Mateu 18:4 - Sateré-Mawé

⁴ Pyno uwe teke teran Tupana toineꞌen morekuatno hap tote rakat wyti tuwemohit kahato hat yt tuwemowato hin i rakatno toineꞌen. Uito poꞌog yt e hin i hat. Waku hirokat ewywuat yt tuwepe wanetup hat ewy.

Mateu 18:4 ပူးပေါင်းရင်းမြစ်များ

Mateu 18:1

Meke turan ipotmuꞌeria tõꞌẽ Iesui kape hawyi apo iꞌatuꞌe -Uwe aru poꞌog iwato rakatno toineꞌen aikope Tupana toineꞌen morekuatno hap tote.

Mateu 18:3

Hawyi toꞌe -Pywo pe ti areꞌe ehepe. Pyno waku eiwemorem eiminug saꞌag kaipyi hawyi eweikupteꞌen aikotã hirokaria tukupteꞌen yt teꞌeruwanetup hin i yt naku i aru hap koꞌi kape. Maꞌato yt miꞌi tã eweikupteꞌen pote yt karãpe eiwehytꞌok kuap i Tupana ieineꞌen morekuatno hap tote.

Mateu 18:5

Pyno uwe meiũ hirokat piat ereke ro e hat wyti uhepiat ereke ro e hat.

Maku 10:43

Maꞌato mesuwarotiaria eporekuaria ewy yt atikyꞌesat hin i eweikupteꞌen e. Maꞌato uwe wemowato teran hat wuatꞌi powyro hatno wuatꞌi eropat haria wo waku eweikupteꞌen e.

Maku 9:34

Maꞌato yt taꞌatuwesat teran i katupono toꞌoehay moweukaꞌi neꞌi -Uito ti wakuatno poꞌog eikai iꞌatuꞌe toꞌope wen.

Iruka 14:11

Katupono uwe iwemowato rakaria iwemohit haria wo tukupteꞌen. Maꞌato uwe wemohit haria miitꞌin mimotypot haria wo teꞌeropyhuꞌat e.

Iruka 9:48

Miꞌi hawyi Iesui toꞌe -Uwe ikyꞌe kahato meiũwat hirokat miꞌi hat wyti uikyꞌe hat toineꞌen. Iꞌewyte uwe uikyꞌe miꞌi hat wyti uimipoꞌoro hat kyꞌe hat toineꞌen. Kat pote uwe toineꞌen poꞌog ipyꞌa perupꞌi kahato rakat eipyꞌasetpiat miꞌi yn wyti toineꞌen kuap poꞌog iwato rakatno.

Tiaku 4:10

-Ehamo Tupana aremoti kahato uipyꞌa pe paa e hap wywo watoꞌe. Pywo pe pote Tupana mimotypot sese koꞌi watopyhuꞌat wuatꞌi eꞌat pe wuatꞌi ehamo.

1 Peteru 5:5

Pyno uito Peteru atiꞌatunapin neran mesuwe kurumꞌin. Makuptiaria worohoꞌonapin neran eipe. Uiwyriaꞌin eweimotypot ro nagnia are. Ewetunug no eiꞌapykok haria mikyꞌesat koꞌi. Karãpe eiꞌapykok haria eipoꞌoro hawyi meremo ewetunug iꞌatumikyꞌesat koꞌi. Eweikupteꞌen no miitꞌin mimuꞌe koꞌi wo -Uimuꞌe ro eweiꞌe ro nagnia pe. Eweimotypot ro iraniaꞌin eiwoꞌomotypot eiwoꞌope are ehepe. Eweiꞌatoiat ro mekewat -Uito poꞌog iraniaꞌin kai e hap. Miꞌi hawyi aikotã watopag sokpe pakup hap ewy eweipag wẽtup wanetup hap ikahu rakat eipyꞌa pe mekewat -Atikuap teran uhyt mana e hap mekewat -Uimuꞌe ro e hap mekewat paa eiꞌe hap wywo eiwepainug o aikotã sokpe pakup hap ewy. Katupono -Uito poꞌog iraniaꞌin kai e hat Tupana mimohit no aru topyhuꞌat. Tupana yt tikyꞌesat i -Uito poꞌog iraniaꞌin kai e haria wo watukupteꞌen. Maꞌato paa e haria kape yn tehaꞌat. Miꞌiria pe tutum kahato hegyiꞌat hap kaipyi tekat yne tomimotypot koꞌi pe are.