Mateu 10:4 - Sateré-Mawé

⁴ hawyi Simau teꞌyi motypot hanuat hawyi Iuta mekewat Iesui maꞌat hanuat.

Mateu 10:4 ပူးပေါင်းရင်းမြစ်များ

Mateu 26:14

Miꞌi hawyi ti wẽtup ok hemiit 12 ok hap Iuta Ikarioti saꞌyru toto raꞌyn paꞌi kororia kape henoi hamo.

Mateu 26:15

-Kat aru Iesui puẽti hap saꞌup ewetum uhepe ahenoi ehepiat ipytyk hamo pote e. Miꞌi hawyi Iuta pe taꞌatuium 30 ape Iesui enoi hap saꞌup mo.

Mateu 26:2

-Pyno mukiꞌite eꞌihatꞌok hawyi ti aru aiꞌywania tuwat yne raꞌyn ienuk hap nug hamo mekewat ahewanikaptia saꞌawyꞌi wuat Esituꞌin po pywiat hoꞌopot hap kaipywiat ahenoꞌẽ hap kapiat watetup hap eꞌat nug hamo e. Miꞌi turan Uito Eheykeꞌet ewanikaptia po pe areineꞌen uiꞌauka ariaꞌyp posak etiat hamuat e Iesui.

Mateu 26:47

Mio tã e turan Iuta putꞌok e raꞌyn. Tõꞌẽ tõꞌẽ Iuta upi typyꞌi kahato ariaꞌyp akun koꞌi wywo kyseꞌyp koꞌi wywo Iesui kape ipok pok hamo. Miꞌiria Paꞌi kororia nagnia akag koꞌi miꞌatupoꞌororia Iesui sat hamo tõꞌẽ Iuta wywo.

Mateu 27:3

Miꞌi hawyi tuwanetup hawyi Iuta Iesui maꞌat hat taꞌaipok paꞌi kororia kape toꞌe hamo -Ahatyꞌu raꞌyn uipyꞌa pe uiminug saꞌag Uikaꞌiwat etiat hap paĩ e iꞌatuepe. Ewetat i ro mesuwat saꞌup saꞌag uipo pyi e.

Maku 14:10

Miꞌi hawyi suraraꞌin tikat kahato Iesui iꞌauka hamo maꞌato yt taꞌatupuẽti i. Miꞌi hawyi wẽtup ok hemiit Iuta Ikarioti e hap 12 ok hap toto paꞌi wato koꞌi kape Iesui maꞌat hamo.

Maku 14:43

Mio tã e turan wẽtup ok hemiit Iuta 12 ok hap tuut. Miꞌi wywo typyꞌi kahato raꞌyn suraraꞌin tõꞌẽ tõꞌẽ Iesui pyhik hanuaria. Iraniaꞌin ariaꞌyp akun koꞌi wywo iraniaꞌin kyseꞌyp wywo tõꞌẽ tõꞌẽ. Paꞌi koro miwan enoi haria nagnia mipoꞌororia tõꞌẽ tõꞌẽ hemiit Iuta upi.

Iruka 22:3

Miꞌi turan ahiag teke raꞌyn Iesui potmuꞌe Iuta e hap piit pe mekewat Ikarioti saꞌyru piit pe teke mekewat Iesui potmuꞌe wẽtup ok 12 ok takat pe.

Iruka 22:47

Mio tã e turan suraraꞌin sem putꞌok iꞌatuꞌe miitꞌin typyꞌi kahato rakaria wywo. Miꞌiria muap moherep hat tuut raꞌyn wẽtup ok Iesui potmuꞌe saꞌag Iuta e hap. Miꞌi tokosap Iesui ewowi imoherep suraraꞌin me hamo hawyi iporokaꞌat Iesui iꞌãpysig hamo.

Iuwãu 13:2

Teꞌerenuk hap tote Simau Ikarioti saꞌyru hemiit Iuta e hap piit pe ahiag teke raꞌyn Iesui maꞌat hamuat raꞌyn.

Iuwãu 6:64

Maꞌato tukupteꞌen eipyꞌasetpe yt uimohey i haria e. Katupono saꞌawyꞌi Iesui tikuap ti raꞌyn tukupteꞌen eipyꞌasetpe yt imohey i hanuaria. Toikuap taꞌyn temiit tomaꞌat hanuat hat.

Iuwãu 6:71

Iesui Iuta etiat tohenoi. Miꞌi ti Simau Ikariote saꞌyru. Toineꞌen 12 ok takaria pyꞌasetpe Iesui miꞌairo maꞌato meiũran hawyi Iesui maꞌat hanuat topyhuꞌat.

Iesui Potmuꞌeria 1:13

Miꞌi hawyi putꞌok iꞌatuꞌe i raꞌyn ipotpoꞌororia mekewat akipy ywaiti rakat pe. Miꞌi hawyi itote tukupteꞌen i raꞌyn aikope saꞌawyꞌi Iesui wywo tukupteꞌen hap tote. Itote tukupteꞌen ipotpoꞌororia Peteru Iuwãu hawyi Tiaku hawyi Ãtere Wiripi Tume Patorumeu Mateu Tiaku mekewat Auweu saꞌyru Simau mekewat surara Iuta mekewat Tiaku ywyt. Miꞌiria ipotmuꞌeria sese tukupteꞌen aikope saꞌawyꞌi Iesui tenuk akipy ywaiti tote hap tote teꞌeropyhuꞌat 11 ok takaria.

Iesui Potmuꞌeria 1:25

Katupono yt uwe i Iuta potpap nug hat mesup iꞌatuꞌe. Toto raꞌyn Iuta teiam aria woꞌomosoꞌopot hap kape iꞌatuꞌe. Pyno waku etiꞌairo wẽtup ok Iuta saipepiatnuat sio Iuse sio Matia iꞌatuꞌe Tupana pe.