Mateu 11:21 - Sateré-Mawé

²¹ Miꞌi hawyi Iesui toꞌe tawa Korasĩ piaria pe iꞌewyte tawa Pesaita piaria pe -Kat pote eiperia ti atunug kahato raꞌyn uimisepap ehehamo pykai yt uimohey hin i. Miꞌi hap kaipyi ti aru aikotã tawa Tiro piaria iꞌewyte tawa Sitau piaria ieineꞌen haria miꞌiria ti iwaure raꞌyn taꞌatuminug saꞌag koꞌi hawyi te kahato raꞌyn. Miꞌi hap moherep hap ti taꞌatupag taꞌatuesokpe iꞌanam nakat iꞌewyte taꞌatupag ywyryp taꞌatuꞌakag note paa taꞌatuꞌe hap moherep hamo.

Mateu 11:21 ပူးပေါင်းရင်းမြစ်များ

Mateu 11:22

Pywo pe ti areꞌe ehepe mekewat woꞌoꞌairo hap eꞌat pe ti aru poꞌog Tupana miꞌapiheg koꞌi wo eweikupteꞌen tawa Tiro piaria kai iꞌewyte tawa Sitau piaria kai.

Mateu 15:21

Mio tã toꞌe hawyi Iesui toto raꞌyn mekewat wẽtup yi mekewat tawa Tiro iꞌewyte tawa Sitau kawiat yt pya hin i rakat kape.

Mateu 18:7

Tukupteꞌen miitꞌin mesuwat rotiaria miitꞌin yt naku i nug haria. Miitꞌin maꞌat uimohey hap atoiat hap kyewi rakaria. Miꞌi hat wyti poꞌog topyhuꞌat yt naku i sese rakatno.

Mateu 26:24

Taꞌi tohenoi yne ti raꞌyn saꞌawyꞌi miwan me aikotã aru Eheykeꞌet auka hamuat etiat e. Maꞌato ti aru mekewat uimaꞌat hat Tupana tiꞌuhu kahato e. Poꞌog yt naku i pe aru topyhuꞌat e. Taꞌi poꞌog teneke yt karãpe i tuwemoherep mesuwat yi totiat e. Poꞌog waku yt karãpe i toineꞌen e.

Maku 3:8

Miitꞌin tawa Iuteu kaipywiaria Itumeiꞌa kaipywiaria iꞌewyte Ierusarẽi kaipywiaria iꞌewyte Iutãu hy sakpo puaria tuwat Iesui kape. Iꞌewyte iraniaꞌin Tawa Tiro kaipywiaria hawyi tawa Sitau kaipywiaria putꞌok iꞌatuꞌe Iesui ete. Taꞌatukuap yne raꞌyn iminug koꞌi etiat pote.

Maku 6:45

Teꞌerenuk waku hawyi Iesui tiꞌatupoꞌoro raꞌyn temiitꞌin ihyemyiꞌa sakpo tawa Pesaita kape. Miꞌi hawyi iraniaꞌin tomipoi koꞌi iꞌewyte toiꞌatupoꞌoro iꞌatuetawa koꞌi kape.

Maku 7:24

Miꞌi hawyi Iesui toto pya kahato tetama pyi wẽtup ywania etama kape i raꞌyn wẽtup setama pya wuat kape. Miꞌi hap tote putꞌok e raꞌyn iꞌatuetama Tiro piat hawyi iheg me raꞌyn toineꞌen. Katupono yt toikyꞌesat i miitꞌin miat tokuap hap. Maꞌato yt aikotã me kuap i tuwemig.

Maku 7:31

Miꞌi hawyi Iesui toto Tiro pyi yi Sitau kaipyi yꞌy wato Karireia kape iraꞌyn mekewat tama aikope 10 tawa koꞌi itote.

Maku 8:22

Miꞌi hawyi putꞌok iꞌatuꞌe ysakpo tawa Pesaita pe. Miꞌi turan so taꞌatuerut Iesui ewowi yt iha pytig i rakat -Pyno uruhẽtup kahato ehewowi meiũwat yt iha pytig i rakat imoehãite hamuat iꞌatuꞌe.

Iruka 4:26

Maꞌato mekewat eꞌat pe Tupana yt tipoꞌoro hin i Eria hiwuria ieineꞌen hap Isareu piaria kape. Maꞌato toipoꞌoro aiũpe wẽtup ok hiwu toineꞌen mekewat tama Serepa e hap mekewat yi Sitau totiat kape yn. Sakaria tote iꞌatu rakaria Isareu etama pe wen maꞌato Tupana tipoꞌoro raꞌyn Eria wẽtup ywania kape yi Serepa ywania etawa kape yi Sitau kape wẽtup ok hiwu powyro hamo.

Iruka 6:17

Iesui tiꞌatuꞌairo 12 ok takaria temiitꞌin hawyi ipotꞌapyk yityꞌok kaipyi yt hot kape. Miꞌi tote tukupteꞌen Iesui kat haria iꞌatu kahato rakaria. Miꞌiria tawa Iuteu kaipyi tawa Ierusarẽi kaipyi iꞌewyte yꞌy wato yẽpe etiat tawa Tiro kaipyi hawyi Sitau kaipywiaria toiꞌatupuẽti yihot pe.

