Mateu 11:11 - Sateré-Mawé

¹¹ Pywo pe ti areꞌe ehepe torannia haryporiaꞌin kaipywiaria wemoherep haria toꞌoran myi ti Iuwãu woꞌosetꞌok poꞌog iwato rakatno katupono Iuwãu henoi henoi kahato raꞌyn Tupana saꞌyru uut hap etiat. Miꞌi pykai iraniaꞌin Tupana toineꞌen aiporekuatno hap eꞌat etiat kuap haria poꞌog Iuwãu kai tukupteꞌen.

Mateu 11:11 ပူးပေါင်းရင်းမြစ်များ

Mateu 11:10

Katupono saꞌawyꞌi mio tã e Tupana tosaꞌyru pe miwan me. -Uhaꞌyru e meiũran ti aru woropoꞌoro miitꞌin kape maꞌato ti atikyꞌesat wẽtup ok ti atipoꞌoro eꞌyian me. Miꞌi ti aru eto hamuat hap etiat henoi henoi miitꞌin me -Eweimohãpyk o ipuꞌap huut hap eꞌyian me e hat.

Mateu 11:12

Iuwãu henoi raꞌyn aikotã Tupana topyhuꞌat wyti aru aiporekuatno hap etiat. Miꞌi hawyi miꞌi mohey hanuaria taꞌatuhãꞌãg kahato iraniaꞌin porerokosap yt naku i nug hap pywiat Tupana toineꞌen aiporekuatnuat mohey hanuaria wo.

Mateu 3:1

Mekewat eꞌat pe ti Iuwãu woꞌosetꞌok hat tuut raꞌyn yi Iuteu yahig wato kape. Itote wyti toiꞌatumuꞌe kahato raꞌyn.

Mateu 3:11

Uito ti worohoꞌosetꞌok yꞌy wo neꞌi. Urutoiat yne raꞌyn uruminug saꞌag yt nakuat i hap koꞌi eiꞌe moherep hap. Maꞌato Uhaipe piat tuut rakat wyti aru ehetꞌok Tupana Paꞌãu wakuatno raꞌyn iꞌewyte aria wo raꞌyn. Taꞌi miꞌi miit ri poꞌog poꞌog uikawiat wakuat are e. Uiat uhewaku hap ti yt putꞌok e hin i hemiit ipysei hamo ipy sokpe pag hamo e.

Mateu 5:19

Miꞌi tupono waku watunug yne kahato Tupana piat ainapin hap koꞌi miwan miat e. Maꞌato uwe uwe mekewat Tupana mikyꞌesat miwan miat yt inug neran i ainapin hap koꞌi haype toꞌe iraniaꞌin me -Tupana piat ainapin hap koꞌi miwan miat koꞌi ewy e hat ti aru yt uwe mimotypotno i raꞌyn topyhuꞌat atipy pe e. Maꞌato uwe uwe Tupana mikyꞌesat ewy inug iꞌe hap miwan miat ewywuat miꞌi hat henoi kahato iraniaꞌin me -Taꞌi waku watunug yne torannia ainapin Tupana piat hap koꞌi miwan miat e hat wyti aru Tupana etama atipy piat pe poꞌog topyhuꞌat Tupana mimotypotno e Iesui.

Iruka 1:15

Miꞌi ti aru wakuat sese rakatno toineꞌen Tupana ehamo. Miꞌi ti aru yt mahy u hat i iꞌewyte mahy hesaika rakat yt karãpe i tutuꞌu maꞌato ti aru wuatꞌi eꞌat pe howopy Tupana Paꞌãu wakuatno yn toty imyẽpyi te rakat.

Iruka 7:28

Miꞌi hawyi Iesui henoi poꞌog -Pyno areꞌe ehepe Iuwãu wyti poꞌog torannia saꞌawyꞌi wuaria wemoherep haria kawiat maꞌato poꞌog kurin nakat wyti toineꞌen aikope Tupana toineꞌen morekuatno hap tote iwatoꞌin nakaria kai.

