Mateu 12:10 - Sateré-Mawé

¹⁰ Itote ti toineꞌen wẽtup ok miit ipo kĩꞌã rakat. Miꞌi pote iraniaꞌin apo iꞌatuꞌe Iesui pe ikuasa teran haype. -Waku apo etimoehãinte miit Tupana motypot hap eꞌat pe iꞌatuꞌe.

Mateu 12:10 ပူးပေါင်းရင်းမြစ်များ

Mateu 12:2

Miꞌi turan iraniaꞌin Wariseuria tikuap taꞌyn hawyi teꞌeroꞌe raꞌyn Iesui pe -Etikuap apo aikotã emiitꞌin tunug yt hãpyk i mekewat aiwoꞌonapin hawe toꞌe pykai -Yt eipotpap teiꞌo Tupana motypot hap eꞌat pe iꞌatuꞌe.

Mateu 19:3

Miꞌi turan iraniaꞌin Wariseuria tokokaꞌat Iesui kape katupono taꞌatukat kahato aikotã miat Iesui iꞌaparap hap Miꞌi haype apo iꞌatuꞌe -Pywo apo ainapin hap Muisei miwan me tohenoi karãpe ihainia toiat teran pote waku toipoꞌoro kuap apo pya teharyꞌi iꞌatuꞌe.

Maku 3:2

Miꞌi hawyi teꞌeruwanetup -Iesui timoehãite apo ipo kĩꞌã rakat yt aipotpap i hap eꞌat pe. Miꞌiria teꞌerahaꞌat kahato Iesui kape ikuasa te hamo.

Iruka 11:54

Taꞌatukat kahato iꞌaparap hap iꞌe hap towẽ pywiat. Taꞌatukyꞌesat iꞌaparap hap iwẽ pyi. Taꞌatuhenoi teran kahato morekuat pe Iesui iꞌaparap hatno toineꞌen.

Iruka 13:14

Maꞌato Tupana motypot yat apykok hat ipyꞌahak kahato Iesui ete katupono Iesui timohãite mekewat haryporia yt topotpap i hap eꞌat pe pote. Miꞌi pote toꞌe tomimuꞌeria pe -Toineꞌen wyti 6 eꞌat aipotpap nug hamuat e. Pyno waku 6 eꞌat aiwepotpap hap turan watikat aimoehãite hap maꞌato mesup eꞌat pe yt naku i kahato watikat amoehãite hap e.

Iruka 20:22

Pyno ehenoi uruepe sio waku watum saꞌup aiporekuat wato Sesa e hap het rakat pe sio yt iꞌatuꞌe

Iruka 23:14

Miꞌi hawyi morekuat Piratu toꞌe iꞌatuepe -Meiũ miit Iesui eimierut wo toineꞌen uhowowi raꞌyn iminug yt naku i hap moherep hamuat e. -Miitꞌin maꞌat hat Miꞌi Miit Iesui eweiꞌe raꞌyn uhepe maꞌato uito ti apo are eipyꞌasetpe hawyi yt kat i hin atipuẽti eimienoi ewy e.

Iruka 23:2

Miꞌi hawyi taꞌatukuasa teran haype Iesui Piratu pe. -Taꞌi mesuwat miit yt naku i sese rakat paĩ iꞌatuꞌe. Gaꞌatpo watipuẽti Miꞌi Miit miitꞌin maꞌat hap ete iꞌatuꞌe. -Yt ewetum neiꞌo morekuat koro pe pohaꞌup e katupono Uito ti Morekuat sese wo areineꞌen e itote hap ete watipuẽti iꞌatuꞌe Piratu pe maꞌato heso.

Iuwãu 5:10

Miꞌi hawyi muap upi Iuteuria akag koꞌi teꞌeroꞌe imimoehãite pe -Koityꞌi eꞌat Tupana motypot hap eꞌat pe neꞌi uhyt iꞌatuꞌe. Yt etioto teiꞌo etupe mesup eꞌat pe katupono iwan miat ainapin hap wyti waĩꞌe kahato meke tã hap ete iꞌatuꞌe.

Iuwãu 5:3

Miꞌi tote taꞌatueꞌog me tukupteꞌen iꞌahuu rakaria typyꞌi kahato yꞌy eiam ẽpeke. Yt ihapytig i rakaria yt ipoĩꞌam kuap i rakaria ipy kĩꞌã rakaria ti tukupteꞌen.

Iuwãu 7:23

Are paĩ miꞌi pykai ti maꞌato uhete yt eiwese i mekewat eꞌat piat sehãite hap nug uhepiat pote. Yt naku i eipyꞌahak uhete wẽtup ok miit moehãite uhepiat yt aipotpap i hap eꞌat pe pote. Yt naku i watiꞌaparap Muisei miwan ete eweiꞌe e Iesui.

Iuwãu 8:6

Mio tã apo iꞌatuꞌe Iesui pe toiꞌaparap mono taꞌatuꞌe. Miꞌi hawyi maꞌato Iesui tuweꞌymyk hawyi yi kyt ete yn topuiꞌiã wo wanꞌi wanꞌiꞌe.

Iuwãu 9:16

Tupana ehay moherep haria teꞌeroꞌe -Pyno miꞌi miit yt Tupana kaipywiat i iꞌatuꞌe katupono yt aipotpap i hap eꞌat pe miꞌi tã hap tutunug iꞌatuꞌe. Maꞌato iraniaꞌin teꞌeroꞌe -Kat pote yt Tupana kaipywiat i Miꞌi Miit eweiꞌe iꞌatuꞌe. Yt Tupana kaipywiat i Miꞌi Miit pote aikotã som pyno wakuap sese tutunug kuap yt Tupana Mipoꞌoro i Miꞌi Miit pote iꞌatuꞌe iraniaꞌin. Miꞌi hawyi yt toꞌoꞌewyꞌewy i raꞌyn teꞌeruwanetup.