi pote pywo Tupana topyhuꞌat mesuwe Morekuatno raꞌyn e.

Iruka 13:3

Maꞌato pywo pe ti areꞌe ehepe eiperia ti wy iꞌewyte yt nakuaria i kahato eweikupteꞌen are. Gaꞌatpo eiꞌywaniaria morekuat Piratu tiꞌatuꞌuka kahato yi Karireia piaria. Yt ikahu hin i iꞌatukuꞌuro hap eweiꞌe e. Miꞌi hap ewy ti aru eweipap yt uimohey i eipe pote e.

Iruka 13:5

Maꞌato pywo pe areꞌe ehepe miꞌiria yt poꞌog i Ierusarẽi yt naku i nug haria kai. Taꞌi eiperia iꞌewyte eweipap katupono yt paa eweiꞌe hin i eiminug saꞌag hap koꞌi kai. Miꞌi kaipyi ti eikuꞌuro hap topyhuꞌat yt uimohey i haria wo eweikupteꞌen pote e Iesui tomohey hap pun haria pe.

Iruka 15:10

Miꞌi hawyi toꞌe i itotiaria -Taꞌi aikotã haryporia tipuẽti tetineiru toipuẽti hawyi tuwehum iwepiit kahato hap ewy ti Tupana hoꞌowasat rakat aipok towawiat hap ete tuwehum kahato e. Karãpe wẽtup ok miit taꞌaipok Tupana ewowi hawyi atipy piaria iꞌatumowepiit kahato haria wo tukupteꞌen e Iesui itotiaria pe.

Iruka 15:7

Miꞌi hawyi iãꞌãkap etiat Iesui henoi -Taꞌi karãpe aihũ watipuẽti hoꞌowasat rakat aimowepiit kahato hap toineꞌen e. Miꞌi hap ewy kahato ti Tupana toineꞌen wẽtup ok miit hoꞌowasat rakat toipuẽti hawyi tuwemowepiit kahato e. Karãpe hoꞌowasat rakat wẽtup ok toipuẽti hawyi atipy piaria iꞌatuwepiit kahato Tupana wywo e. Taꞌi tukupteꞌen 99 rakaria waku pe raꞌyn tukupteꞌen maꞌato wẽtup ok howasat hawyi toikat kahato ipuẽti hamo.

Iruka 16:30

Miꞌi hawyi hekat rakat -Yt rat e maꞌato wẽtup ok wẽtem guꞌuro pywiat hat henoi iꞌatuepe pote taren taꞌatumohey e. Teꞌeruwemorem Tupana kape taꞌatuminug saꞌag kaipyi e.

Iruka 21:31

Miꞌi hap ewy karãpe eweiꞌakasa yne uimienoi koꞌi ewy tokosap yne hawyi eweikuap taꞌyn tuut irane Tupana Miꞌairo Wuatꞌi Miitꞌin Porekuat nuat hap eꞌat e.

Iruka 24:47

Taꞌi yian me Tupana henoi kahato uhetiat tehay wan haria po wo aikotã aru taꞌatuhenoi kahato tesaika hap wywo torannia ywania pe aikotã waku miitꞌin teꞌeruwemorem Tupana kape iꞌatuminug saꞌag hap koꞌi kaipyi uhet upi hap tohenoi miwan me e Iesui. Waku tawa Ierusarẽi me tohaꞌawynug naꞌyn mesuwat sehay wakuat hawyi waku yne ywania kape taꞌatuhenoi Uhaꞌyru ete e Tupana miwan me e.

Iruka 6:20

Miꞌi hawyi Iesui tehaꞌat topotmuꞌeria kape hawyi toꞌe -Tupana mipoityro kahato koꞌi eiperia. Yt hekat rakaria i eweikupteꞌen pykai maꞌato Tupana ieineꞌen hap eheineꞌen hamuat.

Iruka 9:2

Miꞌi hawyi toiꞌatupoꞌoro temiitꞌin miitꞌin muꞌe hamo aikotã Tupana toineꞌen morekuatno hap etiat hamo. Iꞌewyte iꞌahuu rakaria moehãite hamo.

Iesui Potmuꞌeria 11:18

Taꞌatukuap taꞌyn Peteru mienoi hawyi iꞌatupoꞌinik taꞌyn. Miꞌi hawyi teꞌeroꞌe -Waku kahato En Tupana iꞌatuꞌe katupono etum naꞌyn eieineꞌen hap wuatꞌi eꞌat piat wẽtup ywania pe iꞌatuꞌe. Yt uruepe yn i katupono wẽtup ywania iꞌewyte etiꞌatumorem naꞌyn yt naku i hap kaipyi iꞌatuꞌe Iuteu ywania Tupana pe.

