Mateu 22:7 - Sateré-Mawé

⁷ Miꞌi hap morekuat koro tikuap hawyi ipyꞌahak kahato. Miꞌi hawyi toiꞌatupoꞌoro tesuraraꞌin topotpoꞌororia etiat mikyryꞌi haria auka hamo. Iꞌewyte iꞌatuetawa wuk hamo.

Mateu 22:7 ပူးပေါင်းရင်းမြစ်များ

Mateu 22:6

Maꞌato iraniaꞌin tawa piaria toꞌokyryꞌi imipoꞌororia ete. Wẽtup ok wẽtup ok taꞌatuꞌauka raꞌyn imipoꞌoro.

Mateu 22:8

Miꞌi hawyi toꞌe tomiꞌatupoꞌororia pe -Taꞌi waku raꞌyn ti aimiꞌu e maꞌato saꞌawyꞌi wuaria uimiꞌatukay kay koꞌi yt nakuaria i e. Iꞌatuewaku hap ti yt putꞌok e i uhaꞌyru wywuat teꞌerenuk hamo e.

Iruka 19:27

Miꞌi hawyi meimuẽwat saꞌawyꞌi wuaria morekuat ewanikaptia etiat mio tã toꞌe -Pyno mekewaria yt uruikyꞌesat mekewat uruporekuatnuat e haria waku eherepoꞌok uhewowi e. Taꞌatuerut hawyi morekuat toꞌe Pyno meiũpe raꞌyn uhowakai te eweiꞌatuꞌuka ro miꞌiria e so mekewat morekuat itote e Iesui tehay iãꞌãkap wuo.

Iruka 21:21

Tawa Mekewat eꞌat pe waku tawa Iuteuria piaria meremo Iꞌatukohyeput raꞌyn yityꞌok koꞌi kape. Waku Ierusarẽi miaria meremo tuwenoꞌẽ raꞌyn tawa pyi hoꞌopot hap oksep hamuat. Muap upi Ierusarẽi kapiat eweikupteꞌen mote yt eweiꞌaipok teiꞌo tawa Ierusarẽi kape are e.

Iruka 21:24

Miꞌi hawyi wẽtup ywania tiꞌatuꞌuka kahato yne Iuteu ywania kyseꞌyp mo taꞌatuꞌatuꞌuka kahato are e. Iraniaꞌin taꞌatueroto wuatꞌi etama kape Iꞌatuꞌeropat haria wo. Taꞌi iraniaꞌin ywania tawa Ierusarẽi taꞌatumoma sese raꞌyn mekewat eꞌat pe e. Miꞌi hap ewy topyhuꞌat mekewat eꞌat Tupana miꞌairo hap kape.

1 Tesaronika 2:16

Yt ewehenoi teiꞌo iraniaꞌin wẽtup ywania pe iꞌatuꞌe uruepe. Katupono miꞌiria yt tikyꞌesat hin i iraniaꞌin ehakyeraꞌat hap katupono -Howapy yne raꞌyn iꞌatupiit iꞌatuminug saꞌag koꞌi wo. Yt kat i raꞌyn heiam howapy poityꞌi pote e Tupana. Toran naꞌyn putꞌok e raꞌyn koitywy iꞌatuꞌapiheg hap e Tupana Iuteuria pe topyꞌahak popuo.