Mateu 3:1 - Sateré-Mawé

¹ Mekewat eꞌat pe ti Iuwãu woꞌosetꞌok hat tuut raꞌyn yi Iuteu yahig wato kape. Itote wyti toiꞌatumuꞌe kahato raꞌyn.

Mateu 3:1 ပူးပေါင်းရင်းမြစ်များ

Mateu 11:11

Pywo pe ti areꞌe ehepe torannia haryporiaꞌin kaipywiaria wemoherep haria toꞌoran myi ti Iuwãu woꞌosetꞌok poꞌog iwato rakatno katupono Iuwãu henoi henoi kahato raꞌyn Tupana saꞌyru uut hap etiat. Miꞌi pykai iraniaꞌin Tupana toineꞌen aiporekuatno hap eꞌat etiat kuap haria poꞌog Iuwãu kai tukupteꞌen.

Mateu 11:7

Miꞌi hawyi teꞌeraꞌaipok iraꞌyn Iuwãu potmuꞌeria miꞌi pykai Iesui henoi henoi raꞌyn miitꞌin sem me woꞌosetꞌok hat Iuwãu etiat. Saꞌawyꞌi eweiwat kahato yahig wato kape aimuꞌe hat Iuwãu kapiat eiꞌakasa hamo turan apo aikotã ywytu potiat uiweran ewy apo kowoꞌi kowoꞌi Iuwãu e.

Mateu 16:14

Mio tã e pote taꞌatuwesat -Taꞌi En wyti iraniaꞌin me Iuwãu woꞌosetꞌok meiẽ iꞌatuꞌe maꞌato iraniaꞌin wyti meiẽ ti Eria iꞌatuꞌe maꞌato iraniaꞌin wyti meiẽ ti Ieremia iꞌatuꞌe iꞌewyte iraniaꞌin wyti meiẽ ti wẽtup ok saꞌawyꞌi wuat Tupana ehay moherep hat iꞌatuꞌe.

Mateu 21:32

Ahetꞌok hat Iuwãu putꞌok toꞌe hawyi eimuꞌe kahato Tupana kapiat muap ete e. Miꞌi hawyi ti yt nakuaria i -Pywo iꞌatuꞌe raꞌyn hawyi tuwat kahato Tupana kape e. Maꞌato eiperia ti yt eweiwat hin i Tupana kape Iuwãu mienoi upi e. Maꞌato iraniaꞌin meimuẽwat haryporiaꞌin yt iweꞌeg i rakaria paa iꞌatuꞌe iꞌewyte mekewat ahewanikaptia saꞌup poreraꞌat haria paa iꞌatuꞌe. Miꞌi haria kape eweiꞌakasa yne raꞌyn pykai yt paa eweiꞌe hin i eipyꞌa pe.

Mateu 3:8

Taꞌi toipoꞌoro aru eiꞌapiheg hap. Pyno eweiꞌatoiat ro yne eiminug saꞌag koꞌi e. Miꞌi hawyi waku nug haria wo eweikupteꞌen wuatꞌi ehamo. Miꞌi hawyi waku nug haria wo eweikupteꞌen wuatꞌi ehamo.

Maku 1:15

Miꞌi hawyi toꞌe -Koitywy ti porap putꞌok e raꞌyn Tupana Morekuat nuat ieineꞌen hamuat. Miꞌi tupono eweitoiat ro eiminug yt naku i hap koꞌi hawyi eweimohey ro Tupana ehay wakuat e Iesui tetama piaria pe.

Maku 1:2

-Uhaꞌyru e woropoꞌoro aru En miitꞌin ehakyeraꞌat hamo e maꞌato saꞌawyꞌi atipoꞌoro teran wẽtup ok eꞌuut hap enoi hamo e. Epuꞌap mowaku hamuat e Tupana miwan me Marakia 3.1 pe.

Iruka 1:76

Miꞌi hawyi paꞌi Sakaria toꞌe tosaꞌyru Iuwãu me -Uhaꞌyru e meiũran ni aru ereineꞌen Tupana ywaiti piat ehay moherep hat. Iꞌewyte etimoherep wyti aru muap Tupana kapiat hatno e.

Iruka 7:24

Miꞌi hawyi karãpe Iuwãu potmuꞌeria teꞌeraꞌaipok iraꞌyn hawyi iꞌatusaipe kai Iesui henoi raꞌyn miitꞌin me Iuwãu etiat. Pyno karãpe eweiwat yahig wato kapiat turan wyti aru eweipuẽti raꞌyn Iuwãu. Itote ti aru eweiꞌakasa raꞌyn aikotã Iuwãu toineꞌen hap sio ywutu potiat Pinawa yhop ewy kowoꞌi kowoꞌi hap ewy sio yt hap e.

Iesui Potmuꞌeria 1:22

Waku ti watopag wẽtup miit wakuat po pe Iuta mipun motpap e Peteru. Waku watiꞌairo wẽtup ok miit haꞌawytewuat Iesui wywuat hewyry rakat e. Waku watiꞌairo wẽtup ok yne Iesui minug koꞌi kapiat akasa hat iꞌewyte Iuwãu miat Iesui hetꞌok hawyi taꞌam i raꞌyn Toꞌywot kape hap kapiat akasa hat e. Waku watiꞌairo wẽtup ok wakuat yne Iesui tokuꞌuro hawywiat toineꞌen pakup i hap kapiat akasa hat e Peteru Iesui potmuꞌeria pe.