Mateu 22:3 - Sateré-Mawé

³ Pyno worohoꞌopoꞌoro uhetama kape itotiaria napin hamo mio tã eweiꞌe -Waku eweiõꞌẽ ienuk iwato hap kape e temiitꞌin me. Tohenoi hawyi tuwat raꞌyn hemiitꞌin iꞌatunapin hamo. Maꞌato so imikay kay koꞌi yt tuwat teran i.

Mateu 22:3 ပူးပေါင်းရင်းမြစ်များ

Mateu 21:34

Miꞌi pote iꞌypia sat hap eꞌat putꞌok e raꞌyn hawyi toiꞌatupoꞌoro temiitꞌin tomikoi ypia apykok haria kape tomikoi saꞌup patꞌok sat hamo e.

Mateu 23:37

Ierusarẽi miaria Tupana mipoꞌororia atuuka haria kahato ti eipe e. Atiꞌatupoꞌoro kahato ti uhemiitꞌin eimuꞌe hamo maꞌato ti yne miꞌiria eweiꞌatuuka nu wo e Iesui. Miꞌi rẽ Uito iraꞌyn meiũ iꞌatusaipe kai areineꞌen eipyꞌasetpe e. Aikotã waipaka ty tomepytꞌin atukay kay tepiat iꞌatukyꞌe haype hap ewy Uito worohoꞌokay kay maꞌato yt eweikokaꞌat teran i uhewowi. Uipopesap ywytꞌokpype ro eweikupteꞌen are maꞌato yt eweĩꞌẽ teran i e.

Mateu 3:2

Mio tã e toiꞌatumuꞌe -Eweiꞌatoiat ro yne eiminug saꞌag koꞌi e katupono mio tuut ti aru raꞌyn aikaꞌiwat e.

Mateu 9:15

Mio tã iꞌatuꞌe pote Iesui tiꞌatuwesat -Pyno eweipuẽti aten waku woꞌokyiꞌat hap kapiat turan iꞌatuꞌarot neꞌi iꞌatupyꞌasetpe raꞌyn woꞌokyiꞌat hanuaria turan pote arewanetup turan yt hin i maꞌato karãpe eꞌat putꞌok e raꞌyn iꞌatuehaytuwy iꞌatupyꞌasetpyi turan ti aru pywo teꞌeremosyꞌat raꞌyn uhemiitꞌin.

Iruka 13:34

Miꞌi hawyi Iesui tuwak toꞌywania kyewi tomohey hap pun haria pote -Tawa Ierusarẽi miaria e yt eweiweꞌeg hin i eiperia katupono Tupana mipoꞌororia auka haria eipe e. Ihay moherep haria eweiꞌatuꞌuka haꞌawyte nu koꞌi wo e. Uito worohoꞌokyꞌe eiperia. Worohoꞌokay kay uhewawi aikotã Waipaka ty tiꞌatukay kay tomepytꞌin piku piku koꞌi ewy ipopesap ywytꞌokpype iꞌapykok hamo wen maꞌato eiperia yt eweiꞌõꞌẽ i uhewowi e Iesui tawa wato Ierusarẽi piaria pe tuwak turan.

Iruka 15:28

Miꞌi e hap toꞌykeꞌet tikuap taꞌyn hawyi yt teke teran i toꞌyat pe. Miꞌi pote iꞌywot toto raꞌyn howawi toꞌyat pyi ikay kay hamo -Ereke ro uhaꞌyru e.

Iruka 19:27

Miꞌi hawyi meimuẽwat saꞌawyꞌi wuaria morekuat ewanikaptia etiat mio tã toꞌe -Pyno mekewaria yt uruikyꞌesat mekewat uruporekuatnuat e haria waku eherepoꞌok uhewowi e. Taꞌatuerut hawyi morekuat toꞌe Pyno meiũpe raꞌyn uhowakai te eweiꞌatuꞌuka ro miꞌiria e so mekewat morekuat itote e Iesui tehay iãꞌãkap wuo.

Iuwãu 5:40

Pywo ti yt eweikuap i uhetiat miwan henoi kahato pykai ti eipe yt eweiwat teran i uhewowi eheineꞌen hap sese sat hamo.

Iesui Potmuꞌeria 13:45

Miꞌi hawyi Iuteuria potnagnia teꞌeraꞌakasa miitꞌin typyꞌi kahato Pauru upi. Miꞌi pote iꞌatuehayꞌywyi tuete. Miꞌi hawyi -Taꞌi eheso kahato iꞌatuꞌe. Etiꞌatumaꞌat neꞌi rat miitꞌin Tupana ete iꞌatuꞌe.