Iruka 9:48

Miꞌi hawyi Iesui toꞌe -Uwe ikyꞌe kahato meiũwat hirokat miꞌi hat wyti uikyꞌe hat toineꞌen. Iꞌewyte uwe uikyꞌe miꞌi hat wyti uimipoꞌoro hat kyꞌe hat toineꞌen. Kat pote uwe toineꞌen poꞌog ipyꞌa perupꞌi kahato rakat eipyꞌasetpiat miꞌi yn wyti toineꞌen kuap poꞌog iwato rakatno.

Iuwãu 1:15

Haꞌawyte te ti Iuwãu mekewat woꞌosetꞌok hat henoi henoi kahato miitꞌin me Mekewat miit etiat. Mio tã e miitꞌin me -Meipe raꞌyn tuut irane uhewatꞌypmo wẽtup ok uheineꞌen hap eꞌyian me te wuat ieineꞌen hat e. Miꞌi suut hanuat wyti poꞌog poꞌog wakuat uikawiat e.

Iuwãu 1:27

Miꞌi miit ti uhewatꞌypmuat tuut irane. Miꞌi miit waku sakpo e rakat poꞌog waku kahato uikai e. Pywo ti uiwat uhewaku hap yt putꞌok e hin i ipy saity pok hamo e Iuwãu Iesui waku kahato hap moherep hamuat.

Iuwãu 10:41

Miꞌi turan miitꞌin tõꞌẽ tõꞌẽ hewowi. Miꞌi hawyi teꞌeroꞌe toꞌope -Iuwãu ahetꞌok hat yt kat mowato hap koꞌi i toimoherep ahepe Tupana kaipyi. Yt karãpe i Tupana yn misepap kuap hap ewywuat tutunug ahehamo wen maꞌato mekewat imienoi Iesui etiat pywuat kahato rakat tohenoi ahepe Iuwãu iꞌatuꞌe toꞌope.

Iuwãu 3:30

Miꞌi hawyi waku Miꞌi Miit tuwemowato poꞌog uikai. Putꞌok e hawyi waku uito poꞌog kurin areineꞌen miitꞌin wanetup hawe e.

Iuwãu 5:35

Taꞌi saꞌawyꞌi Iuwãu mienoi uhetiat ariãty ewy hẽtyhot yne e. Haꞌawyte ran eweikupteꞌen Iuwãu ehay upi ihay se kahato eweiꞌe saꞌawyꞌi.

Iuwãu 7:39

Mekewat eꞌat pe yt kat i te Tupana Paꞌãu miitꞌin pya pe. Yt tutum i te pote Iesui taꞌaipok atipy kape hawyi Tupana mimotypot no hawyi toimoꞌẽ Topaꞌãu wakuat tomohey haria torannia pe.

1 Kuriniu 15:9

Maꞌato uhewaku hap yt putꞌok e hin i iraniaꞌin Iesui potmuꞌeria kai katupono saꞌawyꞌi Iesui mohey haria ti atiꞌatusatyꞌi satyꞌi kahato. Saꞌawyꞌi atiꞌatumoma kahato miꞌiria. Saꞌawyꞌi atiꞌatuꞌuka miꞌiria maꞌato miꞌi pykai Tupana uikyꞌe. Yt uhewaku hap upi hin i uiꞌairo topotpoꞌoro wo. Saꞌawyꞌi hewanikap nuat areineꞌen pykai uiꞌairo topotpoꞌoro wo are.

1 Kuriniu 6:4

Yt naku i watuꞌuka aiwoꞌope maꞌato toineꞌen aiwuꞌuka hap pote yt naku i watikay kay suraraꞌin aiwuꞌuka wuꞌuka hap monik hamo aiwoꞌopiat aiwoꞌoehay uuka turan.

