Mateu 28:9 - Sateré-Mawé

⁹ Miꞌi turan iꞌatukohyeput nuat iwat turan Iesui tiꞌatupuẽti muap tote -Manaꞌin ariot iraꞌyn e. -Mimi iꞌatuꞌe hawyi iꞌatuporokaꞌat ipy ete imotypot hap wywo.

Mateu 28:9 ပူးပေါင်းရင်းမြစ်များ

Mateu 14:33

Miꞌi pote hemiitꞌin timotypot kahato raꞌyn Iesui hawyi teꞌeroꞌe -Taꞌi pywo ti rat en Tupana Saꞌyru mehin iꞌatuꞌe.

Mateu 23:7

Miꞌi hawyi taꞌatuewyry turan -Ihatꞌok urumuꞌe hat koro iꞌatuꞌe iraniaꞌin hap taꞌatukyꞌesat miitꞌin kaipyi. -Hẽ aimuꞌe sese hat tuut raꞌyn e hap taꞌatukyꞌesat.

Mateu 28:10

-Manaꞌin yt eweikenꞌẽ teiꞌo e maꞌato eweiwat ro uiwyriaꞌin eikywytꞌin me henoi hamo -Waku eweiꞌaipok aheꞌyi Karireia kape iraꞌyn. Miꞌi tote watoꞌopuẽti e. Waku uiꞌe hap ewy eweiꞌe ewehenoi uhemiitꞌin me. Miꞌi hawyi tuwat i ikohyeput i raꞌyn taꞌatuhenoi hamo.

Mateu 28:17

Miꞌi hawyi putꞌok taꞌatuꞌe itote i raꞌyn hawyi teꞌeraꞌakasa i raꞌyn taꞌatukaꞌiwat Iesui kape. Miꞌi hawyi teꞌeruwehum kahato taꞌatumotypot kahato Iesui. Taꞌatumohey kahato maꞌato wẽtup ok wẽtup ok imohey ran.

Mateu 28:8

Mio tã e hawyi tuwat raꞌyn meremo Mariaꞌin. Ikohyeput raꞌyn teꞌerokenꞌẽ popuo maꞌato iꞌewyte taꞌatuwepiit kahato wywo tuwat meremo ipotmuꞌeria piat henoi hamo.

Iruka 1:28

Miꞌi hawyi Tupana emiit putꞌok e hawyi toꞌe -Eremowepiit ro Maria katupono en mesup Tupana mipoityro wo raꞌyn ereineꞌen. Katupono mio aipotypot Tupana toineꞌen kahato raꞌyn ewywo.

Iruka 24:52

Miꞌi hawyi taꞌatumotypot kahato itote Tupana hawyi teꞌeraꞌaipok taꞌyn tawa wato Ierusarẽi kape iꞌatuwepiit sakpo hap wywo.

Iruka 7:38

Miꞌi hawyi haryporia tokosap yt pya hin i Iesui ape kai hawyi tuwak kahato hawyi toimoꞌapuk Iesui pyꞌokpe koꞌi teha hy wo hawyi toitip taꞌasap wo hawyi tohig Iesui pyꞌokpe hawyi toiꞌokpun naꞌyn mohag hy ikamhigse kahato rakat Iesui pyꞌokpe ete.

Iuwãu 12:3

Miꞌi hawyi mana Maria tat topohag hy haꞌup Naratu pohyt kawiat. Miꞌi hawyi Iesui pyꞌokpe koꞌi ete toiꞌokpun yne mekewat mohag hy hawyi toimogag ipyꞌokpe toꞌasap mo. Miꞌi hawyi ikamhig se kahato raꞌyn topyhuꞌat iꞌyat waku kahato.

Iuwãu 20:19

Miꞌi hawyi mekewat mytuꞌu ewãtymꞌi turan ipotmuꞌeria teꞌeruwaꞌatunug iheg me Iuteuria akagnia pupiat teꞌerokenꞌẽ haype. Miꞌi turan putꞌok e raꞌyn Iesui iꞌatupyꞌasetpe. Miꞌi hawyi toꞌe iꞌatuepe -Koitywy yt eweikenꞌẽ teiꞌo. Eiwepiit ro e.

Iuwãu 20:28

-Uikaꞌiwat e koitywy woromohey kahato raꞌyn Uhetupana kahato raꞌyn En e Tume.

2 Kuriniu 13:11

Uiwyriaꞌin uhekatuwyria kuekatu atipoꞌoro ehewowi. Toran naꞌyn uimiwan mesuwe. Waku pe eweikupteꞌen. Yt kat i iꞌaparap ehepiat hap eheineꞌen hap ete hap wywo eweikupteꞌen. Wẽtup ok miit ewywuat eweikupteꞌen imohey hap ete. Eiwoꞌomowepiit ro eiwoꞌopowyro hap ete woꞌowese hap ete. Miꞌi ewy ewetunug pote eiwepiit kahato katupono Tupana wuatꞌi kyꞌe hat toineꞌen eipyꞌasetpe eimowepiit sese hamo.

Iesui Aru E Hap 3:9

Maꞌato tukupteꞌen ehetawa pe ahiag motypot sese haria -Uruto poꞌog eikai iꞌatuꞌe ehepe katupono uruto ti Aparãu emiariru sese koꞌi maꞌato eiperia yt iꞌatuꞌe. Iꞌatuꞌeso mio tã iꞌatuꞌe pote. Yt Iuteu ywania hin i miꞌiria e. Pyno atiꞌatumohit kahato miꞌiria hawyi eimotypot hamo teꞌeruwepỹꞌãtutuk ehewowi -Aparãu emiariru sese eipe iꞌatuꞌe aru ehepe katupono Iesui mikyꞌe sese koꞌi eipe iꞌatuꞌe aru ehepe. Atiꞌatumohit kahato miꞌiria ehamo hawyi teꞌeruwepỹꞌãtutuk ehewowi e.