Mateu 2:4 - Sateré-Mawé

⁴ Miꞌi pote morekuat Eroti tiꞌatunug naꞌyn tuwewowi paꞌi kororia akag koꞌi iꞌewyte miwan kuap haria hawyi apo e iꞌatuepe -Mehinꞌin e aikope som tuwemoherep irane Tupana Mipoꞌoro Wuatꞌi Porekuat Koro wuat sese e.

Mateu 2:4 ပူးပေါင်းရင်းမြစ်များ

Mateu 13:52

Miꞌi hawyi Iesui toꞌe -Pyno uwe uwe mekewaria woꞌonapin hap kuap haria topyhuꞌat wyti aru Tupana toineꞌen morekuatno hap etiat enoi enoi haria wo miꞌiria ti aikotã eiꞌywot tihep tekareꞌen iꞌatunug hap yat kaipyi ipakuptia iꞌewyte ipotꞌi koꞌi hap ewy.

Mateu 2:3

Iꞌatuꞌe hap morekuat Eroti tikuap hawyi tuwanetup koꞌi koꞌi kahato iꞌewyte tawa Ierusarẽi miaria wy.

Mateu 2:5

Miꞌi hawyi taꞌatuwesat -Taꞌi tawa hit Perẽi me yi Iuteu pe tuwemoherep Miꞌi Miit iꞌatuꞌe wyti saꞌawyꞌi wuaria Tupana ehay moherep haria miwan iꞌatuꞌe. Katupono saꞌawyꞌi Tupana ehay moherep hat mio tã e miwan me yian mete iꞌatuꞌe.

Mateu 21:15

Miꞌi pote paꞌi kororia waĩꞌe hap enoi haria teꞌerahaꞌat kahato iminug wakuap kape. Iꞌewyte taꞌatukuap hirokaria piat -Waku kahato En morekuat Tawi saipepiat iꞌatuꞌe hap. Miꞌi pote iꞌatupyꞌahak kahato raꞌyn paꞌi koro koꞌi

Mateu 21:23

Miꞌi hawyi putꞌok e i raꞌyn Iesui Tupana motypot hap yat koro pe hawyi toiꞌatumuꞌe i raꞌyn. Miꞌi turan tõꞌẽ tõꞌẽ paꞌi akag koꞌi Iuteu ywania akag koꞌi apo iꞌatuꞌe hamo -Uwe kahu epoꞌoro hat toineꞌen. Uwe kahu hum miꞌi nug hamo.

Mateu 26:3

Miꞌi turan paꞌi koꞌi gagnia wywo teꞌeruwaꞌatunug naꞌyn. Wẽtup ok paꞌi poꞌog iwato rakat Kaꞌiwasi e hap het rakat yat pe. Itote yne yne tõꞌẽ tõꞌẽ paꞌi kororia iraniaꞌin wywo.

Mateu 26:47

Mio tã e turan Iuta putꞌok e raꞌyn. Tõꞌẽ tõꞌẽ Iuta upi typyꞌi kahato ariaꞌyp akun koꞌi wywo kyseꞌyp koꞌi wywo Iesui kape ipok pok hamo. Miꞌiria Paꞌi kororia nagnia akag koꞌi miꞌatupoꞌororia Iesui sat hamo tõꞌẽ Iuta wywo.

Mateu 27:1

Miꞌi hawyi hunete teꞌeruwaꞌatunug paꞌi kororia nagnia koꞌi wywo aikotã waku Iesui taꞌatuꞌauka hap kat hamo torannia akagnia koꞌi wywo.

Mateu 7:29

Miꞌi ti aimuꞌe meimewat woꞌomuꞌe koro haria piat ainapin hap yt ewy hin i iꞌatuꞌe maꞌato tuweupi kahato aimuꞌe kuap kahato ihay hãpyk iꞌatuꞌe.

Maku 8:31

Pywo ti Uito Wuatꞌi Miitꞌin Ykeꞌet wen maꞌato miꞌi pykai nagnia yt uikyꞌesat hin haria i e. Taꞌi paꞌi kororia miwan enoi haria iꞌewyte uhehay pun haria neꞌi e. Pywo ti Uito Eheykeꞌet taꞌatuꞌauka irane e. Ahoꞌopot kahato uiꞌauka hap turan maꞌato uiꞌauka saꞌag hawyi uikuꞌuro sese hawyi myẽꞌym eꞌat yn uisyp hawe areineꞌen hawyi Tupana uihep guꞌuro po pyi Eheykeꞌet e Iesui towyriaꞌin me.

