Mateu 27:16 - Sateré-Mawé

¹⁶ Mekewat eꞌat pe toineꞌen woꞌopyhik hawe yt nakuat i sese rakat Parapa e hap.

Mateu 27:16 ပူးပေါင်းရင်းမြစ်များ

Mateu 27:15

Pyno yne anu pe mekewat ienuk wato hap turan morekuat tiporenotem wẽtup ok woꞌopyhik hawyi miitꞌin mowepiit hamo taꞌatumikyꞌesat ewy.

Mateu 27:17

Miꞌi hawyi morekuat tiꞌatukay kay miitꞌin hawyi toꞌe -Uweĩ waku mesuwat anu atiputsit wẽtup ok aimipyhik e. Uweĩ eweikyꞌesat apo e. Pyno waku apo atiporenotem mekewat Iesui Tupana mipoꞌoro eiporekuatno e hap sio mekewat Parapa e hap e.

Maku 15:7

Mekewat ewaty pe toineꞌen morekuat woꞌopyhik hawe wẽtup ok yt naku i rakat Parapa e hap. Miꞌi ti morekuat tipyhik saꞌawyꞌi katupono woꞌohoiro hap tote toiꞌauka wẽtup ok miit.

Iruka 23:25

Miꞌi hawyi mekewat woꞌopotꞌauka hat mekewat wuꞌuka hap nug hat Parapa e hap het rakat Piratu tiporenotem naꞌyn woꞌopyhik hap pyi hawyi iꞌatumikyꞌesat ewy maꞌato Iesui tutum tesuraraꞌin me iꞌauka hamo iraniaꞌin mikyꞌesat saꞌag ewywuat nug hamuat.

Iuwãu 18:40

Miꞌi hawyi teꞌeruwatka popuo -Yt wyti yt wyti. Waku poꞌog etiporenotem mekewat miit Parapa iꞌatuꞌe. Waku etiporenotem Parapa ewoꞌopyhik hap pyi mehin iꞌatuꞌe. Miꞌi hawyi etiꞌauka ro mekewat Iesui iꞌatuꞌe haty wo. Mekewat Parapa seroꞌok e hat miitꞌin auka hat e -Etiporenotem no mekewat miit Parapa hawyi waku etiꞌauka Mekewat Iesui e hap het rakat iꞌatuꞌe saꞌag morekuat Piratu pe.

Iesui Potmuꞌeria 3:14

-Wakuat sese Uito Tupana ewywuat e Iesui wen maꞌato miꞌi pykai -Yt kan hamo i Iesui eweiꞌe. Miꞌi hawyi woꞌoꞌauka hat Parapa eweikyꞌesat poꞌog Iesui kai. -Yt etiꞌauka teiꞌo Parapa eweiꞌe itote maꞌato mekewat poꞌog poꞌog wakuat wuatꞌi kawiat rakat Iesui pe ti -Etiꞌauka ro etiꞌauka ro Miꞌi Miit eweiꞌe saꞌag Piratu pe e. -Yt naku i kahato wyti watiꞌauka raꞌyn Iesui e Piratu pykai -Etiꞌauka ro etiꞌauka ro Miꞌi Miit eweiꞌe ti raꞌyn itote eipe. Yt naku i kahato eiminug saꞌag e Peteru.

Humanu 1:32

Taꞌatukuap Tupana waĩꞌe hap mekewat kat som waku watunug kat som yt naku i watunug e hap koꞌi wen maꞌato yt taꞌatunug hin i. Yt taꞌatukyꞌesat i haype. -Miꞌi tã ewetunug mote worohoꞌoꞌapiheg guꞌuro hamo e Tupana. Miꞌi taꞌatukuap pykai taꞌatupugha yne Tupana piat ainapin hap koꞌi. Iꞌewyte toꞌomowehum kahato toꞌope toꞌominug saꞌag koꞌi ete -Urumowepiit kahato haria eipe iꞌatuꞌe yt naku i nug haria pe. Miꞌi hawyi watoꞌe -Maꞌato uito ti yt miꞌiria ewywuat hin i areineꞌen katupono waku kahato uito watoꞌe pote ti waku aiweꞌeg wo o uiwyriaꞌin katupono yne aito miꞌiria ewywuaria Tupana wanetup hawe are.

Humanu 16:7

Saꞌawyꞌi toineꞌen typy ok uiꞌywania Iuteuria woꞌopyhik hawe wẽtup ok Ãtuniku wẽtup ok Iunia. Miꞌiria Iesui mohey haria aheꞌyian miat haria kahato miꞌiria Iesui potpoꞌororia mikuap kahato koꞌi. Miꞌiria kape uhewaku hap kuekatu e hap atipoꞌoro.