Mateu 2:13 - Sateré-Mawé

¹³ Miꞌi hawyi Tupana mipoꞌoro atipy kaipywiat tuwemoherep Iuse muꞌetu hawyi toꞌe -Epoĩꞌam no Iuse e. Etioto ro hirokat wẽtup yi kape pya meiũpe pyi mekewat yi Esitu kape ity wywo e. Eweipopy ro e katupono ti aru morekuat Eroti tikat raꞌyn hirokat iꞌauka hamo neꞌi e. Waku yi Esitu pe eweikupteꞌen. Meiũran hawyi ahenoi i karãpe waku meikowo eweiꞌaipok iraꞌyn e atipy kaipywiat Iuse muꞌetu.

Mateu 2:13 ပူးပေါင်းရင်းမြစ်များ

Mateu 1:20

Maꞌato aikotã waku Maria poꞌoro wẽtup hy kapiat hap kape tuwanetup turan Tupana emiit atipy kaipywiat tuwemoherep taꞌyn Iuse muꞌetu miꞌi hawyi toꞌe Iuse pe. Miꞌi hawyi toꞌe Iuse muꞌetu -Morekuat Tawi emiariru miariru e -Yt erekenꞌẽ teiꞌo etat Maria eharyꞌi wuat hamo. Katupono ti Tupana Paꞌãu Wakuat e.

Mateu 10:23

Uipotpoꞌororia karãpe wẽtup tawa piaria eimohan eiꞌatuuka hamo miꞌi hap eꞌat pe waku eweiwat wẽtup tawa kape iraꞌyn iraniaꞌin muꞌe hamo. Maꞌato karãpe eimohan ehewanikaptia eiꞌauka hamo pote waku eweiwat wẽtup tawa kape iraꞌyn. Katupono ti pywo pe areꞌe ehepe miꞌi tã taꞌatunug ehetiat pykai yt eipo hep kuap i Isareu etawa piaria muꞌe hap ete.

Mateu 2:12

Miꞌi hawyi iꞌatumuꞌetu Tupana tiꞌatumowatetup taꞌyn. Mio tã e -Yt eweiꞌaipok teiꞌo morekuat Eroti puo henoi topiat hamo. Miꞌi pote teꞌeraꞌaipok taꞌatueꞌyi kape wẽtup muap upi.

Mateu 2:14

Miꞌi hawyi Iuse ipoĩꞌam naꞌyn wãtym muo hawyi meremo Iuse tioto hirokat ity wywo teꞌeropopy Esitu kape.

Mateu 2:16

Maꞌato morekuat Eroti tikuap taꞌyn sehaꞌat haria yt topuo i teꞌereꞌaipok hawyi ipyꞌahak topyhuꞌat. Miꞌi hawyi morekuat Eroti tiꞌatupoꞌoro raꞌyn tesuraraꞌin tawa hit Perẽi kape yne itotiaria hirokaria ihainia hit koꞌi typy anu pyi iꞌywaĩꞌĩ rakaria atuꞌuka yne hamo. Iꞌewyte hirokaria ihainia hitꞌin yt pya hin i Perẽi kawiat ieineꞌen haria typy anu pyi yi kape rakaria toiꞌatuuka hamo. Katupono typy anu waikiru etiat wemuꞌe haria teꞌeraꞌakasa waikiru kapiat pote.

Mateu 2:22

Putꞌok taꞌatuꞌe itote hawyi Iuse tikuap taꞌyn morekuat Eroti saꞌyru Akeirau e hap het rakat topyhuꞌat toꞌywot saipepiatno heiam note aiũpe pyi saꞌawyꞌi iꞌywot tiꞌatuuka hirokaria hap tote. Miꞌi pote Iuse tokenꞌẽ itotiat toineꞌen hamo. Miꞌi hawyi imuꞌetu Tupana timowatetup Iuse pe -Yt ereineꞌen neiꞌo meiũpe yi Iuteu pe e Tupana Iuse muꞌetu. Miꞌi pote tuwat i raꞌyn mekewat yi Karireia kape iraꞌyn.

Iesui Potmuꞌeria 10:22

Miꞌi hawyi taꞌatuwesat -Taꞌi urukaꞌiwat Kuneriu urupoꞌoro ewowi uhyt iꞌatuꞌe. Urukaꞌiwat ti 100 ok surara akag wo ieineꞌen hat urupoꞌoro mehin iꞌatuꞌe. Iꞌewyte uruꞌakag ni Tupana mohey kahato hat toineꞌen iꞌatuꞌe. Toimotypot Etupana yn iꞌatuꞌe. Waku kahato urupoꞌoro hat. Hãpyk yn nug wuatꞌi eꞌat piat hat uhyt iꞌatuꞌe. Yne eꞌywania Iuteuria uruetawa totiaria ikuap urukaꞌiwat Kuneriu ewaku hap iꞌatuꞌe. Gaꞌatpo ti Tupana Paꞌãu Wakuat ihay kahato urukaꞌiwat pe -Etikay kay ro uhemiit Peteru eꞌyat kape enapin hamo e uruꞌakag Kuneriu pe iꞌatuꞌe. Miꞌi pote mesup ti urupoꞌoro ewowi toikyꞌesat ereto tewowiat hap mehin iꞌatuꞌe Peteru pe.

