Mateu 16:1 - Sateré-Mawé

¹ Miꞌi hawyi iraniaꞌin Wariseuria iꞌewyte iraniaꞌin Satuseuria tuwat Iesui kape taꞌatuehay hamo katupono taꞌatukyꞌesat taꞌatuꞌe hamuat Iesui tunug tomisepap hap koꞌi ikuasa teran haype. Miꞌi haype teꞌeroꞌe -Waku koran wẽtup etimoherep yt uwe misepap i nug hap pote uruimohey raꞌyn Tupana kaipywiat esaika hap iꞌatuꞌe.

Mateu 16:1 ပူးပေါင်းရင်းမြစ်များ

Mateu 12:14

Miꞌi hawyi itotiaria Wariseuria tuwenoꞌẽ itote pyi hawyi taꞌatukat raꞌyn aikotã Iesui auka hamo.

Mateu 15:1

Miꞌi hawyi iraniaꞌin Wariseuria iꞌewyte iraniaꞌin mekewat woꞌomuꞌe koro haria tõꞌẽ Ierusarẽi kaipyi taꞌatuehay Iesui wywuat hamo hawyi apo iꞌatuꞌe Iesui pe.

Mateu 16:6

Miꞌi hawyi Iesui toꞌe temiitꞌin me -Pyno waku eiweꞌeg wo eweikupteꞌen mekewat aikotã man apopyt ewywuaria Wariseuria iꞌewyte Satuseuria pupi e.

Mateu 19:3

Miꞌi turan iraniaꞌin Wariseuria tokokaꞌat Iesui kape katupono taꞌatukat kahato aikotã miat Iesui iꞌaparap hap Miꞌi haype apo iꞌatuꞌe -Pywo apo ainapin hap Muisei miwan me tohenoi karãpe ihainia toiat teran pote waku toipoꞌoro kuap apo pya teharyꞌi iꞌatuꞌe.

Mateu 22:15

Miꞌi hawyi woꞌomuꞌe haria yt iꞌatuwese i Iesui ete -Tupana tiꞌatukay kay wyti aru iraniaꞌin ywania e Iesui pote. Miꞌi hawyi tuwat raꞌyn Iesui yatypepyi hawyi teꞌeruwaꞌatunug iꞌatuꞌakag koro koꞌi Iesui maꞌat hap etiat toꞌoehay hamo. Miꞌi hawyi taꞌatuehay kat ehay wo kat ehay wo waku Iesui ehay aparap taꞌatuꞌauka teran haype.

Mateu 22:18

Maꞌato mio tã iꞌatuꞌe iꞌatuehay hap Iesui tikuap tuwanetup hawe tomaꞌat hamuat hap etiat toikuap. Miꞌi hawyi toiꞌatuwesat -Typy ihay rakaria sese ti eipe katupono uimaꞌat reran neꞌi are uhãꞌãg neran haype hap atikuap taꞌyn e.

Mateu 22:23

Miꞌi hawyi meimuẽwaria miitꞌin ikuꞌuro hawyi yt teꞌeruwehymut hin i e haria teꞌeroꞌe Iesui pe

Mateu 23:2

-Uiwyriaꞌin meimuẽwat Tupana ehay miwan miat kuap haria ti woꞌomuꞌe haria te teꞌeropyhuꞌat Muisei ehay wuat aimuꞌe haria.

Mateu 27:62

Miꞌi hawyi Saputu eꞌat eꞌihatꞌok pe teꞌeruwaꞌatunug paꞌi kororia woꞌomuꞌe haria morekuat Piratu wywo.

Mateu 5:20

Pyno mesup areꞌe ehepe -Pyno poꞌog waku eiwepytyk heg kahato Tupana mikyꞌesat nug hap ete. Mekewat woꞌonapin haria Wariseuria koꞌi mienoi koꞌi kai pote yn ti aru eiwehytꞌok kuap aikope Tupana toineꞌen morekuatno hap tote.

Mateu 9:11

Miꞌi turan tukupteꞌen iraniaꞌin woꞌomuꞌe haria itote. Miꞌiria teꞌerehaꞌat miꞌi hap kape hawyi apo iꞌatuꞌe Iesui emiitꞌin me -Kat poteĩ eimuꞌe hat tenuk mekewat saꞌup poreraꞌat haria wywo iꞌatuꞌe. Iꞌewyte iraniaꞌin yt naku i sese rakaria wywo iꞌatuꞌe.

