Mateu 18:10 - Sateré-Mawé

¹⁰ Miꞌi tupono eiweꞌeg wo eweikupteꞌen. Yt naku i ereineꞌen wẽtup ok hirokaria maꞌat hatno. Pywo pe ti areꞌe ehepe wuatꞌi eꞌat tukupteꞌen atipy piaria iꞌatuꞌapykok haria tukupteꞌen uiꞌywot pyꞌasetpe atipy pe.

Mateu 18:10 ပူးပေါင်းရင်းမြစ်များ

Mateu 1:20

Maꞌato aikotã waku Maria poꞌoro wẽtup hy kapiat hap kape tuwanetup turan Tupana emiit atipy kaipywiat tuwemoherep taꞌyn Iuse muꞌetu miꞌi hawyi toꞌe Iuse pe. Miꞌi hawyi toꞌe Iuse muꞌetu -Morekuat Tawi emiariru miariru e -Yt erekenꞌẽ teiꞌo etat Maria eharyꞌi wuat hamo. Katupono ti Tupana Paꞌãu Wakuat e.

Mateu 12:20

Ihakyꞌeꞌi rakaria wyti tukupteꞌen aikotã ariaꞌyp iaga yt hesaika i rakaria ewywuaria maꞌato miꞌi yt toipik hin i. Iꞌewyte yt hesaika i rakaria ariãty yt hẽtyhot esaika i rakat ewy yt tohasep hin i. Maꞌato miꞌiria wyti tutunug waku pe iꞌatuieineꞌen hap.

Mateu 18:14

Miꞌi hap ewy kahato ti uiꞌywot atipy piat yt toikyꞌesat i wẽtup ok hirokat howosat rakat topyhuꞌat.

Mateu 18:6

Pywo pe ti tukupteꞌen meimuẽwaria hirokaria uimohey haria iꞌatumaꞌat uimohey hap iꞌatuepiat hap atoiat hamo pote poꞌog waku miꞌiria nu wato hutꞌypy ete hawyi waku mipugha raꞌyn ihy pya piat pe.

Mateu 2:13

Miꞌi hawyi Tupana mipoꞌoro atipy kaipywiat tuwemoherep Iuse muꞌetu hawyi toꞌe -Epoĩꞌam no Iuse e. Etioto ro hirokat wẽtup yi kape pya meiũpe pyi mekewat yi Esitu kape ity wywo e. Eweipopy ro e katupono ti aru morekuat Eroti tikat raꞌyn hirokat iꞌauka hamo neꞌi e. Waku yi Esitu pe eweikupteꞌen. Meiũran hawyi ahenoi i karãpe waku meikowo eweiꞌaipok iraꞌyn e atipy kaipywiat Iuse muꞌetu.

Mateu 2:19

Miꞌi hawyi yi Esitu pe Iusueꞌin tukupteꞌen motꞌi maꞌato meiũran morekuat Eroti ikuꞌuro raꞌyn hawyi Tupana tipoꞌoro iraꞌyn temiit atipy kaipyi Iuse kape imuꞌetu yi Esitu piat heineꞌen turan.

Mateu 24:31

Miꞌi hawyi ti aru temiitꞌin atipy piaria toiꞌatupoꞌoro hu hu iꞌatuꞌe hamo e. Miꞌi hawyi ti aru taꞌatuꞌatunug hewowi imiꞌairoria e. Taꞌatuꞌatunug ni aru aikope pyi aikope pyi wasere tuut hap kaipyi aat wẽtem hap kaipyi aat minꞌe hap kaipyi yne yne kaipyi taꞌatuꞌatunug imiꞌairoria hewowi yi sasat hap kaipyi aikope aikope miitꞌin tukupteꞌen hap kaipyi.

Iruka 1:19

Mio tã e pote Tupana emiit tiwesat -Uito ti Kapireu Tupana potpoꞌoro. Miꞌi pote ariot ewowi sehay wakuat enoi hamo.

Iruka 10:16

Miꞌi hawyi toꞌe i raꞌyn topotpoꞌororia pe -Uwe eimienoi kapiat wanetup hat wyti aru iꞌewyte uimienoi kapiat wanetup hanuat. Yt eikyꞌesat i hat ti aru iꞌewyte yt Uito i wyti uikyꞌesat hat raꞌyn e. Yt uikyꞌesat hat i pote iꞌewyte yt Uipoꞌoro Hat Tupana kyꞌesat hat i e 70 ok takaria pe iꞌatupoꞌoro haype.

Iruka 16:22

Meiũran Irasaru ikuꞌuro raꞌyn hawyi atipy piaria tioto raꞌyn ieineꞌen hap kape haꞌaseꞌi Aparãu eꞌyatypiat heineꞌen hamo e. Miꞌi hawyi hekat rakat ikuꞌuro hawyi taꞌatusyp taꞌyn e.