Iesui Potmuꞌeria 10:7

Mio tã toꞌe hawyi taꞌaipok i raꞌyn atipy kape. Miꞌi hawyi surara akag Kuneriu tikay kay tuwewawi typy ok temiitꞌin sese iꞌewyte temiit sese surara kawiat Tupana mohey kahato hat toikay kay.

Iesui Potmuꞌeria 12:11

Miꞌi hawyi tawa puꞌap tote tuweran hawyi Peteru ete hotꞌokꞌe i raꞌyn. Miꞌi hawyi toꞌe tuwepe -Taꞌi yt uimuꞌetu hin i rasig paĩ e. Koitywy wyti atikuap kahato raꞌyn morekuat Eroti po pywiat Uikaꞌiwat piat uhenotem hap paĩ e. Taꞌi mekewat atipy piat mipoꞌoro wyti iheg nakat woꞌopyhyp hap pyi uiporenotem naꞌyn e. Katupono toĩ raꞌyn muap Iuteu ywania piat uiꞌauka irane turan e Peteru tuwanetup hawe.

Iesui Potmuꞌeria 12:7

Miꞌi turan Tupana mipoꞌoro atipy kaipywiat putꞌok e okenꞌypyke. Miꞌi hawyi hẽtyhot raꞌyn itote. Miꞌi hawyi Peteru toipetek hawe toihymut -Epoĩꞌam merep to uhyt e. Miꞌi hawyi ipoĩꞌam naꞌyn hawyi mekewat ipo etiat haity porapꞌe raꞌyn.

Iesui Potmuꞌeria 16:36

Miꞌi hawyi woꞌopyhik hat henoi raꞌyn Pauruꞌin me -Morekuaria tipoꞌoro raꞌyn sehay uhytꞌiꞌin e. Pyno waku mesup eweiwat i raꞌyn uruetawa pyi e. Pyno waku raꞌyn eweiwat i ro uiwyriaꞌin e woꞌopyhik hat.

Iesui Potmuꞌeria 5:19

Maꞌato wãtym hake turan putꞌok e Tupana mipoꞌoro atipy kaipywiat iꞌatuꞌokenhypꞌok hamuat. Miꞌi upi tuwat iheg myi.

Iesui Potmuꞌeria 7:19

Taꞌi tuweukaꞌi kahato raꞌyn saꞌawyꞌi wuat aito wuaria ete -Yt naku i kahato typyꞌi eimepytꞌin meiũpe e aiꞌywania pe e. Miꞌi pote o eweipugha raꞌyn ehaꞌyruꞌin iꞌatuꞌywaĩꞌĩ turan iꞌatukuꞌuro hamo e morekuat pakup ahaꞌaseꞌi Muisei ywãꞌĩ hap eꞌat pe e.

Iesui Aru E Hap 12:14

Maꞌato Tupana tum naꞌyn haryporia pe hywi wato kahato rakat popesap ewywuat tutum hawyi toꞌe mana pe -Mana e waku erepopy yahig wato kape e. Waku eremig itote uiminug eiam me e. Itote moiꞌok yt epuẽti hin i e. Ereineꞌen no myẽꞌym iꞌaman motpe itote e. Miꞌi hawyi waku aat pe erẽtem epyhyp hap wyi e.

Iesui Aru E Hap 12:4

Miꞌi ti tosuwaipo wo toiꞌatupugha kahato waikiru koꞌi tosuwaipo wo. Myẽꞌym kaipyi toipatꞌok wẽtup waikiru hap ewy. Waikiru sem toipugha kahato yi kape. Miꞌi hawyi itote tohekatup haryporia imepyt ywãꞌĩ hap tutuꞌu teran imepyt haype.

Iesui Aru E Hap 12:6

Miꞌi hawyi mekewat haryporia topopy raꞌyn moiꞌok pupi aikope yt uwe i miitꞌin hap kape. Miꞌi hawyi Tupana minug yahig yt uwe i mikuap hap tote haryporia tuwemig. Miꞌi kape toipoꞌoro temiitꞌin ipoi hamo 1260 eꞌat turan 42 ewaty hap ewy.