Mateu 25:2 - Sateré-Mawé

² Ipatꞌok 5 ok takaria hepap takaria katupono miꞌiria iꞌatueꞌariãty ipytꞌat kahato rakaria tuwat maꞌato ipatꞌok yt hepap haria i e.

Mateu 25:2 ပူးပေါင်းရင်းမြစ်များ

Mateu 10:16

Pyno eiwanetup to uhehay kape. Pyno mesuwe worohoꞌopoꞌoro eipe aikotã aihũ Uweiria koꞌi watipoꞌoro hawyi tukupteꞌen awahuru haiwot rakaria pyꞌasetpe raꞌyn hap ewy. Maꞌato aikotã moĩ iꞌokpipokꞌi kahato toꞌauka tet pupi hap ewy o eweikupteꞌen iꞌewyte waku eweikupteꞌen aikotã pykasu yt ipyꞌahak hin i hap ewy o eweikupteꞌen iꞌatupyꞌasetpiat turan.

Mateu 24:45

Pywo watikuap taꞌyn uwe uwe som topyhuꞌat tekaꞌiwat ekatup hap eꞌat miꞌi ti hemiitꞌin apykok hamuat topyhuꞌat. -Tuut ti aru uikaꞌiwat e yn hat ewy. -Miꞌi pote waku atiꞌatupoi wuatꞌi eꞌat pe hemiitꞌin miꞌu wo e. Pyno waku pe yn iꞌyat huut turan uikaꞌiwat uut hap eꞌat pe turan e.

Mateu 25:3

Maꞌato iraniaꞌin 5 ok takaria eꞌariãty ti yt ipytꞌat kahato rakaria i e. Yt taꞌatuereto poꞌog ihy meiũran wuat ikahuro hap kape.

Mateu 25:4

Maꞌato ipatꞌok iweꞌeg nakaria iꞌatueꞌariãty eiam howopy taꞌatueroto maꞌato iraniaꞌin yt.

Mateu 25:9

Maꞌato so -U an yt raꞌyn iꞌatuꞌe neꞌi raꞌyn iꞌatuꞌe maꞌato uruhoꞌoium uruwat urueꞌariãty hy pote taren uruwat muap upiat hamo yt putꞌok e i raꞌyn iꞌatuꞌe. Eweiwat ro ihy weneru haria kape miꞌi hawyi eweikyiꞌat ro eiwatno eheꞌariãty hy wo iꞌatuꞌe 5 ok takaria hẽtup haria pe.

1 Iuwãu 2:19

Saꞌawyꞌi te ti aiꞌewy kahato tukupteꞌen tuereto aipyꞌasetpe maꞌato mesup ti aiꞌatoiat raꞌyn. Tuwat yne raꞌyn miꞌiria. Tuwat raꞌyn ahiag upi kat pote yt aimimohey ewywuat i miꞌiria pote. Maꞌato aimimoheyria pote ti teꞌeropyhuꞌat aiwywo. Miꞌi pote ahokꞌiwat raꞌyn.

Iuta 1:5

Pyno eiweꞌeg wo o miꞌiria hap pupi uiwyriaꞌin are. Yt eweiwaure teiꞌo saꞌawyꞌi wanikaptia po pywiat aiꞌywania Iuteu ywania Tupana tiꞌatuehakyeraꞌat yne yi Esituꞌin ahewanikaptia po pyi hap. Maꞌato miꞌi pykai yt taꞌatumohey poꞌog hin i taꞌatuehakyeraꞌat hat Tupana are. Taꞌi miꞌi hawyi mekewat yahig wato tote Tupana tiꞌatuꞌapiheg miꞌiria are. Taꞌi tomohey hap pun haria toiꞌatumoma kahato itote are. Nagnia yne topap itote hawyi taꞌatumepytꞌin yn putꞌok iꞌatuꞌe yi wakuat Tupana miium kape are. Mekewat yahig wato tote hakpap kahato tomohey hap pun haria are. Tupana tiꞌatumoma yne yahig wato tote. Taꞌatumohey kahato saꞌawyꞌi pykai topap taꞌatupun imohey hap pote. Miꞌi hawyi iꞌatumepytꞌin yn tokokaꞌat Tupana miium eꞌyi kape are.