Mateu 27:2 - Sateré-Mawé

² Miꞌi hawyi taꞌatupoꞌi poꞌi raꞌyn Iesui haity wo. Miꞌi hawyi taꞌatuereto raꞌyn wanikaptia porekuat Piratu e hap kape.

Mateu 27:2 ပူးပေါင်းရင်းမြစ်များ

Mateu 20:19

Miꞌi hawyi ti aru uhum wẽtup ywania wanikaptia po pe iꞌatumikyryꞌi uhetiat hamo uiꞌahyk ahyk hamo e. Miꞌi hawyi ti aru uiꞌauka raꞌyn itotiaria ariaꞌyp posak ete e. Miꞌi hawyi uikuꞌuro sese aru itote e. Myẽꞌym eꞌat aru uisyp hawe uipiit topyhuꞌat. Maꞌato miꞌi hawyi ti aru areineꞌen ne i raꞌyn guꞌuro pyi e.

Mateu 28:14

Maꞌato morekuat tikuap hawyi uruto urutukupteꞌen eiꞌe hap mopywuat hamuat. Miꞌi hawyi yt ipyꞌahak neꞌi ehete iꞌatuꞌe.

Iruka 13:1

Iesui tiꞌatumuꞌe itotiaria turan iraniaꞌin itotiaria teꞌeroꞌe Iesui pe -Mehin iꞌatuꞌe wanikaptia mipoꞌoro aiporekuat nuat mekewat Piratu e hap het rakat yt naku i kahato tutunug katupono gaꞌatpo ti ahetama Karireia piaria morekuat Piratu timoma kahato iꞌatuꞌe. Morekuat totat ahemiitꞌin hawyi toiwuk Tupana motypot yat pe iꞌatuꞌe. Miꞌi hawyi totopag mekewat iꞌatusuu aat hap Tupana motypot yat piat yparakai tote iꞌatuꞌe Iesui pe.

Iruka 20:20

Taꞌatukat kahato Iesui pytyk hamo. Taꞌatuhaꞌup nug ihainiaꞌin me yt nakuaria i Iesui maꞌat haria taꞌatuehay wo. Miꞌiria wakuaria ewywuaria tõꞌẽ taꞌatuehay wuat Iesui maꞌat hamo. Iꞌatupoꞌoro haria taꞌatupag neran Iesui taꞌatuporekuat nuat po pe iꞌauka hamo.

Iruka 23:1

Miꞌi hawyi torannia raꞌyn teꞌeropoĩꞌam Iesui eroto hamo morekuat koro Piratu kape.

Iruka 23:12

Saꞌawyꞌi te ti morekuat Piratu morekuat Eroti hewanikaptia wo neꞌi maꞌato mekewat eꞌat pe Iesui kuasa hap eꞌat pe iwyriaꞌin wo raꞌyn tukupteꞌen Piratu Eroti katupono wẽtup wanetup hawe ewywuat teꞌeropyhuꞌat Iesui ete.

Iruka 3:1

15 anu toineꞌen morekuatno Tiperiu Sesa turan Pũsiu Piratu toineꞌen yi Iuteia tote morekuatno. Miꞌi turan Eroti toineꞌen morekuatno yi Karireia pe. Maꞌato Iꞌywyt Wiripi toineꞌen mekewat yi Itureia tote iꞌewyte Takunite tote. Maꞌato Iritania toineꞌen mekewat Atirene tote.

Iuwãu 18:12

Miꞌi hawyi Iuta mieropoꞌok koꞌi topytyk Iesui hawyi surara koꞌi tipoꞌi poꞌi Iesui saity wo ipopy tet pupi.

Iuwãu 18:24

Miꞌi hawyi paꞌi koro Anai tipoꞌoro Iesui ipoꞌi poꞌi pe wẽtup paꞌi koro kape mekewat Kaꞌiwasi e hap kape tomimoehapyap kape.