Iesui Potmuꞌeria 17:30

Saꞌawyꞌi te ti miitꞌin yt weꞌeg i sese tepiat haria pe Tupana sese yt kat e i te. Maꞌato mesup ti eweiꞌatoiat ro yt weꞌeg i hap ehetupanaria e raꞌyn yne miitꞌin me Tupana.

Iesui Potmuꞌeria 2:38

Miꞌi hawyi Peteru tiꞌatuwesat -Eweipun no eiminug yt naku i hap koꞌi hawyi eiwemorem no Tupana kape hawyi eiwesetꞌok to urukaꞌiwat set upi e. Miꞌi hawyi meremo Tupana tiporop yne eiminug saꞌag koꞌi e.

Iesui Potmuꞌeria 20:21

Taꞌi eweikuap taꞌyn aikotã ahenoi henoi Iuteuria ywania pe Kereku ywania piat hap e. Mio tã are -Eweiꞌatoiat ro yt nakuap i koꞌi are. Eweimohey ro Iesui. Miꞌi ti Eikaꞌiwat nuat are itote e Pauru.

Iesui Potmuꞌeria 26:20

Miꞌi hawyi areto raꞌyn tawa Tamaku kape hawyi itote atiꞌatumuꞌe kahato itotiaria -Eweiꞌatoiat ro yne eiminug saꞌag koꞌi hawyi eweiꞌaipok to Tupana kape hawyi ewetunug no eipyꞌa pyi wakuat miitꞌin me eimimohey moherep wuatꞌi piat hamo are yn tawa Ierusarẽi miaria pe. Iꞌewyte yi Iuteu totiaria iꞌewyte aikope aikope iraniaꞌin ywania tukupteꞌen hap totiaria atiꞌatumuꞌe urukaꞌiwat ete e.

Iesui Potmuꞌeria 3:19

Aikotã Tupana henoi yian mete hap ewy ti topyhuꞌat mesup. Miꞌi pote waku mio tã eweiꞌe ro Tupana pe -Koitywy paa urutoꞌe ewowi Tupana katupono yt naku i kahato urutunug Esaꞌyru ete eweiꞌe pote meremo waure wo topyhuꞌat eiminug saꞌag ete e. Miꞌi hawyi waku pe i raꞌyn iwywo eweikupteꞌen mehinꞌin manaꞌin e. Miꞌi hawyi ti aru Tupana mimowepiit koꞌi wo i raꞌyn wuatꞌi eꞌat pe eweikupteꞌen katupono tutum ehepe Topaꞌãu Wakuat eimoesaika hamuat hap hawyi e. Taꞌi eiwemorem Tupana kape i raꞌyn pote waku pe iwywo eweikupteꞌen e Peteru.

2 Kuriniu 7:10

Karãpe watuwemoti aiminug saꞌag ete Tupana ehamo iꞌewyte karãpe paa watoꞌe aiwanetup hap saꞌag ete miꞌi hawyi wataꞌaipok aiminug saꞌag myi Tupana kape. Miꞌi hawyi ahehakyeraꞌat raꞌyn. Watuwemorem Tupana kape hawyi waku kahato ahete. Toiwaure raꞌyn aiminug saꞌag koꞌi. Miꞌi hawyi aimowepiit kahato hap yn topyhuꞌat. Toiwaure yne aiminug saꞌag koꞌi. Miꞌi pote yt kat i poꞌog aimoti te hap topyhuꞌat. Miꞌi hawyi -Paa watoꞌe hap tokosap taꞌyn watoꞌe are. Miꞌi hawyi -Waku kahato ahehakyeraꞌat hat watoꞌe. Maꞌato yt wataꞌaipok i aiminug saꞌag kaipyi pote yt watuwemoti hin i e hamo. Miꞌi pote yt karãpe i ahehakyeraꞌat hap toineꞌen. Aiꞌapiheg hap wuatꞌi eꞌat piat yn topyhuꞌat aikuꞌuro sese hap. Miꞌi hawyi mesuwe yi tote yt karãpe i watipuẽti mekewat aimowepiit hap. Tupana tiwaure aiminug saꞌag hawyi yt kat i haty hap ahete aimowanetup hawe aiminug saꞌawyꞌi wuat etiat. Maꞌato yt pote haty hap topyhuꞌat aheineꞌen hap oktan yt aimowepiit hin i.

