Mateu 20:3 - Sateré-Mawé

³ Meiũran ihatꞌok poꞌog hawyi toto aikope miitꞌin tikyiꞌat wuatꞌi hap kape. Miꞌi turan itote toiꞌatupuẽti yt kat nug i haria motpap ekatup eharia.

Mateu 20:3 ပူးပေါင်းရင်းမြစ်များ

Mateu 20:2

Miitꞌin toipuẽti hawyi toꞌe iꞌatuepe -Eipotpap aat pote ti aru atum wẽtup eꞌat saꞌup ehepe e. Miꞌi pote -Hẽ iꞌatuꞌe. Miꞌi hawyi toiꞌatupoꞌoro tomikoi ypia kape.

Mateu 20:4

Miꞌiria pe toꞌe -Eweiwat ro uiko kape hawyi mono meiũran wãtymꞌi turan aru atum haꞌup wakuat ehepe e.

Maku 15:25

Miꞌi hawyi ihatꞌok poꞌog naꞌyn hawyi taꞌatupehik taꞌyn ariaꞌyp posak ete.

Iesui Potmuꞌeria 16:19

Miꞌi pote piꞌã kaꞌiwaria teꞌeroꞌe -Pyno ihãite raꞌyn piꞌã. Yt naku i yt kat i raꞌyn ahiag paꞌãu piꞌã piit pe iꞌatuꞌe toꞌope. Miꞌi hawyi taꞌatusat Pauru Sira. Miꞌi hawyi iherep mo taꞌatueropoꞌok yi upi morekuaria kape wuatꞌi weneru hap kape.

Iesui Potmuꞌeria 2:15

Yt mahy pyno i wyti worohoꞌomuꞌe eiperia eipusu puo uiꞌywania katupono yt uwe i ahetama piaria aat tuwẽtem turan temahy u ahetama pe e. Pyno eiꞌe mahy pono wyti e hap yt hin i e. Pywo ti rat uruiꞌatumuꞌe eipe Tupana ehay kaipyi e. Uruiꞌatumuꞌe eiperia uruꞌywania wuatꞌi etama kaipywiaria e Peteru tawa Ierusarẽi miaria pe.

1 Timoteu 5:13

Miꞌi hawyi iraniaꞌin tuwemohapap kahato aiperup hap ete satꞌi satꞌi getap koꞌi upi neꞌi. Miꞌi hap kaipyi tuwemohapap woꞌokuasa kuasa i hap ete. Aiwuꞌuka hap neꞌi enoi enoi hap ete. Woꞌomaꞌatꞌi maꞌatꞌi hap ete yn ihay. Wemoti hap sehay saꞌag yt watikuap teran i rakat taꞌatuhuꞌat.

Epereu 6:12

Pyno yt naku i watoineꞌen iperup woꞌomuꞌe hap etiat rakatno neꞌi are. Yt naku i iperup neꞌi imohey hap ete. Yt naku i watopyhuꞌat yt ikuap teran i haria wo e. Yt naku i aiwanetup hap watimokenꞌẽ neꞌi Tupana Paꞌãu miat aimuꞌe turan. Waku watukupteꞌen aikotã saꞌawyꞌi wuat Tupana ehay moherep haria ewywuat imohey iwatoꞌin rakaria ewywuat meimuẽwat saꞌawyꞌi wuaria Tupana ehay moherep haria ewy. Katupono miꞌiria tukupteꞌen wuatꞌi eꞌat pe Tupana mohey motꞌi haria. Yt teꞌeruwemoti hin i -Atimohey taꞌatuꞌe hap ete. Yt taꞌatupun hin i taꞌatumimohey Tupana piat -Atunug aru e hap mohey hap. Waku miꞌiria ewywuaria watukupteꞌen. Yt naku i pya kahato neꞌi aiwanetup hap Tupana kapiat hap.