Mateu 12:34 - Sateré-Mawé

³⁴ Pyno eiperia ti yt naku i nug haria aikotã moĩ satek kahato toineꞌen hap ewywuaria eweikupteꞌen. Yt kat i hin i tuwẽtem eiwẽ pyi waku rakat katupono howopy raꞌyn eipyꞌa yt nakuap i wo pote. Miꞌi kaipyi tuwẽtem eiꞌe hap yt naku i rakat.

Mateu 12:34 ပူးပေါင်းရင်းမြစ်များ

Mateu 12:35

Pyno eipyꞌa piat wakuat kaipyi tuwẽtem wakuap ti wen maꞌato yt nakuat i hap eipyꞌa piat kaipyi ti tuwẽtem yt nakuap i ti raꞌyn e.

Mateu 15:18

Maꞌato aipyꞌa pywiat aiwẽ puo tuwẽtem miꞌi wyti topyhuꞌat miitꞌin mohun hamo e.

Mateu 23:33

Moĩ satek mepytꞌin ewywuaria ti eipe eweikupteꞌen e. Miꞌi tupono ti eipe torannia aria miꞌu wo eweipyhuꞌat. Yt sake i wyti aru eiwenoꞌẽ kuap e Iesui.

Mateu 3:7

Miꞌi turan Iuwãu tehaꞌat turan tõꞌẽ typyꞌi kahato woꞌomuꞌe haria akag koꞌi Wariseuria hawyi Satuseuria Iuwãu piat taꞌatusetꞌok hamo wen maꞌato mio tã e neꞌi Iuwãu iꞌatuepe -Pyno yt aikotã kuap i te worohoꞌosetꞌok eipe e katupono eipe yt naku i nug haria neꞌi te. Eipe ti moĩ koꞌi ewywuat rẽ haiwot rakaria te neꞌi e. Miꞌi pykai kan hamoĩ eweĩꞌẽ meikowo eiwesetꞌok hamo. Tupana piat eiꞌapiheg hap pupi eweikenꞌẽ haype apo eweiꞌõꞌẽ e iꞌatuepe.

Iruka 3:7

Miꞌi turan miitꞌin sem tuwat kahato raꞌyn Iuwãu kape teꞌeresetꞌok hamo. Maꞌato toꞌe torannia pe -Eiperia ti moĩ iãi hy woꞌoꞌauka hap ewywuaria maꞌato eweikyꞌesat eiwemig Tupana saiwot hap eiꞌapiheg hap pupi pote.

Iruka 6:45

Pyno miit waku rakat wyti imoherep topyꞌa piat waku rakat. Maꞌato miit yt nakuat i wyti topyꞌa piat yt naku i rakat imoherep. Kat pote topyꞌa piat yt naku i sese rakat toimoherep towẽ pyi.

Iuwãu 8:44

Eiꞌywot sese ti ahiag e miꞌi pote ti ewetunug neran eiꞌywot mikyꞌesat saꞌag oktan e. Haꞌawyte pyi ahiag tiꞌauka teran miitꞌin woꞌopotꞌauka hat miꞌi. Miꞌi pote yt wẽtup i hãpyk takat sehay pywuat iwat iwanetup hap toineꞌen e. Karãpe ahiag heso tuwekaipyi tutunug yt niatpo hin i katupono yne heso rakat kaꞌiwat neꞌi ahiag topyhuꞌat e.

Ewesu 4:29

Waku ahehay hẽꞌẽ rakat ewy are. Waku iwese kahato rakat ewy watoineꞌen. Waku iraniaꞌin mowepiit ahehay kuap hanuaria watikuap are. Miꞌi tã watunug mote pywo iꞌatuꞌe hamo ahehay kuap haria. Miꞌi hawyi ahehay kuap haria poityro hat ewy watopyhuꞌat. Yt naku i watopotkuasa ahehay wo. Yt naku i watipoepyk ahehay wo are.

Ewesu 5:4

Koitywy aito Iesui mohey haria miꞌi pote waku watoiat yne saꞌawyꞌi wuat ahehay saꞌag hap koꞌi yt iweꞌeg i rakat ewywuat. Waku watoiat yne ahehay saꞌag miitꞌin muat ahehay saꞌag hap koꞌi miitꞌin wemoti hap koꞌi. Waku watoiat yne sehay saꞌag. Koitywy poꞌog waku sehay aiwẽ pyi Tupana kapiat aiwehum hap.

Tiaku 3:2

Pyno torannia aito iꞌaparap haria watoineꞌen. Maꞌato ahehay wo ahẽku wo yt watiꞌaparap i pote yt karãpe i saꞌag nug hatno watoineꞌen katupono aipyꞌa piat aiwanetup hap moherep hap ahehay topyhuꞌat. Karãpe yt watiꞌaparap i ahehay wo pote hãpyk pe kahato watoineꞌen aheineꞌen hap tote. Ahehay hãpyk takat watunug kuap pote watuwepoꞌoro kuap yne aipiit wakuap nug hamo.

1 Iuwãu 3:10

Pyno yt toꞌoꞌewy hin i Tupana mepytꞌin ahiag wat wywo yt toꞌokupitu hin i. Katupono uwe uwe wakuat nug hatno topyhuꞌat iꞌewyte uwe uwe Tupana mepytꞌin kyꞌe hatno topyhuꞌat miꞌi hat ti topyhuꞌat Tupana saꞌyru wo Tupana sakiꞌyt koꞌi wo are.