Iesui Potmuꞌeria 10:3

Wẽtup eꞌat pe surara Kuneriu topotpap kahu raꞌyn hawyi wãtymꞌi kape taꞌakasa raꞌyn tomuꞌetu Tupana mipoꞌoro atipy kaipywiat hap kape. Miꞌi hawyi atipy kaipywiat suut hat toꞌe -Surara Kuneriu ereineꞌen apo e.

Iesui Potmuꞌeria 12:15

Miꞌi hawyi tohenoi -Peteru raꞌyn iuẽ tuut okenꞌypyke raꞌyn e. Maꞌato -Heso i aimoweukaꞌi rat iꞌatuꞌe. Miꞌi hawyi mana Hote -Pywo rat yt uheso i rat e. -Yt Peteru i iꞌatuꞌe maꞌato iwat ipowyro hat atipy kaipywiat iꞌatuꞌe.

Iesui Potmuꞌeria 12:23

Waĩ yt e hin i. Poꞌog tomohey hap yn toikyꞌesat Tupana kai. Miꞌi hawyi meremo atipy kaipywiat Tupana mipoꞌoro tiꞌahyk. Miꞌi hawyi ipyhu tekꞌe raꞌyn ut piat toꞌu pote.

Iesui Potmuꞌeria 27:23

Kat pote muki meke atipy piat Tupana emiit putꞌok e tehay uhepiat hamo e. Pywo ti Tupana sese tipoꞌoro uhowowi temiit sese atipy kaipyi katupono uito hemiit sese e.

Iesui Potmuꞌeria 5:19

Maꞌato wãtym hake turan putꞌok e Tupana mipoꞌoro atipy kaipywiat iꞌatuꞌokenhypꞌok hamuat. Miꞌi upi tuwat iheg myi.

Humanu 14:10

Miꞌi pote yt naku i watoꞌe aiwoꞌope -Uiwanetup hawe mekewat miit yt kat hamuat i yt naku i watoꞌe mesuwe kat pote Tupana yn waku aipatꞌok uwe waku uwe yt hap e hamuat are. Mekewat eꞌat pe wyti aru toihoꞌomoherep uwe tomohey sese haria. Yt naku i watoꞌe wẽtup ok Iesui mohey hat pe -Yt worokyꞌesat i kahato en mana mehin watoꞌe. Yt naku i watimohit aiwanetup hawe iraniaꞌin Iesui mohey haria katupono Tupana yn aikuap sio waku sio yt hap. Miꞌi yn toꞌe kuap. Meiũran wyti aru yne aito watoineꞌen iꞌam me Tupana ehay ahepiat kuap hamuat sio waku rakat no watoineꞌen aipyꞌa pe aiwanetup hawe sio yt naku i hap kuap hamo.

Humanu 14:21

Pyno kat som kat som waku iꞌatuwywuat aheineꞌen turan waku watunug. Waku watikuap iraniaꞌin eko koꞌi hawyi waku iweꞌeg nakaria wo watoineꞌen. Iꞌatumiꞌu hap ewy waku watuꞌu iꞌatuehamo. Waku watuꞌu iꞌatumiꞌu ipuꞌi u hap ewy iꞌatuwywo watoineꞌen nuran. Yt naku i watiꞌatuꞌaparap neꞌi iraniaꞌin Iesui mohey haria yt iꞌatueko ewywuat i watunug hap kaipyi. -Waĩ iꞌatuꞌe mahy u hap ete pote waku yt watuꞌu i. Miꞌi pote waku -Yt naku i watuꞌu mekewat miꞌu puꞌi iꞌatuꞌe pote -Pyno waku watoꞌe. Yt naku i watiꞌatuꞌaparap neꞌi iraniaꞌin aiminug koꞌi wo.

Humanu 15:1

Maꞌato yt watomohey kahato i seko koꞌi pote waku watipowyro iraniaꞌin yt aiwanetup hap ewywuaria i Iesui mohey pakup i haria. Waku watiꞌatupowyro miꞌiria Iesui mohey hap etiat iꞌatumoehãite hamo. Yt naku i watuwepotpap aiwemowepiit hap kape yn. Waku watuwepotpap kahato iraniaꞌin Iesui mohey haria powyro hamuat hap ete. Waku Iesui mohey pakup i haria watiꞌatukyꞌe kahato aiwese kahato hap wywo taꞌatuꞌaparap kahato te pykai.

1 Kuriniu 11:22

Yt naku i miꞌi tã. Ehesyꞌat pote waku yian mete ewetuꞌu miꞌu eiꞌyat pe katupono iraniaꞌin yt hekat i rakaria yt terut kuap i miꞌu koꞌi. Miꞌi hawyi yt hekat i rakaria pe yt kat i ewetum kuap. Miꞌi hawyi teꞌeruwemoti kahato yt eiweꞌeg hin i hap ete. Yt arehum hin i miꞌi eminug ete paĩ.

