Mateu 18:8 - Sateré-Mawé

⁸ Pyno toineꞌen typy epo iꞌewyte typy epy. Wẽtup epo wo sio wẽtup epy wo emaꞌat saꞌag nug hamo mote waku miꞌi wẽtup etitek hawyi etipun. Katupono poꞌog waku ereke aikope Tupana toineꞌen morekuatno wuatꞌi eꞌat piat ieineꞌen hap tote wẽtup epo wywo yn sio wẽtup epy wywo yn. Maꞌato typy epo wẽtup emaꞌat hatno hawyi typy epy wẽtup emaꞌat hatno wywo ereke aria wato wuatꞌi eꞌat piat hap kape hoꞌopot hawe e.

Mateu 18:8 ပူးပေါင်းရင်းမြစ်များ

Mateu 17:27

Maꞌato aito yt watiꞌaparap teran i mesuwaria eꞌe hap ete. Miꞌi pote waku ereto ro ihyemyiꞌa kape hawyi etipun epina yꞌy pe hawyi waku saꞌawyꞌi etekyi pira hawyi etat miꞌi turan aru etipuẽti iwẽ pe wẽtup saꞌup iꞌape rakat hawyi waku ereto miꞌi wywo hawyi ehaꞌup nug aiweupi.

Mateu 25:41

Maꞌato iraniaꞌin uipo ran kawiaria pe ti aru toꞌe -Eweiwat ro uiꞌyatypepyi Tupana miꞌuhu koꞌi eipe are e. Eiwehytꞌok to aikope aria yt hasep i rakat pe Tupana minug hoꞌopot hamuat hap kape ahiag toineꞌen hap kape. Iꞌewyte ahiag powyro haria haiwot rakaria tukupteꞌen hap kape are ti aru uipo ran kawiaria pe.

Mateu 25:46

Pyno miꞌiria wyti aru tuwehytꞌok taꞌyn hoꞌopot aat kaꞌap hap kape. Iraniaꞌin waku nug uhepiat haria uhemiitꞌin piat pomeꞌeg eharia tuwehytꞌok aru wuatꞌi eꞌat piat ieineꞌen hap sese kape e Iesui ahepe topotmuꞌeria pe Uriweiria ypia yityꞌok tote.

Iruka 14:33

Pyno mesuwat uhehay iãꞌãkap wuo ahenoi teran ehepe aikotã waku eweiwat uhupi hap uhemiitꞌin sese watnuat hap. Katupono yt eweitoiat kuap i yne mesuwarotiat hap koꞌi pote yt putꞌok eweiꞌe uhupi eweiwat hamo e Iesui areto teran ehupi e haria pe.

Iruka 16:24

Miꞌi hawyi tuwẽpowat -Aseꞌi e etipoꞌoro ro meikowo uhowowi Irasaru yꞌy wywo e. Waku topuiꞌiã etiat yꞌy wo uhẽku pen e. Ahoꞌopot kahato raꞌyn mesup uito aria pe e.

Humanu 13:12

Yt naku i nug haria tikyꞌesat kahato wãtym muo yt naku i nug hamuat hap. Taꞌatukyꞌesat kahato ti iꞌypyryp wiat saꞌag nug hap maꞌato aito yt miꞌiria ewywuat i aito katupono aitoria watopyhuꞌat ihatꞌok puo ieineꞌen haria ewy are. Waku nug haria tikyꞌesat kahato waku nug hap yne ehamo hamuat Tupana motypot hamuat. Waku nug haria tikyꞌesat kahato ihatꞌok wuo wuatꞌi ehamo waku nug hamuat. Mesup taꞌyn wãtym porap tokosap taꞌyn uiwyriaꞌin are. Mesup taꞌyn ihatꞌok porap putꞌok e. Uimimuꞌeria Aikaꞌiwat uut hap yt pya i aat wẽtem hap ewy ihatꞌok hap.

Iesui Aru E Hap 14:10

Katupono -Uito Tupana heso rakat wywuat wat haria Tupana sese miꞌapiheg wo teꞌeropyhuꞌat. Yt naku i topyhuꞌat iꞌatuꞌapiheg hap aikotã sapo hy watuꞌu mani hy pyre puo hap ewy -Ewetuꞌu yne ro e aru Tupana topyꞌahak hap wywo. Miꞌi hawyi worohoꞌoꞌapiheg aria wo e. Miꞌi hawyi worohoꞌomosoꞌopot wuatꞌi eꞌat pe e Tupana -Uito Tupana sese e heso rakat motypot haria pe. Aria sapuẽ puo iꞌatueiam sese topyhuꞌat iꞌatuepiat hoꞌopot hap. Miꞌi puo hoꞌopot hap sese topyhuꞌat e wuatꞌi atipy piaria ehamo Tupana Hũ hit Kuteiru ehamo. Eweꞌeg wo katupono miꞌi tã neꞌi ti aru ewehoꞌopot ewetunug mekewat set ehowatuꞌa ete pote. Ewetunug mekewat heso rakat ehetupana wo pote.

Iesui Aru E Hap 20:15

Miꞌi hawyi Tupana tat guꞌuro hap miitꞌin auka hap iꞌahuu hap iꞌewyte hoꞌopot hap iꞌewyte satek hap hawyi toiꞌatupugha yne miꞌi saꞌag koꞌi aria pe. Miꞌi hawyi toꞌe tomipun koꞌi pe -Koitywy eikuꞌuro typuat i hap putꞌok e raꞌyn e. Ewehoꞌopot ro wuatꞌi eꞌat pe e. Miꞌi hap koꞌi kape araꞌakasa uimuꞌetu.

Iesui Aru E Hap 21:8

Maꞌato iraniaꞌin teꞌerokenꞌẽ uimohey hap moherep hamo e. Miꞌi pote miꞌiria aru tukupteꞌen wuatꞌi eꞌat pe mekewat aria emyiꞌa wato pe ytyghe wuk hap ewywuat pe e. Iꞌewyte woꞌopotꞌauka haria paini koꞌi iꞌewyte hewaire hewaire rakaria iꞌewyte wuat minug Tupana motypot haria iꞌewyte woꞌomaꞌatꞌi maꞌatꞌi haria iꞌewyte yt uimohey i haria iꞌewyte yt naku i nug haria miꞌiria typuat i map hanuaria hoꞌopot wuatꞌi eꞌat pe aria ẽty emyiꞌa ewywuat pe e uhepe Aipotypot Iesui atipy kaipywiat morekuat eiam note pyi.