Mateu 18:3 - Sateré-Mawé

³ Hawyi toꞌe -Pywo pe ti areꞌe ehepe. Pyno waku eiwemorem eiminug saꞌag kaipyi hawyi eweikupteꞌen aikotã hirokaria tukupteꞌen yt teꞌeruwanetup hin i yt naku i aru hap koꞌi kape. Maꞌato yt miꞌi tã eweikupteꞌen pote yt karãpe eiwehytꞌok kuap i Tupana ieineꞌen morekuatno hap tote.

Mateu 18:3 ပူးပေါင်းရင်းမြစ်များ

Mateu 13:15

Pyno miꞌi hap ewy ti miitꞌin wanetup hap yt tuweꞌapypykuap i teꞌerewaure kaꞌa hik neꞌi. Iꞌewyte teꞌerehahik neꞌi. Taꞌatupyꞌa piat iheg kahato raꞌyn topyhuꞌat. Maꞌato uiꞌe hap teke iꞌatupyꞌa pe iꞌewyte tehaꞌat sese uhewowi hawyi teꞌeruwemorem kuap i Tupana ewowi. Mio tã hap ewy pote atiꞌatumog kuap iꞌatuminug saꞌag hap koꞌi upi e Tupana moherep hat tomiwan me.

Mateu 18:2

Mio tã iꞌatuꞌe hawyi Iesui tikay kay wẽtup hirokat hawyi toiporokpun iꞌatupyꞌasetpe

Mateu 18:4

Pyno uwe teke teran Tupana toineꞌen morekuatno hap tote rakat wyti tuwemohit kahato hat yt tuwemowato hin i rakatno toineꞌen. Uito poꞌog yt e hin i hat. Waku hirokat ewywuat yt tuwepe wanetup hat ewy.

Mateu 19:14

Miꞌi hawyi Iesui toꞌe -Yt eweiꞌatupyhyp teiꞌo hirokaria uhewowi paĩ e topotmuꞌeria pe. Katupono karãpe Tupana topyhuꞌat morekuatno mesuwe miꞌi hap eꞌat pe hirokaria ewywuaria yn teꞌeropyhuꞌat itote iꞌatuieineꞌen hap sese wo e Iesui temiitꞌin me.

Mateu 19:23

Miꞌi hawyi Iesui toꞌe topotmuꞌeria pe -Are paĩ niatpo sese ti wekareꞌen kyꞌe haria tuwehytꞌok atipy pe aikope Tupana toineꞌen morekuatno hawe e.

Mateu 5:18

Pywo pe ti areꞌe mesuwat yi aat waty waikiru koꞌi ikahuro pykai ti aru Tupana ehay moherep haria nimuaria miwan koꞌi tukupteꞌen ne. Yt tuweityk hin i raꞌyn e. Pywo pe ti itig hap iwan hit koꞌi Tupana ehay miwan etiat Muisei miwan Tupana ehay moherep haria miwan topyhuꞌat aru wuatꞌi eꞌat pe. Yt karãpe i aru Tupana ehay miwan miat ikahuro e. Pyno ti yt uwe i ipyhyp kuap Tupana e hap koꞌi -Atunug aru e hap koꞌi taꞌi Tupana tunug kuap yne yne toꞌe hap ewywuat e.

Mateu 5:20

Pyno mesup areꞌe ehepe -Pyno poꞌog waku eiwepytyk heg kahato Tupana mikyꞌesat nug hap ete. Mekewat woꞌonapin haria Wariseuria koꞌi mienoi koꞌi kai pote yn ti aru eiwehytꞌok kuap aikope Tupana toineꞌen morekuatno hap tote.

Mateu 6:16

Pyno karãpe eiwemosyꞌat ehehay Tupana wywuat hamuat turan yt naku i ehemoꞌarotꞌi miitꞌin piat ikuap hamo iraniaꞌin uito poꞌog e haria ewy katupono miꞌiria ti inug teꞌeremosyꞌat turan iꞌatuꞌarotꞌi torannia miitꞌin mono ikuap uruwemosyꞌat hap taꞌatuꞌe haype. Maꞌato pywo pe areꞌe ehepe miꞌi haria ti aru ipuẽti miitꞌin piat taꞌatumotypot hap yn.

