Mateu 10:3 - Sateré-Mawé

³ hawyi topotmuꞌe Wiripi hawyi Patorumeu hawyi Mateu mekewat saꞌup poreraꞌat miitꞌin kaipywiat hat. Hawyi Tiaku Auweu saꞌyru hawyi Tateu

Mateu 10:3 ပူးပေါင်းရင်းမြစ်များ

Mateu 18:17

Maꞌato mekewat miit iꞌaparap hat yt tuwanetup teran i ehehay kape miꞌi pote waku ehenoi torannia Iesui mohey haria pe. Maꞌato miꞌi pykai yt tuwanetup teran i Iesui mohey haria ehay kape miꞌi hat wyti toineꞌen aikotã wẽtup ok yt hetupana rakat i ewy. Iꞌewyte aikotã wẽtup ok saꞌup sat iraniaꞌin ywania kaipywiat hat ewy.

Mateu 27:56

Itote toineꞌen mekewat yi Matarena kaipywiat Maria e hap het rakat. Iꞌewyte wẽtup ok Maria Sepeteu saꞌyruꞌin Tiaku hawyi Iuse ty toineꞌen iꞌatuwywo.

Mateu 9:9

Miꞌi hawyi Iesui tuwