Mateu 27:51 - Sateré-Mawé

⁵¹ Miꞌi hawyi Tupana motypot yat pe mekewat sokpe Tupana eꞌokipy ete hiotꞌe raꞌyn ywaiti pyi yi kape. Iꞌewyte wy yi hurukꞌe itote. Miꞌi turan nu koꞌi itotiat iꞌapak pakꞌe raꞌyn.

Mateu 27:51 ပူးပေါင်းရင်းမြစ်များ

Mateu 27:54

Iesui ikuꞌuro turan wẽtup ok suraraꞌin akag tesuraraꞌin nywo teꞌeraꞌakasa yne aikotã aikotã ikuꞌuro hap kape yi tyryꞌe hap kape. Miꞌi hawyi teꞌerokenꞌẽ kahato hawyi teꞌeroꞌe -Taꞌi meiũ ti Tupana Saꞌyru sese iꞌatuꞌe.

Mateu 28:2

Miꞌi hawyi putꞌok iꞌatuꞌe turan yi hurukꞌe kahato katupono Tupana mipoꞌoro atipy kaipywiat raꞌyn putꞌok e nu wato kawiat okenhypꞌok hamo. Toimorem mekewat heꞌokenhyp hap hawyi taꞌapyk heꞌokenhyp hap tote nu wato tote.

Maku 15:38

Miꞌi hawyi Tupana motypot yat wato eꞌokenhyp wato sokpe iꞌanam kawiat miitꞌin pyhyp hap Tupana kapiat hap hiotꞌe raꞌyn atipy kaipyi okenꞌypy yi kape.

Iruka 23:45

Aat yt hẽtyhot hin i mesuwat yi tote hawyi mekewat Tupana motypot yat eꞌokenꞌypy sokpe kawiat hiotꞌe kahato myasetpuo yi kape.

Iruka 23:47

Miꞌi hawyi wẽtup ok suraraꞌin akag taꞌakasa yne hawyi tuwehum kahato Tupana pe -Pywo pe ti Meiũ Miit Iesui waku kahato rakat are e.

Epereu 6:19

Tupana e hap wẽtup -Worohoꞌopoityro aru wuatꞌi eꞌat pe e hap aimowepiit kahato. Miꞌi hawyi iꞌe hap typy -Atunug aru e hap. Pyno pywo ti aru uruehakyeraꞌat watoꞌe tope. Uruhekatup kahato urupyꞌa pe watoꞌe. Miꞌi hawyi uruehakyeraꞌat aru toꞌe hap ewy watoꞌe. Aimimohey aikytyt kahato iheg me aikotã haity Tupana eiam sese kaipyi tuut aipiit kape hap ewy. Taꞌi imohey hap haity ewy. Yt karãpe i uruiwaure eꞌe hap Tupana watoꞌe.

Epereu 9:3

Tupana eꞌokipy toineꞌen okenhyp towat i te itote ekuekai. Miꞌi ti toikyꞌesat taꞌatusetꞌok wakuat eꞌokipy e hap Tupana Paꞌãu eiam mote. -Waku ewetunug sokpe iꞌanam nakat mo topyhyp we Tupana Paꞌãu eiam ete e. Tupana Paꞌãu eiam sese poꞌog poꞌog wakuat torannia kai e hap tohenoi. Wẽtup kai Tupana motypot hap sese topyhuꞌat maꞌato wẽtup kai Tupana Paꞌãu eiam topyhuꞌat e.

Iesui Aru E Hap 11:13

Iꞌatuꞌam turan hurukꞌe iwato kahato topyhuꞌat tawa Ierusarẽi ete e. Miꞌi hawyi yat koꞌi nu kawiat koꞌi hewo hewo kahato e. Ikaipyi iꞌatu 10 hap taꞌat wẽtup tuereto hap ewy yi hurukꞌe kahato pote miitꞌin hoꞌopot kahato hawyi 7 miu miit ikuꞌuro itote. Miꞌi pote iraniaꞌin yt map haria i teꞌerokenꞌẽ kahato hawyi -Tupana atipy piat poꞌog torannia kai En iꞌatuꞌe aru tawa Ierusarẽi miaria e Aipotypot Iesui uhepe.

Iesui Aru E Hap 11:19

Miꞌi hawyi uito Iuwãu arahaꞌat i hawyi araꞌakasa atipy pe Tupana motypot yat tuweꞌokenhypꞌok taꞌyn hawyi arahaꞌat Tupana yat kape. Miꞌi tote araꞌakasa raꞌyn mekewat saꞌawyꞌi wuat Tupana Paꞌãu apyk hap aikope saꞌawyꞌi Tupana ihay raꞌyn -Atunug aru uiꞌe hap ewy e hap totepyi ihay i raꞌyn. Miꞌi hawyi tuwẽtem kahato itote pyi merep merepꞌe hap koꞌi hap ewy araꞌakasa. Miꞌi hawyi hurukꞌe kahato hap atikuap. Miꞌi hawyi yi tyryꞌe kahato hawyi miitꞌin teꞌeruwẽpowat kahato itote pyi. Miꞌi hawyi nukara iwatoꞌin nakat hewo yi kape.