Mateu 6:2

Miꞌi pote karãpe hatek takat putꞌok e ehete turan waku eweipowyro kahato maꞌato yt miitꞌin piat eimotypot yt hamo i. Yt naku i eiwanetup hawe -Atipowyro miꞌi miit wuatꞌi ehamo pote mio uimotypot kahato miitꞌin mesuwe yt naku i eweiꞌe. Yt naku i ehehay eiwanetup hawe eimowato wuatꞌi ehamo eiminug wakuap koꞌi wo e. Kat pote miꞌiria ti Tupana motypot yat pe tuwehytꞌok kahato Tupana motypot haria ewy teꞌeruwaꞌatunug wen maꞌato yt pywo pe i. Taꞌi miꞌiria wyti getap upi oken upi Tupana motypot hap taꞌatunug wen miitꞌin ehamo maꞌato yt pywo pe e. Miꞌi hap ewy ewetunug mote wyti aru yt kat i ti aru Tupana kaipywiat eimotypot hap atipy pe e.

Mateu 6:5

-Uiwyriaꞌin karãpe ehehay Tupana kapiat turan -Uito poꞌog uhehay se eiꞌe hap wywo iraniaꞌin ewy yt naku i katupono irania ti iꞌam myi ihay Tupana kape Tupana motypot yat pe. Iꞌewyte iꞌatuehay muap koꞌi upi oken koꞌi upi iꞌatuehay se. Iraniaꞌin mono teꞌerehaꞌat hawyi urumotypot taꞌatuehaype. Maꞌato miitꞌin mikuap wo iꞌatuehaype Tupana kape wen maꞌato yt pywo pe i. Maꞌato miitꞌin piat eimotypot hap neꞌi eweikyꞌesat pote topyhuꞌat miꞌi yn ehaꞌup wo. Yt kat i Tupana kaipywiat wehum ehetiat hap.

Maku 4:12

Miꞌi tupono uhehamo maꞌato yt taꞌatukuap i kat areꞌe sese hap miꞌiria e. Teꞌeraꞌakasa yne maꞌato yt heremo i rakat e. Miꞌi pote yt karãpe i teꞌeraꞌaipok Tupana kape taꞌatumohãpyk Tupana piat hamo e.

Iruka 13:24

Pyno waku ehãꞌãg kahato mekewat okenꞌypy hãpyk takat yt iwato i rakat puo eweihytꞌok. Tukupteꞌen wyti aru iꞌatu rakaria wehytꞌok neran haria maꞌato yt teꞌeruwehytꞌok kuap i katupono miꞌiria meiũran aru areke e haria motꞌi hawyi yt teꞌeruwehytꞌok kuap i okenꞌypy kaꞌiwat toꞌokenhypꞌok taꞌyn pote.

Iruka 22:32

Pyno ahẽtup kahato Uiꞌywot pe emoesaika hamo. Miꞌi hawyi karapeĩ eraꞌaipok uhowowi i raꞌyn aru miꞌi hawyi etiꞌatumoesaika o ewyriaꞌin uimohey haria iꞌatuiãꞌãg hap turan e Iesui Peteru pe.

Iuwãu 1:51

Poꞌog iwato kape erehaꞌat e. Meiũran eraꞌakasa aru atipy teꞌokenhypꞌok pe. Miꞌi kape ti aru tuwat tuwat yi kaipyi Tupana potpoꞌororia atipy piaria iꞌewyte teꞌeraꞌaipok aipok aipytyp kape e. Uito ti mekewat muap atipy kape e. Uito miꞌi uiꞌe hap eraꞌakasa hawyi poꞌog uimohey hap topyhuꞌat mekewat -Araꞌakasa en eweran turan Wiku yp og me uiꞌe hap kawiat e Iesui.

Iuwãu 3:3

Maꞌato Iesui tiwesat -Pywo pe ti areꞌe epe uwe uwe iꞌywaĩꞌĩ pakupꞌi miꞌi haria yn ni teꞌeropyhuꞌat Tupana emiitno e. Pywo ti wemoherep pakup i haria yn tukupteꞌen aru atipy pe aikope Tupana toineꞌen Morekuatno hap tote are e.

