Mateu 13:8 - Sateré-Mawé

⁸ Maꞌato hãꞌỹi hewo yi wakuat rote rakaria tuwenug kahato pote toipuẽti hãꞌỹi poꞌog 100 wo saꞌawyꞌi wuat tomikoi kai. Iꞌewyte 30 poꞌog tomikoi kai hawyi 60 toipuẽti poꞌog iwato saꞌawyꞌi wuat tomikoi kai e.

Mateu 13:8 ပူးပေါင်းရင်းမြစ်များ

Mateu 13:23

Maꞌato mekewat iãꞌỹi hewo yi wakuat rotiaria ti tukupteꞌen aikotã miitꞌin ikuap Tupana ehay hawyi topyhuꞌat iꞌe hap ewy. Miꞌiria ti aikotã haat kahato rakaria ewy tukupteꞌen. Wẽtup kaipyi 100 toipuẽti hap ewy wẽtup ok kaipyi 60 hap saꞌawyꞌi wuat imikoi kai hap ewy hawyi iraniaꞌin 30 iãꞌỹi hap ewy toipuẽti saꞌawyꞌi wuat imikoi kai.

Mateu 13:7

Maꞌato iraniaꞌin hãꞌỹi wyti hewo hu piat neꞌi. Miꞌi ti hẽtyt wen maꞌato meremo iꞌanam tohik hawyi yt tuwenug kuap i raꞌyn.

Maku 4:20

Miꞌi pote Tupana ehay yt tuwenug i e. Maꞌato mekewat yi wakuat upiat ti wẽtup ok wẽtup ok wanetup haria ewy e. Saꞌawyꞌi taꞌatuwanetup Tupana ehay kapiat hawyi taꞌatukyꞌesat kahato. Miꞌiria tuwenug naꞌyn e. Taꞌi aikotã wẽtup ok 30 saka hap ewy saꞌawyꞌi wuat wẽtup saka ewy toikoi hawyi. Miꞌi hawyi wẽtup ok 60 saka hap ewy tomikoi kaipyi toipuẽti hawyi wẽtup ok 100 saka hap ewy raꞌyn toipuẽti. Miꞌiria Tupana ehay pywo iꞌatuꞌe pote tuwenug kahato raꞌyn iꞌatuieineꞌen hap tote e Iesui topotmuꞌeria pe.

Maku 4:8

Maꞌato iraniaꞌin hãꞌỹi yi wakuat rote go sese tote hewo e. Miꞌiria ti hẽtyt meremo hawyi ihãite kahato hawyi haat kahato e. Miꞌi koꞌi kaipyi toimorania haat koran koran iãꞌỹi hawyi toipuẽti 30 saka. Wẽtup sat kaipyi toipuẽti 60 saka. Wẽtup kaipyi 100 saka hap ewy e.

Iruka 8:15

Maꞌato mekewat hãꞌỹi yi wakuat rotiat hewo rakaria wyti wẽtup ok wẽtup ok wanetup hat ewywuat e. Miꞌiria ti iꞌatupyꞌa piat yi wakuat ewywuat pote teꞌeruwanetup aat kaꞌap Tupana ehay kape hawyi yt taꞌatuwaure hin i maꞌato taꞌatuhytmoĩ kahato taꞌatupyꞌa pe Tupana ehay hawyi taꞌatunug naꞌyn Tupana mikyꞌesat ewy e. Miꞌi pote mikoi haat kahato rakat ewywuat teꞌeropyhuꞌat teꞌeruwenug kahato rakaria ewy e Iesui.

Iruka 8:8

Iraniaꞌin yi wakuat rote hewo hewo go tote e. Miꞌiria ti iꞌatuehãite kahato hawyi wẽtup sat kaipyi 100 iãꞌỹi tuwemoherep e. Pyno ehewaure kaꞌa pote iwanetup kahato o mesuwat uhehay iãꞌãkap puat uimienoi ape e Iesui miitꞌin sem me.

Iuwãu 15:8

Karãpe hewo hewo haga ete pyi ywa he rakat pote Tupana motypot haria wo imowato haria wo eweikupteꞌen. Iꞌewyte iꞌyp kaipyi ywa iꞌatu rakaria he rakaria tukupteꞌen hawyi uimotypot hap eweimoherep iraniaꞌin me e.

Humanu 7:18

Miit saꞌag nug hat ewy areineꞌen uhaꞌum me. Yt kat i wakuap itote. Atunug neran wakuap wen -Hẽto e uiwanetup hap maꞌato uipiit yt ikyꞌesat i hawyi uimikyꞌesat saꞌag uipyꞌa piat uipyhyp wakuap nug hamo.

Wiripu 1:11

Tupana etunug o miꞌiria waku nug hanuaria wo are. Etunug miꞌiria iꞌatuieineꞌen hap tote wakuat eiam mo kahato are. Atikyꞌesat miꞌiria aikotã Esaꞌyru Iesui ewaku hap ewy tukupteꞌen. Ewaku hap ewywuat wo etiꞌatunug miꞌiria. Tupana miꞌi etunug mote emotypot haria wo kahato tukupteꞌen miꞌiria are. Waku kahato En iꞌatuꞌe aru ewowi iraniaꞌin areꞌe Tupana pe. Pyno mio tã ahẽtup mesuwe ehetiatno Tupana pe.