Mateu 14:3 - Sateré-Mawé

³ Saꞌawyꞌi Eroti tiꞌatupoꞌoro raꞌyn Iuwãu pyhik hamo. Taꞌatupopoi hawyi taꞌatupag naꞌyn woꞌopyhik hawe. Miꞌi tã tutunug toꞌywyt Wiripi ehayryꞌi tomisat mikyꞌesat ewy.

Mateu 14:3 ပူးပေါင်းရင်းမြစ်များ

Mateu 11:2

Miꞌi turan Iuwãu woꞌosetꞌok hat toineꞌen woꞌopyhik hawe maꞌato miꞌi turan toikuap aikotã aikotã aipotypot minug koꞌi hap hawyi toiꞌatupoꞌoro raꞌyn temiitꞌin Iesui kape.

Mateu 14:6

Maꞌato mekewat morekuat Eroti ywãꞌĩ hap mowepiit hap eꞌat pe ti mekewat Erotia mepyt ihairu torannia miitꞌin ehamo. Miꞌi hap ti morekuat tipuẽti ikahu kahato.

Mateu 4:12

Miꞌi hawyi Iesui taꞌaipok i raꞌyn aikope miitꞌin tukupteꞌen hap kape turan toikuap taꞌyn Iuwãu woꞌosetꞌok hat pyhik hap. Toikuap hawyi toto raꞌyn itote pyi yi Karireia kape raꞌyn.

Maku 6:14

Miꞌi hawyi miitꞌin tikuap taꞌyn Iesui etiat. Iꞌewyte mio tã hap morekuat Eroti tikuap Iesui etiat. Miꞌi hawyi iraniaꞌin -Iuwãu taꞌaipok taꞌyn guꞌuro pyi e. Iesui wyti woꞌosetꞌok hat Iuwãu toineꞌen i raꞌyn guꞌuro pyi e. Miꞌi tupono ti totereko hesaika hap iraniaꞌin iꞌatuꞌe.

Maku 6:17

Morekuat Eroti toꞌywyt Wiripi eharyꞌi wywo mana Erotia e hap het rakat wywo toineꞌen. Iuwãu iminug saꞌag hap toimoherep hawyi morekuat Eroti tipytyk Iuwãu hawyi toipyhik taꞌyn.

Maku 6:19

Miꞌi hawyi morekuat eharyꞌi pakup Erotia yt iwese hin i Iuwãu ete. Toiꞌauka teran maꞌato yt toiꞌauka kuap i katupono Iuwãu pupi heꞌaito tokenꞌẽ kahato.

Maku 6:22

Miꞌi hawyi iꞌatuwaꞌatunug hawe teke iharyꞌi hit Erotia mepyt ikahu rakat tehairu tuweran hamo. Miꞌi hawyi tehairu waku raꞌyn hawyi morekuat Eroti iwepiit kahato ienuk haria wywo. Miꞌi hawyi toꞌe piꞌã makuptia pe -Ehairu hap ikahu kahato piꞌã e. Pyno ehẽtup to kat som etikyꞌesat e. Kat emiẽtup atum epe e piꞌã pe.

Maku 8:15

Miꞌi hawyi Iesui tiꞌatunapin -Eiweꞌeg wo o nagnia ehay enoi haria mani puk hap ewywuaria pupi e. Iꞌewyte morekuat Eroti mani puk hap ewywuat pupi e.

Iruka 13:1

Iesui tiꞌatumuꞌe itotiaria turan iraniaꞌin itotiaria teꞌeroꞌe Iesui pe -Mehin iꞌatuꞌe wanikaptia mipoꞌoro aiporekuat nuat mekewat Piratu e hap het rakat yt naku i kahato tutunug katupono gaꞌatpo ti ahetama Karireia piaria morekuat Piratu timoma kahato iꞌatuꞌe. Morekuat totat ahemiitꞌin hawyi toiwuk Tupana motypot yat pe iꞌatuꞌe. Miꞌi hawyi totopag mekewat iꞌatusuu aat hap Tupana motypot yat piat yparakai tote iꞌatuꞌe Iesui pe.

Iruka 13:31

Miꞌi hawyi Tupana ehay enoi haria putꞌok iꞌatuꞌe Iesui yatype teꞌeroꞌe hamo -Erẽtem no meremo meiũpepyi iꞌatuꞌe katupono morekuat Eroti wyti eꞌauka teran moityꞌi raꞌyn iꞌatuꞌe Iesui pe.

Iruka 23:11

Iꞌewyte morekuat Eroti tesuraraꞌin wywo tikuasa kahato Iesui. Miꞌi hawyi morekuat esokpe ikahu kahato hap ewywuat taꞌatupag Iesui piit pe imohit hamo hawyi taꞌatupoꞌoro i raꞌyn morekuat Piratu kape.

Iruka 23:7

Taꞌi yi Karireia piaria mimotag Iesui iꞌatuꞌe Piratu pe. Miꞌi toikuap hawyi morekuat Eroti kape toipoꞌoro Iesui katupono yi Karireia piaria porekuatno Eroti toineꞌen iꞌewyte mekewat eꞌat pe morekuat Eroti toineꞌen tawa Ierusarẽi me.

Iruka 3:1

15 anu toineꞌen morekuatno Tiperiu Sesa turan Pũsiu Piratu toineꞌen yi Iuteia tote morekuatno. Miꞌi turan Eroti toineꞌen morekuatno yi Karireia pe. Maꞌato Iꞌywyt Wiripi toineꞌen mekewat yi Itureia tote iꞌewyte Takunite tote. Maꞌato Iritania toineꞌen mekewat Atirene tote.

Iruka 8:3

Miꞌi hawyi Iuana mekewat Kusa eharyꞌi toto hupi hemiitꞌin eropat hamo. Heꞌaito ti mekewat Kusa morekuat Eroti yat pe toineꞌen. Yne motpap hap koꞌi morekuat yat piat toineꞌen Kusa po pe. Miꞌi hawyi mana Susana iꞌewyte iraniaꞌin haryporia Iesui potpoꞌororia powyro haria teꞌeropyhuꞌat. Miꞌi hawyi taꞌatuekat kaipyi taꞌatukyiꞌat kat koꞌi kat koꞌi Iesui powyro hamo.

Iesui Potmuꞌeria 12:1

Miꞌi hawyi mekewat eꞌat pe morekuat Eroti tipoꞌoro temiitꞌin suraraꞌin Iesui mohey haria akag koꞌi pag towoꞌopyhik hawe.

Iesui Potmuꞌeria 4:27

Katupono mesup taꞌyn teꞌeruwaꞌatunug kahato meiũpe tawa Ierusarẽi me Emipoꞌoro Iesui etiat saꞌag taꞌatuehay hamo iꞌatuꞌe. Tupana iꞌatuꞌe mesup taꞌyn morekuaria teꞌeruwaꞌatunug toꞌonapin saꞌag neꞌi Emiꞌairo uruporekuat nuat Iesui mohit hamo mesuwe iꞌatuꞌe. Uruꞌywot mesup taꞌyn mekewat morekuat Eroti iꞌewyte morekuat Pũsiu Piratu teꞌeruwaꞌatunug Isareu ywania iraniaꞌin ywania wywo toꞌonapin saꞌag neꞌi hamo iꞌatuꞌe. Koitywy tawa Ierusarẽi me taꞌatukat aat kaꞌap aikotã aikotã waku eropat sese haria Iesui mohey haria yne moma hamo taꞌatukat toꞌonapin saꞌag hap tote Tupana iꞌatuꞌe.