Iuwãu 3:5

-Mesuwat uiꞌe hap ti pywo pe areꞌe. Wemoherep pakup i haria yn ni teꞌeropyhuꞌat kuap Tupana emiitno e. Pywo yꞌy wywo iꞌewyte Tupana Paꞌãu kaipyi ewemoherep hawyi yn Tupana mepytno ereineꞌen e. Miꞌi hap ewy yn ni teꞌeropyhuꞌat miitꞌin Tupana mepytꞌinno e Iesui.

Iesui Potmuꞌeria 14:22

Miꞌi hawyi Pauruꞌin tiꞌatunapin kahato itotiaria ipakup tiaria iꞌatumoesaika hamo iꞌatuepiat imohey kahato hamo. Mio tã iꞌatuꞌe -Eiweꞌeg wo o katupono meiũran ti ewehoꞌopot kahato mesuwe Tupana etama kapiat muap upi iꞌatuꞌe imohey pakup i haria pe.

Iesui Potmuꞌeria 28:27

-Eipyꞌa heg kahato ti ereꞌe ro iꞌatuepe. Ehewaure kaꞌa puo ewehẽtup aat kaꞌap wen maꞌato yt eweikuap hin i te katupono eipyꞌa pe yt eweiꞌakasa teran i pote e. Taꞌi yt ewehẽtup teran hin i ehewaure kaꞌa puo uhehay. Miꞌi pote yt ewetunug neran i eipyꞌa pe e. Miꞌi pote ti yt kat i eimopakup i hap e. Miꞌi pote ti yt worohoꞌoehakyeraꞌat kuap i e ti Tupana saꞌawyꞌi aiꞌywotꞌin me ehetiat pe tehay moherep hat Isaia miwan me e Pauru Iesui pun haria pe.

Iesui Potmuꞌeria 3:19

Aikotã Tupana henoi yian mete hap ewy ti topyhuꞌat mesup. Miꞌi pote waku mio tã eweiꞌe ro Tupana pe -Koitywy paa urutoꞌe ewowi Tupana katupono yt naku i kahato urutunug Esaꞌyru ete eweiꞌe pote meremo waure wo topyhuꞌat eiminug saꞌag ete e. Miꞌi hawyi waku pe i raꞌyn iwywo eweikupteꞌen mehinꞌin manaꞌin e. Miꞌi hawyi ti aru Tupana mimowepiit koꞌi wo i raꞌyn wuatꞌi eꞌat pe eweikupteꞌen katupono tutum ehepe Topaꞌãu Wakuat eimoesaika hamuat hap hawyi e. Taꞌi eiwemorem Tupana kape i raꞌyn pote waku pe iwywo eweikupteꞌen e Peteru.

1 Kuriniu 14:20

Pyno waku watoineꞌen hirokaria ewy aikotã hirokaria yt taꞌatukuap hin i saꞌag nug hap. Miꞌi hap ewy waku watopyhuꞌat uheinytꞌin uheꞌywytꞌin. Maꞌato yt naku i watuwanetup hirokat ewy katupono yt teꞌeruwanetup kuap kahato i te wakuat sehay enoi hap kape hap ewy neꞌi.

1 Peteru 2:2

Kat pote Tupana sakiꞌytꞌin Tupana saꞌyruꞌin sok aito miꞌi pote waku watikyꞌesat kahato Tupana ehay aikotã aimepyt hit tikyꞌesat kahato mihy hap ewy. Pyno watuꞌu kahato Tupana ehay hawyi ahehãite aikap aipiit hesaika aimotag hap topyhuꞌat aikotã aimepyt pakup mihy ete itag hap ewy.

2 Peteru 1:11

Miꞌi hawyi ti aru mekewat eꞌat putꞌok e turan -Ereke ro e Tupana. Aikotã aiwy sese pe watoꞌe -Ereke ro watoꞌe hap ewy ti aru topyhuꞌat. Miꞌi hawyi ti aru itote watukupteꞌen naꞌyn wuatꞌi eꞌat pe raꞌyn aikope Iesui toineꞌen Aiporekuat no ahehakyeraꞌat hap tote. Miꞌi hawyi ti aru Aikaꞌiwat yat pe raꞌyn watukupteꞌen.