Mateu 26:74 - Sateré-Mawé

⁷⁴ Mio tã iꞌatuꞌe pote toiꞌatuwesat saꞌag neꞌi raꞌyn -Yt atikuap i ti uito Miꞌi Miit e. Uheso pote aru waku raꞌyn Tupana uiꞌapiheg e. Maꞌato meremo yt uheso i rat toꞌe hawyi waipaka ihay raꞌyn.

Mateu 26:74 ပူးပေါင်းရင်းမြစ်များ

Mateu 10:28

Iꞌewyte yt eweikenꞌẽ teiꞌo eiꞌauka hap pupi katupono aipiit taꞌatuꞌauka wen maꞌato ahaꞌum yt taꞌatuꞌauka kuap i. Maꞌato waku watokenꞌẽ Tupana pupi katupono miꞌi ti imoma kuap yne torannia ahaꞌum iꞌewyte aipiit.

Mateu 26:34

Miꞌi pote Iesui toꞌe -U paĩ mesuwat ewãtym ti aru -Yt atikuap i raꞌyn Iesui ere e myẽꞌym muat waipaka ehay eꞌyian mete.

Mateu 26:73

Miꞌi hawyi iraniaꞌin tokokaꞌat Peteru kape hawyi teꞌeroꞌe -Taꞌi uruikuap ti en. En ni wyti wẽtup ok Iesui potmuꞌe iꞌatuꞌe katupono yi Karireia piaria ehay ewy ehay iꞌatuꞌe.

Mateu 26:75

Miꞌi pote so hotꞌokꞌe raꞌyn Iesui ehay kape -Waipaka ehay eꞌyian mete ti aru -Yt atikuap i Miꞌi Miit ere raꞌyn uhepiat pe myẽꞌym mo e Iesui hap kape iwatetup taꞌyn. Miꞌi hawyi tuwepik taꞌyn itote pyi tuwak kahato raꞌyn Peteru tominug saꞌag hap upi.

Mateu 27:25

Miꞌi hawyi teꞌeroꞌe -Yt eete i ti aru uhyt iꞌatuꞌe uruete urumepytꞌin ete aru iꞌatuꞌe. Taꞌi Iesui auka hap ti aru uruete uhyt iꞌatuꞌe.

Maku 14:30

Maꞌato Iesui toꞌe -Pywo pe ti mesup ewãtym naꞌyn ni aru waipaka ehay typuat hap owakai ti aru -Yt atikuap i Iesui ereꞌe irane iraniaꞌin me myẽꞌym mo e Iesui Peteru pe.

Maku 14:68

Maꞌato Peteru toꞌe -U paĩ yt atikuap i kat ereꞌe mana e. Miꞌi hawyi Peteru toto kurara eꞌokenꞌypy wato kape.

Iruka 22:60

Maꞌato Peteru tiwesat -U paĩ e yt atikuap hin i rat emienoi Iesui etiat e. Mio tã e turan waipaka ihay.

Iuwãu 18:27

Miꞌi hawyi Peteru toꞌe -U yt uito i rat e. Yt atikuap i Miꞌi Miit e haty wo. Mio tã e saꞌag turan waipaka paiꞌat ihay raꞌyn.

Humanu 9:3

Wẽtup eꞌat pe areꞌe Tupana pe -Pyno waku uiꞌapiheg uiꞌywania ehakyeraꞌat hamo are. Waku areineꞌen ekuasa hatno hawyi waku uipoꞌoro aria wato kape uiꞌapiheg hatno uiꞌywania ehakyeraꞌat hamo are. Atikyꞌesat kahato uiꞌywania tukupteꞌen emiehakyeraꞌat koꞌi Tupana are. Miꞌi hap upi waku uihep Iesui po pyi uiꞌapiheg hamuat uiꞌywania emiehakyeraꞌat wo tukupteꞌen aru areꞌe saꞌawyꞌi Tupana pe yt kat i uheso hap wywo.

1 Kuriniu 16:22

Tuut irane tuut irane Aipotypot Iesui waku watoꞌe. Eiweꞌeg wo o katupono yt torannia i ikyꞌe haria.

Iesui Aru E Hap 3:19

Pywo ti rat uimohey haria uimikyꞌe sese koꞌi atiꞌatunapin meremo atiꞌatuꞌapiheg meremo yt naku i taꞌatunug hawyi uimepytꞌin mote e. Iꞌatuminug saꞌag koꞌi atimoherep kahato iꞌatuepe. Eiwemorem no eiminug saꞌag koꞌi kaipyi hawyi eweiꞌaipok to uhowowi yne ehesaika hap wywo hawyi ewetunug no uimikyꞌesat ewywuat areꞌe yn e.