Humanu 10:21

Maꞌato uiꞌywania Iuteuria kape mekewat Isareu emiariru koꞌi pe mio tã e Tupana aat kaꞌap -Eweĩꞌẽ o uhowowi worohoꞌoꞌokhytsat reran are aat kaꞌap Aparãu emiariru emiariru koꞌi pe maꞌato -Yt yt iꞌatuꞌe uhowowi e. Yt uruikyꞌesat i yt kat i emikyꞌesat urutunug neran eweiꞌe uhepe Isareu ywania e Tupana saꞌawyꞌi Isaia miwan me. Taꞌi aikay kay kahato tuwewawi Tupana yt nakuaria aito pykai.

Epereu 12:25

Saꞌawyꞌi Tupana ihay yityꞌok totepyi aiꞌywania pe yityꞌok Sinai pyi maꞌato aiꞌywania saꞌawyꞌi wuaria itotiaria yt ikyꞌesat i Tupana ehay teꞌeruwewaurehik neꞌi. Miꞌi hawyi miꞌiria Tupana miꞌapiheg koꞌi wo teꞌeropyhuꞌat. Taꞌi miꞌi hawyi topap topap yahig note saꞌawyꞌi wuaria aiꞌywania Epereu pusu kuap haria. Taꞌatuhãꞌãg Tupana e hap nug hamuat maꞌato yt wẽtup ok i tuwenug kuap. Yt taꞌatunug i taꞌatunapin hap. Maꞌato koitywy Tupana ainapin Tosaꞌyru wẽ pyi atipy kaipyi. Waku watunug atipy kaipywiat ainapin hap. Waku aiweꞌeg wo ainapin hap nug hamuat hap ete. Maꞌato watuwewaurehik saꞌag Haꞌyru piat ainapin kape hawyi poꞌog naꞌyn saꞌag saꞌawyꞌi wuat kai. Yt watuwemig kuap aiꞌapiheg hap pupi watipun naꞌyn ainapin hap ipakup i Tupana piat hap pote.

Epereu 9:15

Koran Tupana Wywuat Woꞌowese Nug Hat raꞌyn toineꞌen Iesui. Koitywy Muap toineꞌen Tupana kapiat. Katupono mesup ahepe Tosaꞌyru mohey haria pe -Eweĩꞌẽ ro uhowowi e. Koitywy wuatꞌi eꞌat piat ieineꞌen hap atum neran ehepe yt ikahuro rakat i e Tupana. Katupono Uhaꞌyru suu topyhuꞌat ehaꞌup mo e. Uhaꞌyru ikuꞌuro eiꞌapiheg hap saꞌup mo e. Miꞌi pote mesup waku pe raꞌyn eweikupteꞌen e. Waku ahehay aiwoꞌope aiwoꞌope aiwoꞌowese hap e Tupana ahepe watimohey Haꞌyru hawyi. Ipakup we raꞌyn watukupteꞌen mesup Tupana wywo -Koitywy Uhaꞌyru mikyiꞌat koꞌi eipe pote eweĩꞌẽ ro uhowowi uhaꞌyruꞌin uhakiꞌytꞌin e Tupana ahepe.

Iesui Aru E Hap 22:17

Miꞌi pote mesup -Eraꞌaipok to Iesui meikowo watoꞌe. Aikotã haryporia tikyꞌesat kahato tehaytuwy pya ieineꞌen hat hawyi -Eraꞌaipok to eraꞌaipok to e hap ewy watoꞌe -Eraꞌaipok to watoꞌe aipyꞌa pyi epe Iesui. Iꞌewyte Tupana Paꞌãu ehay moherep haria saꞌawyꞌi wuaria iꞌewyte koran wuaria -Eraꞌaipok to meikowo Iesui iꞌatuꞌe Tupana Paꞌãu ehay moherep haria iꞌewyte aito. Iꞌewyte waku yne mesuwat miwan kuap haria teꞌeroꞌe -Eraꞌaipok to Iesui waku watoꞌe. Uiwyriaꞌin eweikupteꞌen teran wuatꞌi eꞌat pe pote ewetat ro yt kat saꞌup i aikotã mekewat yꞌy aimoieineꞌen hap yt kat saꞌup i Tupana etawa pe rakat hap ewy waku watomohey.