Iuwãu 18:28

Miꞌi hawyi hunete taꞌatueroto Iesui ipoꞌi poꞌi pe morekuat wato eiam kape paꞌi wato Kaꞌiwasi yat pyi. Miꞌi hawyi maꞌato Iuteu ywania akag koꞌi yt tuwehytꞌok teran i Iesui upi morekuat eiam me katupono -Yt naku i wateke meiũwat getap we iꞌatuꞌe katupono yt aiwat aiꞌywania yat i iꞌatuꞌe. Wateke pote ten yt watenuk kuap i raꞌyn iraniaꞌin aiꞌywania wywo Tupana motypot ienuk wato hap turan iꞌatuꞌe toꞌope.

Iesui Potmuꞌeria 12:6

-Pyno mukiꞌite waku Peteru tuut uhowowi e morekuat Eroti tuwanetup hawe. Maꞌato iheg me Peteru toket neꞌi suraraꞌin typy ok po pe kokai kokai haity ipo ete suraraꞌin po pe. Iꞌewyte suraraꞌin okenꞌypy hik haria tukupteꞌen.

Iesui Potmuꞌeria 21:33

Miꞌi hawyi putꞌok e suraraꞌin akag koro hawyi tokosap Pauru kape. Miꞌi hawyi toꞌe temiitꞌin me -Ewetat ro mesuwat miit e. Eweipoꞌi poꞌi ro typy saity iheg nakat wo e. Miꞌi hawyi apo apo e -Uwe keĩ e pyno meiũ e. Kat keĩ tutunug pyno e.

Iesui Potmuꞌeria 22:25

Miꞌi hawyi taꞌatupoꞌi poꞌi Pauru saity miat pe kawiatno. Miꞌi turan Pauru apo e wẽtup ok surara akag me -Waku apo som uiꞌahyk ahyk yt morekuat ehay upi i katupono uito Humanu ywania pote yt naku i uipok pok Humanu ywania morekuat wywuat yt ahehay rakirẽ i te morekuat yt ehay pyi i te e Pauru surara akag me.

Iesui Potmuꞌeria 22:29

Miꞌi hap suraraꞌin tikuap hawyi teꞌeruwepik meremo Pauru yatypepyi ipok pok teran haria. Miꞌi hawyi ikoro tokenꞌẽ kahato kat pote tehay pywiat Pauru poꞌi poꞌi pote. Yt naku i roso Humanuꞌin watipoꞌi poꞌi iꞌatuꞌe.

Iesui Potmuꞌeria 24:27

Typy anu tokosap rakirẽ morekuat Posiu Wetu e hap het rakat topyhuꞌat morekuat Werisi saipe piatno. Miꞌi hawyi morekuat Werisi toto raꞌyn maꞌato totiat Pauru iheg me katupono toikyꞌesat tokyꞌe kahato Iuteuria piat hap poꞌog poꞌog tokyꞌe Tupana piat hap kai.

Iesui Potmuꞌeria 28:20

Miꞌi tupono morohoꞌokay kay eipe meikowo mesup uiꞌywania eiꞌakasa hamo uhehay kuap hamo katupono uiꞌywania eipe pote e. Uiwyriaꞌin aiꞌywania timohey kahato Tupana Mipoꞌoro Aiporekuat nuat Ahehakyeraꞌat kuap hat e. Miꞌi pote mesup aito watomohey kahato. Iꞌewyte Miꞌi Miit yn uimiekatup katupono atimohey kahato Miꞌi e. Miꞌi aimimohey etiatno mesup uipyhik hawe areineꞌen ehehamo e Pauru toꞌywania Iuteuria pe tawa koro Huma totiaria pe.