Korosi 1:13

Saꞌawyꞌi ahiag potmuꞌeria wo watoineꞌen. Yt watuweꞌaputsit kuap i ipo pyi. Iꞌe hap yn watunug kuap. Iꞌypyryp wiat ieineꞌen haria ewywuat watoineꞌen. Saꞌawyꞌi hoꞌowasat rakaria wo watoineꞌen maꞌato Aiꞌywot atipy piat tipohari raꞌyn aito ahiag po pyi. Miꞌi hawyi aherokosap Tosaꞌyru eropat haria wo raꞌyn. Tomikyꞌe kahato emiit no raꞌyn ainug. Waku kahato are.

2 Timoteu 2:25

Hepama towese popuo toiꞌatunapin kuap kahato ipyꞌahak teran tetiat rakaria. Etiꞌatumuꞌe mio tã iraniaꞌin mote meiũran Tupana tum kuap iꞌatuepe paa iꞌatuꞌe hamuat taꞌatuꞌatoiat mono taꞌatuminug saꞌag -Pywo raꞌyn taꞌatuꞌe haype.

Epereu 6:1

Saꞌawyꞌi kurin kurin watikuap Aipotypot Iesui etiat. Kurin kurin watikuap ihay etiat. Iꞌewyte saꞌawyꞌi aipotmuꞌeria Iuteuria aimuꞌe kurin kurin Tupana Mipoꞌoro Aiporekuat nuat ete. Miꞌi koꞌi toineꞌen ne aiwanetup hawe. Waku miꞌi koꞌi wen maꞌato poꞌog waku watikuap yne yne Iesui e hap yne yne iminug koꞌi e. Waku watuwemotag ikuap hap ete. Yt naku i watopyhuꞌat mekewat aimikuap hit hap ewy yn. Saꞌawyꞌi -Ewetoiat ro eiminug saꞌag koꞌi hawyi ewetomohey ro Tupana iꞌatuꞌe ahepe hawyi iꞌatuehay upi watuwat.

2 Peteru 3:9

Katupono saꞌawyꞌi te wuat -Atunug aru e hap tutunug naꞌyn. Pyno ti Aikaꞌiwat wyti saꞌawyꞌi wuat -Atunug aru e hap tutunug naꞌyn. Yt aimaꞌat hin i are. Taꞌi Tupana ti yt waureꞌe hin i saꞌawyꞌi wuat tehay -Atiꞌatuꞌapiheg ti aru yt nakuaria i te hap ete. Maꞌato ahowawi ti iperupꞌi kahato. Yt tutunug neran i te aikyꞌe haype katupono toikyꞌesat yt wẽtup i hoꞌowasat hap. Yne torannia topo piat hap toikyꞌesat. Kat pote yt meremo i aiꞌapiheg neran i maꞌato ti hepama putꞌok e mekewat mio tã e hap. Toikyꞌesat miitꞌin teꞌeruwemorem tewowiat yt naku i pywiat hap haype. Miꞌi pote hepama putꞌok e mekewat -Atunug aru e hap. Yt toikyꞌesat i miitꞌin moma hamuat hap.

Iesui Aru E Hap 2:21

Saꞌawyꞌi areꞌe -Mana Iesapeu pe -Etoiat ro ewaire waire hap meremo hawyi eraꞌaipok to uhowowi mana areꞌe. Karania wo neꞌi mio tã areꞌe tope maꞌato -Yt an e neꞌi uhepe e.

Iesui Aru E Hap 2:5

Pyno eiwanetup o aikotã saꞌawyꞌi wuat uikyꞌe haty wo ehepiat hap kape uimikyꞌeria e. Mesup uikyꞌe hap waure haria wo eweikupteꞌen e. Eweiꞌaipok to uhowowi i uikyꞌe pote areꞌe ehepe maꞌato yt pote ariot eheꞌariãty sasep hamo e. Miꞌi hawyi iꞌypyryp hap yn toineꞌen itote e. Koitywy 7 ariãty toineꞌen maꞌato ahasep hawyi ti aru eiwat pote iꞌypyryp yt naku i topyhuꞌat e. Eweiꞌaipok to uhowowi areꞌe ehepe tawa Ewesu piaria e.