Mateu 23:7 - Sateré-Mawé

⁷ Miꞌi hawyi taꞌatuewyry turan -Ihatꞌok urumuꞌe hat koro iꞌatuꞌe iraniaꞌin hap taꞌatukyꞌesat miitꞌin kaipyi. -Hẽ aimuꞌe sese hat tuut raꞌyn e hap taꞌatukyꞌesat.

Mateu 23:7 ပူးပေါင်းရင်းမြစ်များ

Mateu 11:16

Pyno mesuwe atunug hãꞌãg hap koran wuaria miitꞌin ete. Pyno miꞌiria ti aikotã hirokaria tukupteꞌen temahara turan oken note. Miꞌi hawyi iraniaꞌin tewyriaꞌin toꞌowẽpapꞌi toꞌewowi ewowi.

Mateu 23:8

Miꞌi pote yt ewetunug neiꞌo miꞌi tã hap iꞌatuꞌewy e Iesui temiitꞌin me. Katupono -Meiẽ aimuꞌe hat sese yt eweiꞌe teiꞌo eiwoꞌope neꞌi e. Katupono wẽtup ok yn ni toineꞌen eimuꞌe hat sese. Waku eweipyhuꞌat eipe eiwoꞌowyriaꞌin wo yn naꞌyn.

Mateu 26:25

Miꞌi hawyi tokosap taꞌyn Iuta iraniaꞌin saipepe toꞌe hamo -Uito apo emaꞌat hanuat uikaꞌiwat e. Miꞌi hawyi Iesui tiwesat -Taꞌi eꞌe hap ewy mehin e Iesui.

Mateu 26:49

Miꞌi hawyi putꞌok toꞌe hawyi tokosap Iesui kape hawyi toꞌe -Wãtym Uimuꞌe hat e. Miꞌi hawyi ti toiꞌãpysig naꞌyn.

Maku 10:51

Miꞌi hawyi apo e Iesui tope -Pyno kat aru emikyꞌesat atunug epe e. Miꞌi hawyi toiwesat -Woꞌomuꞌe hat uheha pakup i nug hap atikyꞌesat e. Arehaꞌat teran e.

Maku 11:21

Miꞌi hawyi ti Peteru toꞌe -Urumuꞌe hat mekewat Wiku yp ikuꞌuro raꞌyn emisatyꞌi satyꞌi e.

Maku 12:38

Miꞌi hawyi Iesui toꞌe -Eiweꞌeg wo o einapin haria ran mupi e. Katupono sokpe kahuria puo teran ikohyewyry miitꞌin koꞌi upi e. Miꞌi hawyi taꞌatukyꞌesat miitꞌin wẽpowat kahuria iꞌatuꞌekareꞌen kyiꞌat hap upi e.

Maku 14:45

Miꞌi hawyi putꞌok toꞌe hawyi Iuta tokosap Iesui kape hawyi toiꞌãpysig -Uimuꞌe hat toꞌe hawyi.

Maku 9:5

Miꞌi hawyi Peteru toꞌe -Urumuꞌe hat e taꞌi waku kahato meiũpe watoineꞌen e. Etikyꞌesat apuru urutunug eheꞌog myẽꞌym e wẽtup ewatno wẽtup Muisei watno wẽtup Eria watno e Peteru Iesui pe.

Iruka 11:43

-Taꞌi eiperia woꞌonapin haria eweikyꞌesat kahato iraniaꞌin miat eimotypot hap yn. Eweihytꞌok waꞌatunug hap hawyi eweikat kahato mekewat poꞌog waku eiꞌapyk hap iraniaꞌin pyꞌasetpe. Iꞌewyte yne tawa pe muap upi ehekat kyiꞌat hap tote miitꞌin wẽpowat kahato hap eimotypot hamuat hap yn eweikat.

Iuwãu 1:38

Miꞌi turan Iesui tehaꞌat tosaipepe toupiat õꞌẽ haria kape. Miꞌi hawyi toꞌe iꞌatuepe -Kan eweikat uhytꞌiꞌin e hawyi teꞌeroꞌe -Woꞌomuꞌe hat aikopeĩ ereineꞌen iꞌatuꞌe. Maꞌato taꞌatupusu puo Irapi iꞌatuꞌe aikopeĩ ereineꞌen iꞌatuꞌe.

Iuwãu 1:49

Miꞌi pote Natanaeu toꞌe Iesui pe -Woꞌomuꞌe hat pywo En ni Tupana Saꞌyru sese are. En ni Isareu ywania Porekuat koro e.

Iuwãu 11:8

Miꞌi pote iwyriaꞌin tiwesat -Urumuꞌe hat yt naku i ereto tama Iuteu kape katupono gaꞌatpo porap eꞌauka nu wo itote iꞌatuꞌe.

Iuwãu 20:16

Miꞌi hawyi Iesui tiwesat -Maria e hawyi ihay ete aikotã toset puo tuwẽpowat hap ete toikuap uwe Iesui hawyi tuwemorem meremo hawyi -Woꞌomuꞌe hat e maꞌato topusu puo Hapuni e.

Iuwãu 3:2

Miꞌi ti wãtym muo Nikutemu toto Iesui kape. Putꞌok e Iesui ete hawyi toꞌe tope -Urumuꞌe hat e ewat eminug wakuap koꞌi yt uwe misepap ewy i raꞌyn e. Miꞌi pote uruikuap Tupana epoꞌoro urumuꞌe hamo hap mehin e. Miꞌi pote uruikuap Tupana toineꞌen ewywo kahato Mehin e Iesui pe.

Iuwãu 3:26

Miꞌi hawyi tuwat Iuwãu kape teꞌeroꞌe hamo -Urumuꞌe hat iꞌatuꞌe mekewat ihainia Iutãu eꞌy sakpuat emimoherep saꞌawyꞌi wuat wyti toineꞌen mio meiũpe yi Iuteu pe. Koitywy miitꞌin toiꞌatusetꞌok kahato raꞌyn itote poꞌog aikai. Yt naku i miꞌi tã urutoꞌe katupono koitywy wyti wuatꞌi miitꞌin tuwat kahato miꞌi hat kape teꞌeruwesetꞌok hamo hawyi yt tõꞌẽ i poꞌog ahewowi iꞌatuꞌe Iuwãu me.

Iuwãu 4:31

Miꞌi turan Iesui emiitꞌin teꞌeroꞌe Iesui pe -Urumuꞌe hat waku raꞌyn aimiꞌu. Erenuk to iꞌatuꞌe.

Iuwãu 6:25

Putꞌok iꞌatuꞌe ysakpo hawyi taꞌatupuẽti taꞌatumikat hawyi apo iꞌatuꞌe Iesui pe -Kat puo eriot meikowo urumuꞌe hat iꞌatuꞌe.

Iuwãu 9:2

Miꞌi hawyi Iesui wyriaꞌin apo iꞌatuꞌe Iesui pe -Urumuꞌe hat iꞌatuꞌe uwe piat iꞌaparap hap upi som Tupana tiꞌapiheg yt ihapytig i rakat iꞌatuꞌe. Iꞌywotꞌin piat iꞌaparap hap upi toineꞌen yt ihapytig i sio iwat iꞌaparap sese hap kaipyi apo iꞌatuꞌe.