Iruka 20:19

Mio tã toꞌe hawyi paꞌi akag koꞌi iꞌewyte nagnia ehay enoi haria teꞌeroꞌe toꞌope -Yt naku i Iesui ehay ahete iꞌatuꞌe toꞌope. Miꞌi pote taꞌatupytyk teran Iesui iꞌauka hamo maꞌato miitꞌin pupi teꞌerokenꞌẽ katupono iraniaꞌin Iesui mimuꞌeria -Waku kahato aimuꞌe Iesui iꞌatuꞌe toꞌope miꞌi tupono yt taꞌatupytyk kuap i.

Iruka 23:10

Iꞌewyte tukupteꞌen itote paꞌi koro koꞌi iꞌewyte iꞌatunapin hap enoi haria. Pyno morekuat Eroti apo e apo e miꞌiria pe Iesui etiat hawyi taꞌatukuasa kahato Iesui tope.

Iuwãu 18:3

Miꞌi kape Iuta teropoꞌok taꞌyn suraraꞌin Iesui ieineꞌen hap kape iꞌewyte Tupana motypot yat apykok haria tuwat hupi. Toteropoꞌok paꞌi kororia ehay upi iꞌewyte iꞌatuꞌakag koꞌi ehay upi tuwat typyꞌi. Ariãty pirik hot puo tuwat iꞌewyte ariãty koꞌi puo tuwat ariaꞌyp akun koꞌi wywo tuꞌuka hamo tuwat tuwat.

Iuwãu 3:10

-Paĩ are en aiꞌywania Isareu ywania muꞌe hat koro kahato pykai apo yt etikuap i miowat uimienoi epiat e Iesui.

Iuwãu 7:32

Miꞌi hawyi Tupana mohey haria akag koꞌi iꞌewyte paꞌi kororia tikuap taꞌyn iraniaꞌin miat Iesui ti Tupana Mipoꞌoro e hap. Miꞌi pote taꞌatuꞌatupoꞌoro Tupana motypot esuraraꞌin ipyhik hamo.

Iuwãu 8:3

Miꞌi hawyi Muisei miwan enoi haria iꞌewyte Tupana mohey haria akag koꞌi tõꞌẽ tõꞌẽ hewowi. Taꞌatuerut wẽtup ok haryporia yt naku i sese rakat taꞌatupuẽti ihainia wywo yt teꞌaito wywo i. Miꞌi hawyi miitꞌin typyꞌi rakaria pyꞌasetpe taꞌatuereke Iesui kape.

Iesui Potmuꞌeria 23:9

Miꞌi pote iꞌatuehay pirik kahato itotiaria. Miꞌi hawyi iꞌatupoĩꞌam iraniaꞌin wanꞌi wanꞌiꞌe haria teꞌeroꞌe haty wo hamo. Mio tã iꞌatuꞌe -Yt kat e i ti meiũwat ihainia tiꞌaparap uruwanetup turan iꞌatuꞌe. Pyno atipy kaipywiat suut hat apo ihay tope imienoi wuat iꞌatuꞌe sio ipaꞌãu henoi tope yt watikuap i wen maꞌato hãpyk kahato ihay watipuẽti iꞌatuꞌe wanꞌi wanꞌiꞌe haria.

Iesui Potmuꞌeria 4:5

Miꞌi hawyi mukiꞌite ihatꞌok hawyi Peteru Iuwãu apiheg teran haria teꞌeruwaꞌatunug kahato paꞌi koro Ierusarẽi me. Miꞌi tote iꞌatuehay kahato paꞌiria wywo nagnia wywo Iuteu ywania waĩꞌe hap moherep kuap kahato haria wywo Peteru Iuwãu kuasa hap ete.

Iesui Potmuꞌeria 6:12

Miꞌi hawyi tuwat raꞌyn Etewãu etiat taꞌatueso hamo. Miꞌi hawyi nagnia tikuap taꞌyn hawyi yt iꞌatuwese hin i raꞌyn Etewãu ete. Miꞌi pote nagnia iꞌewyte miwan enoi haria tuwat raꞌyn suraraꞌin wywo. Miꞌi hawyi haty wo taꞌatupytyk Etewãu. Miꞌi hawyi yi upi taꞌatuekyi morekuaria yat kape ihay kuap hamo pywo apo sio yt hap kuap hamo.