Ewesu 2:3

Pyno saꞌawyꞌi yne aito watopyhuꞌat ahiag emiit no yt nakuaria i ewy. Saꞌawyꞌi aimikyꞌesat saꞌag he watipuẽti. Mekewat eꞌat pe aiminug aipiit mikyꞌesat saꞌag koꞌi kape yn poꞌog poꞌog ahepap waĩꞌe Tupana pykai watunug saꞌag neꞌi. -Miꞌi tã ewetunug mote worohoꞌoꞌapiheg neꞌi eipe e Tupana ahepe pykai watunug yne yne yt imikyꞌesat i koꞌi.

Ewesu 3:8

Uhewaku hap yt putꞌok e hin i Aipotypot eropat hamo are. Taꞌi uito ti poꞌog kurin katno areineꞌen poꞌog yi kape torannia Iesui mohey haria kai areineꞌen uito maꞌato miꞌi pykai Tupana uiꞌairo iraniaꞌin ywania muꞌe hamo tehay ikahu rakat ete uhewaku hap yt putꞌok e hin i heropat hamo pykai are. Yt naku i uito pykai towese kahato hap mywo uiꞌairo katupono yt poꞌog hin i uito. Koitywy atimoꞌẽ kahato iraniaꞌin ywania pe. Tupana ekareꞌen moꞌẽ hat ewywuat areineꞌen uito aikotã wuatꞌi eꞌat piat hekat rakat tomoꞌẽ hap ewy areineꞌen. Aikaꞌiwat Iesui ekat iwato kahato aikotã poꞌog poꞌog wuatꞌi kai toineꞌen poꞌog poꞌog Miꞌi ekat moꞌẽ hat ewy areineꞌen uito Pauru.

2 Timoteu 1:10

Pyno koitywy watikuap kahato hegyiꞌat ahepiat hap katupono Aikaꞌiwat Iesui uut hawyi tuwemoherep taꞌyn ahepe aikotã aikuꞌuro hap kaipywiat aimoherep hamo. Tehay wakuat toimoherep taꞌyn ahepe aheineꞌen wuatꞌi eꞌat piat hamuat hap.

Epereu 11:40

-Pyno iꞌatu kahato uimohey haria aru ehaipepiaria e Tupana tomohey yianmiaria pe. Pyno mesup watopyhuꞌat miꞌiria mimuꞌeria katupono miꞌiria ewywuat watomohey. Pyno watomohey yne hawyi wẽtup piit ewy watopyhuꞌat hawyi -Waku raꞌyn e aru Tupana. Toran naꞌyn. Atunug yne raꞌyn uiꞌe hap ewywuat pote mesup waku raꞌyn miitꞌin sem naꞌyn waikiru koꞌi ewywuat yi kyt koꞌi ewywuat uimohey haria sok iꞌatu kahato hap ewywuat tukupteꞌen uimiehakyeraꞌat koꞌi wuatꞌi ywania hap ewywuat mesup uimohey haria tukupteꞌen mesup e aru. Miꞌi pote atunug naꞌyn yne uiꞌe hap ewywuat e aru Tupana hawyi waku maꞌato yt uwe i aito Iesui mohey haria pote yt tutunug yne i te toꞌe hap ewywuat e.

1 Peteru 1:10

Saꞌawyꞌi sese aheꞌyian miaria Tupana ehay moherep haria henoi kahato aikotã aru Tupana topyhuꞌat hegyiꞌat kahato wuatꞌi ywania piat hap ete iꞌatuehay. Aikotã aikotã aru tutunug hap ete iꞌatuꞌe Iesui etiat. Taꞌatumoherep kahato aikotã Tupana ahehakyeraꞌat hap. Taꞌatukuap teran sese saꞌawyꞌi maꞌato iꞌypyryp hap ewy taꞌatukuap. Maꞌato taꞌatumikuap oktan taꞌatumoherep Tupana Paꞌãu kaipyi ahepe Iesui uut hap etiat katupono miwan myi saꞌawyꞌi wuaria imoherep Tupana yn mikuap koꞌi sehay are.