Mateu 2:22 - Sateré-Mawé

²² Putꞌok taꞌatuꞌe itote hawyi Iuse tikuap taꞌyn morekuat Eroti saꞌyru Akeirau e hap het rakat topyhuꞌat toꞌywot saipepiatno heiam note aiũpe pyi saꞌawyꞌi iꞌywot tiꞌatuuka hirokaria hap tote. Miꞌi pote Iuse tokenꞌẽ itotiat toineꞌen hamo. Miꞌi hawyi imuꞌetu Tupana timowatetup Iuse pe -Yt ereineꞌen neiꞌo meiũpe yi Iuteu pe e Tupana Iuse muꞌetu. Miꞌi pote tuwat i raꞌyn mekewat yi Karireia kape iraꞌyn.

Mateu 2:22 ပူးပေါင်းရင်းမြစ်များ

Mateu 1:20

Maꞌato aikotã waku Maria poꞌoro wẽtup hy kapiat hap kape tuwanetup turan Tupana emiit atipy kaipywiat tuwemoherep taꞌyn Iuse muꞌetu miꞌi hawyi toꞌe Iuse pe. Miꞌi hawyi toꞌe Iuse muꞌetu -Morekuat Tawi emiariru miariru e -Yt erekenꞌẽ teiꞌo etat Maria eharyꞌi wuat hamo. Katupono ti Tupana Paꞌãu Wakuat e.

Mateu 2:1

Aipotypot Iesui ti tuwemoherep taꞌyn mesuwe mekewat tawa hit Perẽi yi Iuteu pe karãpe Eroti toineꞌen morekuatno itotiat turan. Miꞌi hap eꞌat pe waikiru etiat wemuꞌe haria tõꞌẽ tõꞌẽ taꞌatueꞌyi Urienti kaipywiaria tawa Ierusarẽi kape aikope pyi aat wẽtem hap kaipyi.

Mateu 2:19

Miꞌi hawyi yi Esitu pe Iusueꞌin tukupteꞌen motꞌi maꞌato meiũran morekuat Eroti ikuꞌuro raꞌyn hawyi Tupana tipoꞌoro iraꞌyn temiit atipy kaipyi Iuse kape imuꞌetu yi Esitu piat heineꞌen turan.

Mateu 2:21

Miꞌi hawyi Iuse ipoĩꞌam hawyi toꞌe -Pyno waku wataꞌaipok i raꞌyn ahetawa kape e hawyi tuwat iraꞌyn hirokat hawyi ity wywo taꞌatueꞌyi Isareu kape.

Mateu 3:13

Miꞌi hawyi wẽtup eꞌat pe Iesui toto raꞌyn Iutãu hy kape teꞌyi Karireia kaipyi Iuwãu piat tosetꞌok hamo.

Iruka 2:39

Miꞌi hawyi taꞌatunug yne raꞌyn aikotã toꞌe saꞌawyꞌi wuat woꞌonapin hap piat ewy hawyi Iusueꞌin teꞌeraꞌaipok i raꞌyn taꞌatueꞌyi Karireia piat taꞌatuetawa Nasare kape iraꞌyn.

Iuwãu 7:52

Miꞌi pote Nikutemu pe teꞌeroꞌe -Paĩ iꞌewyte yi saꞌag Karireia piat apo en Iesui ewy iꞌatuꞌe. Pyno erehaꞌat ro miwan me hawyi mono etikuap taꞌyn Tupana ehay Moherep hat yt Karireia kaipyi i tuut hamuat hat iꞌatuꞌe.