Iesui Potmuꞌeria 3:13

Ahaꞌaseꞌiꞌin Aparãu Isaki Iako eTupana mimoehãite ti meiũwat miit e. Eweikuap apo kat pote Tupana timoehãite ipy kĩꞌã rakat ehehamo e. Pyno ahenoi ehepe. Toikyꞌesat kahato temiit sese Iesui motypot hap haype wyti e. Taꞌi aheTupana tikyꞌesat kahato raꞌyn wyti eimikuasa te Iesui motypot hap e. Morekuat Piratu ti yt iꞌauka teran i wen maꞌato eipe ti eweikyꞌesat iꞌauka hap -Yt naku i Iesui eweiꞌe morekuat pe itote saꞌawyꞌi e. -Etiꞌauka ro pyno Iesui eweiꞌe kahato morekuat Piratu pe e.

Iesui Potmuꞌeria 4:27

Katupono mesup taꞌyn teꞌeruwaꞌatunug kahato meiũpe tawa Ierusarẽi me Emipoꞌoro Iesui etiat saꞌag taꞌatuehay hamo iꞌatuꞌe. Tupana iꞌatuꞌe mesup taꞌyn morekuaria teꞌeruwaꞌatunug toꞌonapin saꞌag neꞌi Emiꞌairo uruporekuat nuat Iesui mohit hamo mesuwe iꞌatuꞌe. Uruꞌywot mesup taꞌyn mekewat morekuat Eroti iꞌewyte morekuat Pũsiu Piratu teꞌeruwaꞌatunug Isareu ywania iraniaꞌin ywania wywo toꞌonapin saꞌag neꞌi hamo iꞌatuꞌe. Koitywy tawa Ierusarẽi me taꞌatukat aat kaꞌap aikotã aikotã waku eropat sese haria Iesui mohey haria yne moma hamo taꞌatukat toꞌonapin saꞌag hap tote Tupana iꞌatuꞌe.

Iesui Potmuꞌeria 9:2

Miꞌi hawyi toꞌe paꞌi koro pe -Uipoꞌoro ro en tawa Tamaku kape katupono atikyꞌesat kahato atikat teran mekewat wẽtup muap mohey haria itotiaria e. Taꞌi ihainiaꞌin iꞌewyte haryporiaꞌin imohey haria atiꞌatupytyk pytyk teran hawyi ti ateropoꞌok teran meikowo ewowi Ierusarẽi kape iꞌatuꞌapiheg hamo e. Miꞌi tupono ti emiwan atikyꞌesat ekaipyi uipoꞌoro epiat hap miꞌi hap nug hamo mehin e Sauru paꞌi koro pe. Miꞌi hawyi tutum Sauru pe mekewat ipoꞌoro hap miwan etiat. Mio tã toꞌe -Tawa Tamaku piaria Iuteuria paꞌi koꞌi e ewetunug no yne Sauru mikyꞌesat koꞌi ewy e miwan me.

1 Timoteu 6:13

Koitywy woropoꞌoro en Timoteu etunug yne ro epoꞌoro hap koꞌi Iesui mienoi koꞌi.

2 Timoteu 2:9

Miꞌi mienoi upi ti ahoꞌopot te. Uipoꞌi poꞌi raꞌyn haity wo woꞌoꞌauka hat ewy. Uito uipyhik kuap maꞌato Tupana ehay ti yt uwe i ipyhik kuap yt uwe i iꞌakit kuap.

Epereu 13:3

Waku watikyꞌe kahato aiwyriaꞌin morekuaria mipyhyp koꞌi. Yt naku i waure wo watoineꞌen woꞌopyhyp haria kai. Waku wahatyꞌu aipyꞌa pe iꞌatupyhik hap koꞌi upi. Waku aikotã itote watoineꞌen mote haty ahete hap ewywuat kuap hap wywo. Waku watoꞌokyꞌe aiwoꞌoꞌewy watomohey haype. Toineꞌen wẽtup ok Iesui mohey hat iraniaꞌin mikyryꞌi hamo miꞌi hat waku watuwat miꞌi powyro hamo kat pote wẽtup yn hap ewy watopyhuꞌat imohey haria. Waku wahatyꞌu hatyꞌu haria wywo wẽtup aimimohey yn mote wẽtup miit yn aipiit pote.