1 Kuriniu 16:11

Yt eweimohit teiꞌo eimuꞌe hat Timoteu are. Eweimotypot o miꞌi are. Miꞌi hawyi karãpe toto teran i raꞌyn uhowowi miꞌi hap eꞌat pe o ewetum muap saꞌup tope hap atikyꞌesat. Iꞌewyte karãpe toto teran wẽtup tawa kape tuereto iꞌatumuꞌe hamo turan o ewetum muap saꞌup tope hap atikyꞌesat. Ahekatup Timoteu mesuwe iraniaꞌin wywo.

1 Kuriniu 9:22

Karapeĩ areineꞌen Iesui mohey haria yt hesaika rakaria i te tokpe miꞌi hawyi paa e hat areineꞌen eiꞌewy uito areꞌe iꞌatumoesaika imohey hap ete hamo. Miꞌi kai ahoꞌosat Iesui mohey hanuaria.

2 Kuriniu 10:1

Uito ti eimuꞌe hat sese saꞌawyꞌi wuat. Haꞌawyte Tupana uipoꞌoro ehewowi. Miꞌi turan worohoꞌonapin perupꞌi puo aikotã Aikaꞌiwat Iesui ainapin hap ewy aikyꞌe hap wywo. Saꞌawyꞌi ihakyꞌeꞌi hakyꞌeꞌi rakatno uito areineꞌen eipyꞌasetpe turan poꞌog yi kape. Maꞌato koitywy areineꞌen pya eikai. Miꞌi pote worohoꞌonapin uimiwan me haty wo uiwemotypot wywo.

2 Kuriniu 10:10

Iraniaꞌin eipyꞌasetpe yt uikyꞌe i haria -Pywo ti rat Pauru aiꞌapiheg kahato tomiwan me iꞌatuꞌe. Eweikuap kat pote iꞌatuꞌe. Tokenꞌẽ kahato aipyꞌasetpe toꞌe ahepiat hamo iꞌatuꞌe. Yt ipoityꞌi hin i iꞌewyte yt ihay se hin i aimuꞌe turan iꞌatuꞌe.

Karasia 6:1

Uiwyriaꞌin Karãpe wẽtup ok yt naku i iꞌaparap hap inug miꞌi pote waku wẽtup ok toto Tupana Paꞌãu sehay wywo iꞌaparap hat napin perupꞌi wuat hamo. Miꞌi hat wyti waku kahato inug maꞌato waku miꞌi rakirẽ tuweꞌeg wo raꞌyn toineꞌen tepiat iꞌaparap hap pupi iraniaꞌin napin rakirẽ.

1 Tesaronika 4:8

Ipaꞌãu weꞌeg kahato rakat aimuꞌe hamuat. Miꞌi tupono uwe uwe topotmaꞌatꞌi maꞌatꞌi haryporiaꞌin ihainiaꞌin wywo yt tuweꞌeg i haype. Miꞌi hat topyhuꞌat Tupana ehay pun hatno. Iꞌewyte miitꞌin maꞌat hat miꞌi.

1 Timoteu 4:12

En ni kurum iwasu te. -Uruewatꞌyp neꞌi wyti en iꞌatuꞌe epe itote maꞌato o ereineꞌen iꞌatupyꞌasetpe waku kahato rakatno iꞌatuehamo ihay hãpyk kahato rakatno hãpyk kahato woꞌokyꞌe hatno ereineꞌen. Iesui mohey sese hatno ereineꞌen. Yt wẽtup i o saꞌag etunug iꞌatuwoꞌokyryꞌi hamo. Miꞌi tã ereineꞌen mote yt uwe i itotiaria emohit kuap nagnia emimuꞌeria iꞌatuewatꞌyp neꞌi en mytkai.

Epereu 1:14

Pyno ahenoi ehepe mio tã e Tupana atipy piaria pe. Taꞌi mio tã e teropat haria pe -Eipe uheropat haria e. Maꞌãu kawiat eipe e. Eipe ti uimiehakyeraꞌat haria yi totiaria powyro hanuaria e. Miꞌi nug hamo worohoꞌopoꞌoro e. Uhaꞌyruꞌin uhakiꞌytꞌin uimohey haria powyro hanuaria wo worohoꞌonug eipe e. Iꞌewyte yt uimohey i te haria powyro imohey hap etiat haria wo worohoꞌonug eipe e Tupana saꞌawyꞌi te miwan me atipy piaria pe. Pyno koitywy watikuap taꞌyn poꞌog Haꞌyru atipy piaria teropat haria kawiat hap.

Epereu 9:24

Miꞌi suu aat hawyi toineꞌen muap uimotypot yat atipy piat teke hamo. Miꞌi hawyi uiwywo topyhuꞌat eipaꞌi wato wo. Mesuwarotiat miitꞌin minug taꞌatupo wuat uimotypot yat pe i teke kuap maꞌato mesuwe atipy pe teke tosuu topo etiat wywo e Tupana ahepe.

Iesui Aru E Hap 8:2

Miꞌi hawyi araꞌakasa raꞌyn 7 ok takaria atipy piat gupteꞌen haria Tupana pyꞌasetpe imikyꞌesat nug hanuaria. Yne miꞌiria kape tutum hu huꞌe hap akuara wato.