Mateu 11:26 - Sateré-Mawé

²⁶ Taꞌi Uiꞌywot En ni etunug naꞌyn aikotã paa e haria pe uimoherep kahato raꞌyn en emikyꞌesat ewy.

Mateu 11:26 ပူးပေါင်းရင်းမြစ်များ

Iruka 10:21

Miꞌi hawyi Tupana Paꞌãu timowepiit raꞌyn Iesui hawyi toꞌe toꞌywot pe -Papai waku kahato ti En e. Atipy piat Morekuat nuat iꞌewyte mesuwarotiat Morekuat nuat. Waku kahato en Papai katupono yt etimoherep i emikuap koꞌi -Uruto poꞌog uruweꞌeg iraniaꞌin kai e haria pe. Miꞌiria pe migꞌi wo toineꞌen emienoi koꞌi. Maꞌato hirokaria ewywuaria pe etimoherep taꞌyn emienoi koꞌi emikyꞌesat ewy e Iesui toꞌywot pe.

Iruka 22:42

-Uiꞌywot etihep kuap mesuwat kuiꞌa uipo piat pote waku are maꞌato atikyꞌesat kahato emikyꞌesat ewy yn nug hamuat e. Etikyꞌesat atuꞌu pote atuꞌu mesup emikyꞌesat ewy e.

Iruka 23:34

Miꞌi hawyi Iesui toꞌe Tupana pe -Uiꞌywot waure wo ereineꞌen no uhewanikaptia minug saꞌag kai hap atikyꞌesat katupono yt taꞌatukuap i uwe sese uwe Uito Taꞌatuꞌmiꞌauka e Tupana pe. Miꞌi hawyi Iesui esokpe taꞌatuhep taꞌyn hawyi teꞌeruwemahara raꞌyn hesokpe kyiꞌat hamo aikotã waku hesokpe taꞌatupatꞌok hamo.

Iuwãu 11:41

Mio tã e hawyi taꞌatueroꞌok taꞌyn nu kawiat heꞌokenhyp hap. Miꞌi hawyi Iesui tehaꞌat atipy kape.

Iuwãu 12:27

Miꞌi hawyi Iesui toꞌe Tupana pe -Uiꞌywot e kat areꞌe kahu epe sio Papai etiꞌywyk to uhepiat hoꞌopot hap uikuꞌuro tet pupi are sio yt Papai e. Pyno yt naku i mio tã areꞌe epe kat pote ariot uikuꞌuro miitꞌin ehakyeraꞌat hamo mesuwat yi kape e.

Iuwãu 12:28

Miꞌi hawyi waku etimowato eset Uiꞌywot. Eset moẽtyhot hamuat e toꞌywot pe. Mio tã e hawyi putꞌok e sehay atipy kaipyi toꞌe hamo -Pywo pe ti uhewaku hap atimoherep taꞌyn iꞌewyte atimoherep iraꞌyn e.

Humanu 9:18

Miꞌi pote mesup te Tupana topyhuꞌat iwese rakatno tomikyꞌesat oktan maꞌato iraniaꞌin ipyꞌahak takaria pe toiꞌatumopyꞌahak poꞌog neꞌi tuwepyi tomikyꞌesat ewy.

Ewesu 1:11

Yne tomikyꞌesat ewy Tupana saꞌawyꞌi aiꞌairo raꞌyn tomikyꞌesat ewy. Miꞌi hawyi ainug tosakiꞌytꞌin no tosaꞌyruꞌin no Aheykeꞌet Aikywyt Iesui ewywuat ainug wẽtup miit mepytꞌin koꞌi ewywuat ainug naꞌyn aito watimohey Iesui hawyi. Tomikyꞌesat ewy tutum aru ahepe topowatꞌyp yne yne. Hekat kahato rakaria wo watopyhuꞌat wuatꞌi eꞌat pe aikotã toꞌe saꞌawyꞌi wuat hap ewy raꞌyn tutum ahepe.

Ewesu 1:9

Saꞌawyꞌi emikyꞌesat ewy ereꞌe ewepe -Atum aru Uhaꞌyru pe wuatꞌi ywania ere. Atum neꞌen neꞌi aru Uhaꞌyru wuatꞌi miitꞌin me Iꞌatuporekuat no. Uimowepiit hap ewy atum aru ereꞌe saꞌawyꞌi ewepe ewanetup hawe yt kat i miitꞌin te turan. Tupana uruikuap teran kat pote urukyꞌe kahato hap. Miꞌi tã yt uruikuap hin i te wen maꞌato urukyꞌe hap miꞌi uruikuap taꞌyn. Waku kahato En urutoꞌe epe Tupana.

Ewesu 3:11

Wuatꞌi eꞌyian mete Tupana tunug toweꞌeg hap upi yne tomikyꞌesat upi. Mio tã e -Atiꞌatuehakyeraꞌat yne ywania yne miitꞌin e. Uimipoꞌoro Iꞌatuporekuat nuat po wo Uhaꞌyru minug upi atiꞌatuehakyeraꞌat wuatꞌi ywania e Tupana saꞌawyꞌi yt kat i te mesuwat yi turan yian mete mio tã e tuwepe migꞌi wo. Miꞌi hap toimoherep taꞌyn uhepe mesuwe uipyhik hawe.

2 Timoteu 1:9

Tupana ahehakyeraꞌat hawyi ainug temiitꞌin wo. Yt aiwanetup kahu hap upi i yt ahewaku hap upi i maꞌato tomikyꞌesat no tegyiꞌat hap oktan ahehakyeraꞌat wuatꞌi eꞌat piat aikotã Tupana toꞌe nimo saꞌawyꞌi tutunug yne wuatꞌi hap yian mete -Atiꞌatuehakyeraꞌat ti aru Uhaꞌyru mohey haria e Iesui etiat hap ewy.