Iruka 9:10

Miꞌi hawyi Iesui potpoꞌororia teꞌeraꞌaipok i raꞌyn tawa koꞌi kaipyi ihay moherep haria. Miꞌi hawyi taꞌatuhenoi aikotã aikotã ipuꞌap muat upi taꞌatuminug hap koꞌi taꞌatuewyry hap upi taꞌatuhenoi henoi yne yne Iesui pe. Taꞌatuhenoi yne raꞌyn hawyi Iesui teꞌerepoꞌok i raꞌyn temiitꞌin wẽtup tawa kape tawa Pesaita kape taꞌatuweran temiitꞌin nywo hap toikyꞌesat.

Iuwãu 1:44

Meimuẽwat myẽꞌym ok takaria wyti Wiripi hawyi Ãtere hawyi Peteru tawa Pesaita kaipywiaria.

Iuwãu 12:21

Miꞌiria taꞌatuhẽtup Iesui emiit Wiripi pe -Uhyt urutehaꞌat teran Iesui kape iꞌatuꞌe mekewat Wiripi pe yi Kereku ywania tawa Pesaita kaipywiat ri.

Iesui Potmuꞌeria 12:20

Miꞌi hawyi Eroti haiwot kahato tawa Sitau piaria ete. Iꞌewyte tawa Tiro piaria ete. Toipyhyp teran naꞌyn muap kareꞌen erut iꞌatuewowiat hap. Miꞌi pote tõꞌẽ tõꞌẽ Eroti kape imowepiit hamo. Miꞌi hawyi morekuat emiit Paraitu e hap mekewat morekuat yat koro eropat hat kape tuwat saꞌawyꞌi imowepiit hamo. Paraitu waku e hawyi tuwat morekuat Eroti kape imoperup i hamo -Waku ti etiꞌatukyꞌe Tiroꞌin Sitauꞌin iꞌatuꞌe katupono iꞌatumiꞌu koꞌi tuut morekuat Eroti po pyi.

Iesui Potmuꞌeria 27:3

Heꞌihatꞌok pe putꞌok urutoꞌe tawa Sitau me. Miꞌi hawyi surara koro Iuriu iwese kahato tomipyhik Pauru ete -Waku ereto ewyriaꞌin yat kape e. Waku erenuk itote e Pauru pe.

Iuta 1:11

Taꞌi uiwyriaꞌin miꞌiria ti saꞌawyꞌi wuat Kaĩ e hap het rakat ewywuat heko rakaria. Kaĩ ti saꞌawyꞌi ipyꞌahak toꞌywyt wakuat Apeu toiꞌauka yt nakuat i uito teꞌe hap toimoherep. Kaĩ ewywuat sese koꞌi miꞌiria tukupteꞌen aat kaꞌap are. Nimo te mekewat Tupana ehay ran moherep hat paini koro Parãu me Tupana toꞌe -Yt ereto teiꞌo uiꞌywania Iuteu ywania kuasa te hamo e. Maꞌato Parãu toto raꞌyn toikyꞌesat kahato haꞌup iwato morekuat po pyi. Miitꞌin tiꞌaparap mono Tupana kapiat weꞌeg hap teꞌetu yt naku i nug hamo toto. Itote toimoherep yne saꞌag sepap hap. Miꞌi hap ewy miꞌiria paini Parãu ewywuat tukupteꞌen Tupana ehay ran moherep haria maꞌato iꞌatupyꞌa pe yt kat i Tupana kyꞌe sese hap wywo are. Taꞌatuhenoi miitꞌin wen maꞌato iꞌatuekat kyewi hap yn teꞌeruwewanetup wywo. Iꞌewyte ti teꞌeruwemowato teran kahato hap kape yn teꞌeruwewanetup kaꞌap are. Yt kat i Tupana motypot hap sese iꞌatuekai are. Saꞌawyꞌi wuat paꞌi ran Kora e hap wanetup hap -Uito poꞌog Muisei kai e nimo Tupana mohey haria Muisei miꞌapykoktia pe. Toipohari yne teran Muisei Tupana mohey haria Tupana hũria haype. Maꞌato toiꞌaparap kahato Tupana pe hawyi Tupana miꞌauka meremo rakatno topyhuꞌat yi kaꞌa pe ipyyp. Taꞌi mekewat paꞌi Kora ewywuaria kahato tukupteꞌen ne mesup aipyꞌasetpe are. Miꞌiria Tupana hũria aimiꞌapykok aiwyriaꞌin Iesui mohey haria ete aipohari teran aimiꞌapykok wẽtup sehay upi yt Iesui ehay upi i haria. Miꞌiria wyti aru Tupana mimoma wuatnuaria paꞌi Kora ewywuat are.

Iesui Aru E Hap 11:3

Mekewat eꞌat pe aru atipoꞌoro typy ok uimiꞌairo koꞌi uhehay moherep hamuat tawa Ierusarẽi miaria kape e. Atum miꞌiria pe uhesaika hap uhehay moherep hamuat 1260 eꞌat taꞌatumoherep uhehay uhesaika hap wywo e. Iꞌatuesokpe iꞌanam nakat waku paa watoꞌe aiminug saꞌag ete e hap moherep hamo e.

Iesui Aru E Hap 6:12

Miꞌi hawyi arahaꞌat i raꞌyn Tupana Hũ Kuteiru kape. Miꞌi hawyi toipak taꞌyn wẽtup miwan moheg hap 6 hap taꞌyn hawyi yi tyryꞌe tyryꞌe kahato. Miꞌi hawyi aat yt hẽtyhot hin i. Iꞌewyte aat hun kahato aikotã sokpe hun puo hẽtyhot hap ewy. Iꞌewyte waty ihup aikotã suu ewy toꞌopuẽti pykai ihup. Miꞌi hap kape araꞌakasa.