Mateu 10:7 - Sateré-Mawé

⁷ Putꞌok eweiꞌe aiꞌywania pyꞌasetpe hawyi waku mio tã eweiꞌe eweꞌatumuꞌe -Pywo ti tuut irane Tupana Mipoꞌoro Aiporekuatnuat eweiꞌe.

Mateu 10:7 ပူးပေါင်းရင်းမြစ်များ

Mateu 10:8

Iꞌewyte waku eweiꞌatumoehãite hepihi pihi rakaria iꞌewyte iraniaꞌin aikotã aikotã iꞌahuu rakaria. Iꞌewyte eweiꞌatumoehãite o ikuꞌuro rakaria e. Iꞌewyte eweiputsit o maꞌãu saꞌag koꞌi miitꞌin piit pyi yt kat saꞌup i e.

Mateu 11:1

Miꞌi hawyi tohenoi henoi yne raꞌyn temiitꞌin 12 ok takaria pe aikotã waku taꞌatunug hamuat hap. Miꞌi hawyi Iesui toto iraꞌyn temiitꞌin wywo mekewat tawa pyi iraniaꞌin muꞌe hamo hawyi tohenoi henoi raꞌyn tehay miitꞌin me mekewat irania tawa koꞌi yt pya i itote pywiat rakaria kape.

Mateu 21:31

Miꞌi pote apo are ehepe uwe som pyno toꞌywot mikyꞌesat nug hat sio watꞌyp sio yian e Iesui Tupana motypot yat piaria akag koꞌi pe. Miꞌi hawyi taꞌatuwesat -Taꞌi yian yn inug toꞌywot mikyꞌesat iꞌatuꞌe. -Pywo pe ti miꞌi tã e Iesui. Pywo pe ti miitꞌin morekuat saꞌup sat haria iꞌewyte haryporia yt iweꞌeg i rakaria teꞌeruwehytꞌok Tupana etama pe eiꞌowokai te e.

Mateu 21:43

Miꞌi e hap ewy kahato ti aru topyhuꞌat mesuwe katupono Tupana tihep aru eipo pyi morekuatno toineꞌen hap hawyi ti aru tutum wẽtup ywania kape raꞌyn tomikoi ypia hawyi tuwenug kahato haat koꞌi e.

Mateu 23:13

Miꞌi hawyi Iesui toꞌe miwan kuap haria pe iꞌewyte woꞌomuꞌe haria pe -Taꞌi heso rakaria ti eipe typy hẽku rakaria e Tupana ehay kuap ran haria pe. Yt eweikyꞌesat i ti miitꞌin tuwat aikope Tupana toineꞌen Morekuatno hap kape e. Taꞌi eweiꞌatupyhyp kahato ti miitꞌin ipap Tupana etawa kapiat rakaria e. Iꞌewyte ti eipe yt eweiwat teran hin i. Miꞌi pote ti iraniaꞌin yt tuwat i eiꞌewy e.

Mateu 3:2

Mio tã e toiꞌatumuꞌe -Eweiꞌatoiat ro yne eiminug saꞌag koꞌi e katupono mio tuut ti aru raꞌyn aikaꞌiwat e.

Mateu 4:17

Itote ti Iesui haꞌawynug naꞌyn miitꞌin muꞌe hap. -Eweiwemorem no Tupana kape katupono yt pya hin i Tupana topyhuꞌat Miitꞌin Porekuatno sese hap e.

Maku 6:12

Putꞌok taꞌatuꞌe miitꞌin muꞌe hamo tawa koꞌi pe hawyi mio tã iꞌatuꞌe miitꞌin me -Koitywy eweiꞌatoiat ro yt nakuap i eiminug koꞌi hawyi eweiꞌaipok to Tupana etiat kuap hamo iꞌatuꞌe miitꞌin me.

Iruka 16:16

Saꞌawyꞌi Muisei miwan iꞌewyte yne Tupana ehay moherep haria toineꞌen miitꞌin muꞌe hamuat hap. Miꞌi hawyi Iuwãu putꞌok e hawyi tohenoi raꞌyn aikotã wyti aru Tupana topyhuꞌat morekuatno hap etiat. Miꞌi hawyi miitꞌin tuwehytꞌok teran kahato aikope Tupana toineꞌen morekuatno hap tote.

Iruka 9:2

Miꞌi hawyi toiꞌatupoꞌoro temiitꞌin miitꞌin muꞌe hamo aikotã Tupana toineꞌen morekuatno hap etiat hamo. Iꞌewyte iꞌahuu rakaria moehãite hamo.

Iruka 9:6

Mio tã e hawyi tuwat raꞌyn hemiitꞌin wuatꞌi miitꞌin piat sehay wakuat Iesui etiat enoi hamo. Iꞌewyte tuwat turan taꞌatumoehãite kahato wuatꞌi tawa puo iꞌahuu rakaria.

Iruka 9:60

Mio tã e pote Iesui toꞌe -Tero ikuꞌuro rakaria toꞌosyp mekepe toꞌope maꞌato waku en ereto aikotã Tupana toineꞌen morekuatno hap etiat enoi miitꞌin piat hamo.

Iuwãu 3:2

Miꞌi ti wãtym muo Nikutemu toto Iesui kape. Putꞌok e Iesui ete hawyi toꞌe tope -Urumuꞌe hat e ewat eminug wakuap koꞌi yt uwe misepap ewy i raꞌyn e. Miꞌi pote uruikuap Tupana epoꞌoro urumuꞌe hamo hap mehin e. Miꞌi pote uruikuap Tupana toineꞌen ewywo kahato Mehin e Iesui pe.

Iesui Potmuꞌeria 10:25

Miꞌi hawyi Peteru putꞌok e Kuneriu yat eꞌokenꞌypyke hawyi meremo Kuneriu tuwepỹꞌãtutuk howa kape tepiat Peteru motypot hamo maꞌato Peteru timopoĩꞌam neꞌi.

Iesui Potmuꞌeria 28:31

Miꞌi tote tohenoi kahato aikotã Tupana topyhuꞌat Aipotypot no wuatꞌi pe yt tokenꞌẽ wywo hin i tohenoi. Yt uwe kuap i waĩꞌe Pauru pe. Itote toiꞌatumuꞌe muꞌe aat Aikaꞌiwat Iesui ete Tupana Mipoꞌoro Aiporekuat nuat ete. Uito ti Iruka uimiwan waku raꞌyn Toran are.

Iesui Potmuꞌeria 4:2

Yt naku i eweiꞌatumuꞌe miitꞌin aikotã Iesui tuwẽtem guꞌuro pyi hap ete iꞌatuꞌe. Waĩ neiꞌo iꞌatuꞌe. Pyno yt naku i eweiꞌatumuꞌe miitꞌin iꞌatuꞌe.