Mateu 17:2 - Sateré-Mawé

² Itote ti teꞌereꞌakasa Iesui kape tuweupi kahato hewa imohit kahato aikotã aat ewy. Hesokpe ikytsig kahato aikotã ariãtyhot ewy

Mateu 17:2 ပူးပေါင်းရင်းမြစ်များ

Mateu 17:1

Miꞌi hawyi 6 eꞌat tokosap hawyi Iesui toto raꞌyn yityꞌok ywaiti kahato rakat kape. Miꞌi turan tuwewywo totioto Peteru hawyi toꞌywytꞌin Tiaku hawyi Iuwãu.

Mateu 17:3

Hawyi temiitꞌin teꞌereꞌakasa Muisei hawyi Eria kape iꞌatuehay Iesui wywo.

Mateu 28:3

Imehit kahato hẽtyhot kahato aikotã merepꞌe hap ewy. Hesokpe ti ikytsig kahato nukara kytsig hap ewy.

Maku 9:3

Miꞌi turan Iesui esokpe imehit kahato ikytsig kahato poꞌog ikytsig mesuwarotiat koꞌi kai e.

Iruka 9:29

Miꞌi hawyi Iesui ihay toꞌywot wywo turan howa tuweupi toineꞌen yt saꞌawyꞌi wuat ewy i. Iꞌewyte hesokpe ikytsig kahato imehit kahato.

Iuwãu 1:14

Mekewat Sehay e hap het rakat Iesui aiꞌewywuat tuwemoherep miitno aipiit ewywuat tuwemoherep. Miꞌi hawyi watehaꞌat kuap i hẽtyhot atipy kaipywiat Tupana saꞌyru wẽtup yn kape. Miꞌi hawyi toineꞌen aipyꞌasetpe. Putꞌok e mesuwe hegyiꞌat hap moherep hamo. Miꞌi ti Wakuat Sese toineꞌen. Hãpyk hap yn tuete. Pywuat rakat toineꞌen.

Iuwãu 17:24

Papai mesuwat yi nug hap eꞌyian mete uikyꞌe kahato En are. Taꞌi saꞌawyꞌi sese mesuwat yi yt etunug i te turan -Wakuat kahato En aiwoꞌokyꞌe hap toꞌoꞌewy kahato ere uhepe Papai are. Atikyꞌesat kahato uhemiitꞌin uimohey haria emiium koꞌi tukupteꞌen aru aiũpe aiũpe uheineꞌen hap upi i are. Atikyꞌesat uikahu hap kape teꞌerahaꞌat aru are. Atikyꞌesat emiium uhewaku hap sese kuap hamo hap Papai are e.

Humanu 12:2

Waku watum aipiit Tupana kape. Yt naku i watunug ne aikotã mesuwarotiat Tupana yt kuap i haria wanetup saꞌag hap ewy ainapin saꞌag ewywuat. Yt naku i watuwat iꞌatuehay upi kat koꞌi kat koꞌi saꞌag nug hamo. Waku poꞌog watoꞌe Tupana kape -Etihep uiwanetup hap wyi mesuwarotiat saꞌag wanetup hap hawyi uiwanetup hap etimopakup i ewat ewywuat. Uipyꞌa pe uiꞌakag me uipiit pe uiwanetup hawe ereineꞌen Tupana uipytꞌat nug hatno. Miꞌi hawyi ewanetup hap eiam mo areineꞌen neran. Mio tã eweiꞌe Tupana pe pote eweikuap kuap Tupana mikyꞌesat koꞌi kat som tutunug neran hap nug hamo. Kat som imowepiit hap kat som hãpyk sese imikyꞌesat ewywuat hap mio tã eweiꞌe Tupana pe pote.

Iesui Aru E Hap 10:1

Miꞌi hawyi uito Iuwãu arahaꞌat i hawyi araꞌakasa wẽtup ok poꞌog hesaika rakat atipy piat. Miꞌi ti taꞌapyk yi kape. Ipiit ete hesokpe ywyhig ikytsig kahato rakat. Ipainug hap iꞌakag ete weꞌyp ewy ikahu kahato rakat. Howa hẽtyhot kahato aat ewy. Ipy typy wasere yp oktan toineꞌen maꞌato aria kawiat ewy topyhuꞌat.

Iesui Aru E Hap 20:11

Miꞌi hawyi Uito Iuwãu arahaꞌat mekewat Morekuat Porekuat Akag apyk hap kape. Araꞌakasa hawyi -Ikahu kahato heꞌamyꞌap are. Ikytsig kahato are. Miꞌi hawyi arahaꞌat howa kape. Ikahu kahato rasig paĩ are. Poꞌog ikahu aat waikiru waty koꞌi kai iꞌewyte mytyyp koꞌi kai poꞌog ikahu areꞌe. Miꞌi hawyi aat waikiru waty koꞌi mytyyp koꞌi teꞌeruwemoti kahato hawyi teꞌeruwemig ipupi hap ewy poꞌog ikahu iꞌatukai pote poꞌog hẽtyhot poꞌog imehit iꞌatukai. Miꞌi rakirẽ poꞌog arahaꞌat waikiru waty aat mytyyp kape. Maꞌato miꞌi turan yt araꞌakasa hin i raꞌyn iꞌatuewowi yt taꞌatueiam note hin i raꞌyn apo paĩ pote areꞌe.