Maku 10:2

Miꞌi turan nagnia ehay enoi haria tõꞌẽ howa kape imaꞌat teran haype apo iꞌatuꞌe -Uhyt urunapin En sio waku apo urueharyꞌi wywo urutoꞌoꞌatoiat wẽtup ok wywuat i raꞌyn hamo iꞌatuꞌe Iesui pe.

Maku 12:15

Waku miꞌi tã urutunug sio yt apo iꞌatuꞌe. Maꞌato Iesui tikuap taꞌatuiãꞌãg neꞌi hap miitꞌin miium saꞌup mo morekuat Sesa kape. Miꞌi hawyi toiꞌatuwesat -Kat poteĩ mio tã eweiꞌe sio apo uhãꞌãg hap e. Eweterut ro uhepe tineiru iꞌape rakat araꞌakasa mono pyno e Iesui apo e haria pe.

Maku 12:18

Wẽtup eꞌat pe hawyi tõꞌẽ Iesui kape woꞌomuꞌe haria. Miꞌiria so miitꞌin muꞌe aikuꞌuro hawyi ti yt kat i raꞌyn aheineꞌen pakup i hap e haria. Miꞌiria so apo iꞌatuꞌe Iesui pe.

Iruka 10:25

Miꞌi hawyi wẽtup ok miwan enoi hat apo e Iesui pe -Urumuꞌe hat e aikotã som waku uheineꞌen hap sese puẽti hamo atunug e maꞌato yt pywo pe i. Toimaꞌat reran haype neꞌi apo e.

Iruka 11:16

Iraniaꞌin itote -Pyno uruikyꞌesat etunug no emisepap yt miitꞌin minug kuap i hap ewywuat iꞌatuꞌe ikuasa hamo.

Iruka 20:23

Miꞌi hawyi meremo Iesui tomaꞌat hap toikuap tuwepe hawyi toꞌe iꞌatuepe.

Iruka 20:27

Miꞌi hawyi tõꞌẽ Iesui ewowi Tupana ehay miwan miat miitꞌin muꞌe haria akag koꞌi Satuseuria e hap koꞌi. Miꞌiria ti -Aikuꞌuro hawyi yt kat i raꞌyn aheineꞌen pakup i hap e haria.

Iuwãu 8:6

Mio tã apo iꞌatuꞌe Iesui pe toiꞌaparap mono taꞌatuꞌe. Miꞌi hawyi maꞌato Iesui tuweꞌymyk hawyi yi kyt ete yn topuiꞌiã wo wanꞌi wanꞌiꞌe.

Iesui Potmuꞌeria 4:1

Itote mio tã e Peteru turan miitꞌin tok pe tõꞌẽ tõꞌẽ ipyꞌahak takaria paꞌiria Tupana motypot yat piaria akag koꞌi wywo Peteru Iuwãu satyꞌi satyꞌi hamo. Taꞌatukuap Peteruꞌin Iesui wẽtem guꞌuro pywiat hap taꞌatuhenoi miitꞌin me hawyi -Waĩꞌiꞌatuꞌe Peteru Iuwãu me. Yt naku i ewehenoi miitꞌin me Iesui tuwẽtem guꞌuro pyi hap iꞌatuꞌe katupono uruikuap taꞌyn aikuꞌuro hawyi ti yt karãpe i watoineꞌen pakup i hap iꞌatuꞌe saꞌag.

Iesui Potmuꞌeria 5:17

Miꞌi pote paꞌi koro tomierohik koꞌi wywo iꞌatuehayꞌywyi kahato raꞌyn Iesui mohey haria ete. Miꞌi hawyi iꞌatusaiwot kahato neꞌi raꞌyn -Waku watiꞌatumoma yne Iesui mohey haria iꞌatuꞌe toꞌope.

1 Kuriniu 1:22

Mio tã iꞌatuꞌe Iuteu ywania -Etomoherep to iwato kahato mesuwe uruepe Tupana esaika hap uruepiat emohey hamo miꞌi pote ti aru uruimohey en iꞌatuꞌe watiꞌatumoherep Iesui iꞌatuepe turan. Maꞌato Kereku ywania miꞌiria -Etimoherep uruepe ehay iweꞌeg kahato hawyi uruimohey Iesui etiat iꞌatuꞌe.