Mateu 3:11 - Sateré-Mawé

¹¹ Uito ti worohoꞌosetꞌok yꞌy wo neꞌi. Urutoiat yne raꞌyn uruminug saꞌag yt nakuat i hap koꞌi eiꞌe moherep hap. Maꞌato Uhaipe piat tuut rakat wyti aru ehetꞌok Tupana Paꞌãu wakuatno raꞌyn iꞌewyte aria wo raꞌyn. Taꞌi miꞌi miit ri poꞌog poꞌog uikawiat wakuat are e. Uiat uhewaku hap ti yt putꞌok e hin i hemiit ipysei hamo ipy sokpe pag hamo e.

Mateu 3:11 ပူးပေါင်းရင်းမြစ်များ

Mateu 3:6

I tote ti uito ti yt naku i nug hat pote mesup etiwaure raꞌyn uiminug saꞌag iꞌatuꞌe. Mio tã iꞌatuꞌe taꞌatuhenoi hawyi Iuwãu tiꞌatusetꞌok taꞌyn Iutãu hy pe.

Maku 1:4

Miꞌi hap ewy raꞌyn Iuwãu putꞌok e raꞌyn Tupana saꞌyru uut hap etiat enoi hamo miitꞌin woꞌosetꞌok hamuat Tupana toꞌe hap ewy. Miꞌi ti yahig note tohenoi henoi kahato miitꞌin me -Eweitotiat eiminug yt naku i hap koꞌi e. Miꞌi hawyi Tupana timoweityk taꞌyn eiminug saꞌag hap koꞌi e. Mio tã ewetunug hawyi worohoꞌosetꞌok e Iuwãu miitꞌin me.

Iruka 1:17

Miꞌi ti aru toineꞌen Tupana ehay moherep hanuat. Iꞌewyte ti aru hesaika kahato rakatno toineꞌen aikotã saꞌawyꞌi wuat Tupana ehay moherep hat Eria ewywuat. Iꞌewyte ti aru iꞌatuꞌywotꞌin iꞌatusaꞌyruꞌin wywuat woꞌowese hap tutunug. Uwe yt inug i Tupana woꞌonapin hap koꞌi miꞌiria teꞌeraꞌaipok iraꞌyn saꞌawyꞌi wuat waku nug haria wo. Miꞌi kaipyi Isareu ywania tukupteꞌen Tupana ekatup haria wo raꞌyn.

Iruka 3:16

Mio tã iꞌatuꞌe pote Iuwãu tiꞌatuwesat -Uito ti worohoꞌosetꞌok yꞌy wo yn maꞌato wẽtup ok poꞌog uikawiat waku rakat putꞌok e hamuat. Katupono uiat uhewaku hap wyti yt putꞌok e i ipy saity pok hamo. Maꞌato miꞌi ti aru ehetꞌok Tupana Paꞌãu wakuatno raꞌyn iꞌewyte aria wo.

Iruka 3:3

Miꞌi hawyi meremo tuweꞌysakpo raꞌyn Iutãu hy sakpo. Itote tohenoi kahato raꞌyn Tupana ehay wesetꞌok hap ete. Iꞌewyte iꞌatuminug saꞌag kaipywiat iꞌatuꞌaipok hamuat ete.

Iuwãu 1:15

Haꞌawyte te ti Iuwãu mekewat woꞌosetꞌok hat henoi henoi kahato miitꞌin me Mekewat miit etiat. Mio tã e miitꞌin me -Meipe raꞌyn tuut irane uhewatꞌypmo wẽtup ok uheineꞌen hap eꞌyian me te wuat ieineꞌen hat e. Miꞌi suut hanuat wyti poꞌog poꞌog wakuat uikawiat e.

Iuwãu 1:30

Pywo ti meipewat miit wyti uimienoi saꞌawyꞌi wuat ewywuat aikotã areꞌe -Uhewatꞌypmuat wyti miꞌi miit maꞌato uheꞌyian miat pykai miꞌi ti meipe tuut uiꞌe hap ewywuat e. Pywo uhewatꞌypmo tuut wen maꞌato saꞌawyꞌi toineꞌen miꞌi uheꞌyian miat e.

Iesui Potmuꞌeria 1:5

Aikotã saꞌawyꞌi areꞌe ehepe hap ewy -Tupana ehetꞌok kahato irane Topaꞌãu wo uiwyriaꞌin areꞌe saꞌawyꞌi. Saꞌawyꞌi sese Iuwãu ehetꞌok yꞌy wo maꞌato mesup Tupana toꞌe uhepe -Uhaꞌyru e wẽtup eꞌat pe aru yne esaipepiaria atiꞌatusetꞌok Uipaꞌãu Wakuat no e uhepe. Pyno miꞌi toꞌe hap ewy irane einug eipe Topaꞌãu Wakuat no uiwyriaꞌin e. Miꞌi pote waku ewehekatup o meiũpe tawa Ierusarẽi me Tupana Paꞌãu Wakuat uut hap eꞌat e. Areto irane atipy kape hawyi Uiꞌywot tipoꞌoro meremo ehewowi Uipaꞌãu Wakuat aikotã areꞌe saꞌawyꞌi ehepe hap ewy e. Miꞌi hawyi waku kahato eweikupteꞌen eipiit yne puo Tupana Paꞌãu Wakuat topyhuꞌat hawyi e Iesui temiitꞌin me.

