Mateu 15:10 - Sateré-Mawé

¹⁰ Miꞌi hawyi Iesui tiꞌatukay kay raꞌyn miitꞌin sem hawyi toꞌe iꞌatuepe -Eiwanetup hawyi eweikuap to uiꞌe hap.

Mateu 15:10 ပူးပေါင်းရင်းမြစ်များ

Mateu 13:19

Pyno mekewat iãꞌỹi muap upiat hewo muap ẽpe upiat hewo rakat ewy wuat wyti karãpe miitꞌin teꞌeruwanetup Tupana ehay kape wen maꞌato yt toikuap i. Miꞌi ti aikotã muap ẽpe upiat iãꞌỹi ewy topyhuꞌat katupono miꞌi ti karãpe yt nakuap i putꞌok e raꞌyn hawyi toihep taꞌyn ipyꞌa pyi iãꞌỹi hap ewy e.

Mateu 15:11

Pyno ti mekewat eiwẽ pywiat eimiꞌu wyti yt eimohun kuap i maꞌato mekewat eiwẽ pywiat sehay yt naku i hap wyti topyhuꞌat eimohun hap.

Mateu 15:9

Pyno iꞌatunapin hap koꞌi yt putꞌok e hin i uimotypot hamo katupono miꞌiria woꞌonapin hap wyti mesuwat miitꞌin wanetup hap koꞌi kaipyi maꞌato Tupana woꞌonapin hap eweiꞌe. E ti Tupana ehepiat pe Isaia miwan 29.13 pe e Iesui apo e haria pe.

Mateu 24:15

Aikotã saꞌawyꞌi wuat Tupana ehay moherep hat Tanieu e hap ewy aru putꞌok e mio tã e -Meiũran ti aru tuwemopoĩꞌam Tupana motypot yat wato pe poꞌog yt nakuat i wuatꞌi kawiat rakat. Yne Tupana sese etiat mohit hamuat -Uito ti Tupana e hat e. Waku eweikuap kat som Tupana ihay mesuwat iwan me hap e.

Iruka 24:45

Miꞌi hawyi heremo yn naꞌyn iꞌatuwanetup hawe Tupana ehay Iesui tunug. Miꞌi hawyi taꞌatukuap kahato raꞌyn miwan saꞌawyꞌi wuat kai Iesui etiat hap hawyi heremo raꞌyn iꞌatuepyꞌa pe yne Iesui ete.

Ewesu 1:17

-Uruꞌywot koro En ni urupotypot Iesui eTupana are. Etum no Epaꞌãu poꞌog tawa Ewesu piaria pe ekuap poꞌog poꞌog mono areꞌe Tupana pe. Uwe En sese hap kuap hamuat atikyꞌesat. Epaꞌãu kaipyi iweꞌeg kahato rakaria wo tukupteꞌen hap atikyꞌesat are. Etiꞌatumoẽtyhot ro iꞌatuwanetup hap are. Etihep yt iꞌatuehapytig i hap miꞌi hawyi heremo iꞌatuwanetup hawe etum Esaꞌyru mohey hap Tupana are.

Korosi 1:9

Miꞌi e hap uruikuap hawyi uruhẽtup kahato Tupana kape eipowyro hamuat uhyt Epawai e hap uruikuap hawyi. Mesup te uruhẽtup ehupi -Tupana urutoꞌe etum tawa Korosi piaria pe emikyꞌesat nug hap kuap hamuat urutoꞌe. Iꞌewyte etum no iꞌatuweꞌeg kahato hap eweꞌeg hap oktan ewanetup hap ewy urutoꞌe Tupana Paꞌãu me.

Tiaku 1:5

Karãpe yt watikuap i kat som waku watunug hãpyk takat ahãꞌãg hap putꞌok e turan miꞌi hap eꞌat pe waku wahẽtup kahato wuatꞌi kuap sese hat Tupana kape. Miꞌi hawyi aikotã waku hamuat tohenoi kahato ahepe towese popuo aimuꞌe yt ahatyꞌi hatyꞌi popuo hin i ainapin Tupana.