Mateu 17:5 - Sateré-Mawé

⁵ Mio tã e Peteru ihay turan ywyhig putꞌok e imohit kahato rakat putꞌok e hawyi yt heremo i tukupteꞌen itote. Miꞌi kaipyi tuut sehay mio tã e hap -Meiẽ ti Uhaꞌyru uimikyꞌe kahato uimowepiit sese hat. Pyno waku eweiwanetup kahato o kat e som iꞌe hap kape

Mateu 17:5 ပူးပေါင်းရင်းမြစ်များ

Mateu 12:18

Mio tã e Isaia miwan me -Meiũ ti uhemiit sese uimiꞌairo uimikyꞌe kahato iꞌewyte uimowepiit kahato uipyꞌa piat hat. Miꞌi pote atum kahato uipaꞌãu uhehay moherep wuatꞌi miitꞌin piat hamo.

Mateu 17:6

Maꞌato karãpe hemiitꞌin tikuap taꞌyn sehay hawyi teꞌerokenꞌẽ kahato raꞌyn itote hawyi teꞌerepỹꞌãtutuk hawyi porag iꞌatuꞌe taꞌatuewa wo yi tote.

Mateu 3:17

Miꞌi turan toikuap sehay atipy kaipyi -Meiẽ ti Uhaꞌyru sese uimikyꞌe kahato e. Uimowepiit kahato hat e.

Maku 1:11

Miꞌi hawyi sehay tuut Iesui kape atipy kaipyi -Taꞌi uimikyꞌe kahato En Uhaꞌyru e. Miꞌi tupono arehum kahato ete e.

Maku 9:7

Miꞌi hawyi ywyhig me ywaiti pyi sehay tuut raꞌyn -Uhaꞌyru Uimikyꞌe kahato ti eipyꞌasetpe toineꞌen e. Miꞌi tupono eweiwanetup to ihay kape e Tupana ywaiti pyi.

Iruka 3:22

Hawyi Tupana Paꞌãu putꞌok e raꞌyn iꞌapy tote pykasu ewywuat hawyi tuut raꞌyn wẽtup sehay atipy kaipyi -En wyti uhaꞌyru uimikyꞌe kahato uimowepiit hat sese ereineꞌen e.

Iuwãu 3:16

Katupono Tupana tiꞌatukyꞌe kahato miitꞌin haype tutum Tosaꞌyru wẽtup ok takat iꞌatuepe e. Miꞌi pote uwe uwe imohey miꞌi haria wyti aru yt ikuꞌuro sese i maꞌato wuatꞌi eꞌat pe raꞌyn iꞌatuehãite hap toineꞌen e Iesui.

Iuwãu 3:35

Taꞌi Tupana tikyꞌe kahato ti Tosaꞌyru miꞌi tupono tutum yne ipo pe e.

Iuwãu 5:37

Iꞌewyte Uiꞌywot uhenoi raꞌyn maꞌato yt eweikuap i ihay. Katupono uipoꞌoro hat yt karãpe i eweiꞌakasa howa kape e.

Iesui Potmuꞌeria 1:9

Mio tã toꞌe rakirẽ Iesui taꞌam naꞌyn yityꞌok pyi. Miꞌi hawyi teꞌerahaꞌat turan teke raꞌyn ywyhig me. Miꞌi hawyi yt heremo i raꞌyn Iesui.

Iesui Potmuꞌeria 7:37

Taꞌi aiꞌywania miꞌatoiat Muisei saꞌawyꞌi topyhuꞌat Tupana miꞌairo miꞌi miit pykai e Etewãu toꞌauka teran haria pe. Taꞌi nimuat Muisei henoi yiannote Isareu ywania pe -Uiꞌywania e meiũran wyti aru Tupana tomowato kahato tomipoꞌoro uiꞌewywuat eiporekuat koro wo e. Miꞌi Miit uhaipepiat sese tuwemoherep aru wẽtup ahemiariru e saꞌawyꞌi Muisei e.

Ewesu 1:6

Pyno toꞌiro watuwehum Tupana kape -Egyiꞌat hap yt uwe ewywuat hin i waku watoꞌe. Poꞌog poꞌog torannia kai ewese hap waku watoꞌe. Urukyꞌe hap moherep hamuat etum Esaꞌyru uruepe. Wẽtup yn Esaꞌyru pykai etum neꞌen neꞌi uruepe yt kat saꞌup mo i etum uruepe urutoꞌe waku watoꞌe. Miꞌi ti Esaꞌyru Emikyꞌe kahato etum naꞌyn uruepe uruehakyeraꞌat hamuat. Waku kahato En Tupana urutoꞌe ewowi.

Korosi 1:13

Saꞌawyꞌi ahiag potmuꞌeria wo watoineꞌen. Yt watuweꞌaputsit kuap i ipo pyi. Iꞌe hap yn watunug kuap. Iꞌypyryp wiat ieineꞌen haria ewywuat watoineꞌen. Saꞌawyꞌi hoꞌowasat rakaria wo watoineꞌen maꞌato Aiꞌywot atipy piat tipohari raꞌyn aito ahiag po pyi. Miꞌi hawyi aherokosap Tosaꞌyru eropat haria wo raꞌyn. Tomikyꞌe kahato emiit no raꞌyn ainug. Waku kahato are.

Epereu 5:9

Aikaꞌiwat yt karãpe hin i iꞌaparap Toꞌywot mikyꞌesat nug hap ete pote -En yn miitꞌin ehakyeraꞌat hatno e Tupana. Iesui watomohey hawyi tutum aheineꞌen wuatꞌi eꞌat piat hamuat ahepe tomikyꞌesat nug haria wo watoineꞌen mote.

Iesui Aru E Hap 1:7

Uiwyriaꞌin Iesui mohey haria meiẽ ewehehaꞌat ro Aikaꞌiwat Iesui tuut raꞌyn teiam ywyhig me. Taꞌi yne yne teꞌeraꞌakasa. Iꞌewyte ipiit suk haria iꞌauka haria teꞌeraꞌakasa kahato howawi. Ewehehaꞌat ro teꞌeruwak kahato wuatꞌi ywania yt imohey i haria teꞌerokenꞌẽ haype kak iꞌatuꞌe. Maꞌato aito imohey haria wahekatup kahato. Waku eriot Mehin waku eriot Mimi watoꞌe. Iꞌewyte aitoria 7 tawa piat Tupana motypot yat piaria pe yi Asia totiaria pe Iesui tuwemoherep wy.

Iesui Aru E Hap 14:14

Miꞌi hawyi uito Iuwãu arahaꞌat ywaipe hawyi araꞌakasa wẽtup ok apyk pe ywyhig kytsig me Miꞌi ti Aheykeꞌet ewywuat. Morekuat wato painug hap imehit rakat toineꞌen ipiit ete. Ipo pe kyse hãihyk kahato rakat miꞌi kape araꞌakasa.