Iesui Potmuꞌeria 19:4

Miꞌi hawyi Pauru toꞌe -Are paĩ Iuwãu ti henoi mio tã e -Uhaipepe ti aru wẽtup ok Tupana Mipoꞌoro Miitꞌin Porekuat nuat tuut e Pauru. Miꞌi ro -Eweimohey e ti Iuwãu. Miꞌi tupono eweiꞌatoiat ro yt nakuap i koꞌi eiminug hawyi worohoꞌosetꞌok e ti Iuwãu miitꞌin me e. Miꞌi ti Iesui raꞌyn uhytꞌiꞌin e Pauru.

Iesui Potmuꞌeria 8:36

Miꞌi hawyi putꞌok iꞌatuꞌe yꞌy ete. Miꞌi hawyi Morekuat powyro hat toꞌe -Meiko yꞌy uhyt waku apo uhetꞌok en meikowat yꞌy pe e Wiripi pe.

Iesui Potmuꞌeria 8:38

Miꞌi hawyi morekuat emiit akag toꞌe temiitꞌin me -Ewemopyhuꞌat ro meremo uheꞌyara mesuwe yẽpeke muap tote e. Miꞌi hawyi yara yi totiat pyi tuwenoꞌẽ yꞌy kape. Miꞌi hawyi tuwehytꞌok yꞌy pe. Miꞌi hawyi Wiripi hetꞌok taꞌyn miꞌi.

1 Kuriniu 12:13

Ipatꞌok aito Iuteu ywania ipatꞌok wẽtup ywania aito ipatꞌok aito miit emiit ipatꞌok miit akag koꞌi maꞌato aito Iesui mohey haria pote Tupana Paꞌãu eiam aito. Miꞌi pote Tupana Paꞌãu ahetꞌok taꞌyn -Iesui piit eipe e raꞌyn ahepe.

Ewesu 3:8

Uhewaku hap yt putꞌok e hin i Aipotypot eropat hamo are. Taꞌi uito ti poꞌog kurin katno areineꞌen poꞌog yi kape torannia Iesui mohey haria kai areineꞌen uito maꞌato miꞌi pykai Tupana uiꞌairo iraniaꞌin ywania muꞌe hamo tehay ikahu rakat ete uhewaku hap yt putꞌok e hin i heropat hamo pykai are. Yt naku i uito pykai towese kahato hap mywo uiꞌairo katupono yt poꞌog hin i uito. Koitywy atimoꞌẽ kahato iraniaꞌin ywania pe. Tupana ekareꞌen moꞌẽ hat ewywuat areineꞌen uito aikotã wuatꞌi eꞌat piat hekat rakat tomoꞌẽ hap ewy areineꞌen. Aikaꞌiwat Iesui ekat iwato kahato aikotã poꞌog poꞌog wuatꞌi kai toineꞌen poꞌog poꞌog Miꞌi ekat moꞌẽ hat ewy areineꞌen uito Pauru.

Titu 3:5

Taꞌi Tupana yn ti Ahehakyeraꞌat kuap hat. Aito ti yt watiꞌatuehakyeraꞌat kuap hin i aiwewi. Iꞌewyte aiminug wakuap koꞌi ti yt putꞌok e i ahehakyeraꞌat hamuat kyiꞌat hamo. Tepiat ahehakyꞌeꞌi hap kaipyi yn ti Tupana ahehakyeraꞌat kuap. Iꞌewyte aiminug saꞌag ipit pit kahato hap koꞌi Tupana yn ikoho kuap. Iꞌewyte ti tutum ahepe Topaꞌãu Wakuat Sese raꞌyn. Miꞌi hawyi ti tosaꞌyruꞌin no tosakiꞌytꞌin no ainug Topaꞌãu wo. Miꞌi hawyi ti koitywy ipakup i rakaria wo raꞌyn watoineꞌen. Tupana tunug ni tuweran miꞌi tã hap ahetiat tuwepyi.

1 Peteru 5:5

Pyno uito Peteru atiꞌatunapin neran mesuwe kurumꞌin. Makuptiaria worohoꞌonapin neran eipe. Uiwyriaꞌin eweimotypot ro nagnia are. Ewetunug no eiꞌapykok haria mikyꞌesat koꞌi. Karãpe eiꞌapykok haria eipoꞌoro hawyi meremo ewetunug iꞌatumikyꞌesat koꞌi. Eweikupteꞌen no miitꞌin mimuꞌe koꞌi wo -Uimuꞌe ro eweiꞌe ro nagnia pe. Eweimotypot ro iraniaꞌin eiwoꞌomotypot eiwoꞌope are ehepe. Eweiꞌatoiat ro mekewat -Uito poꞌog iraniaꞌin kai e hap. Miꞌi hawyi aikotã watopag sokpe pakup hap ewy eweipag wẽtup wanetup hap ikahu rakat eipyꞌa pe mekewat -Atikuap teran uhyt mana e hap mekewat -Uimuꞌe ro e hap mekewat paa eiꞌe hap wywo eiwepainug o aikotã sokpe pakup hap ewy. Katupono -Uito poꞌog iraniaꞌin kai e hat Tupana mimohit no aru topyhuꞌat. Tupana yt tikyꞌesat i -Uito poꞌog iraniaꞌin kai e haria wo watukupteꞌen. Maꞌato paa e haria kape yn tehaꞌat. Miꞌiria pe tutum kahato hegyiꞌat hap kaipyi tekat yne tomimotypot koꞌi pe are.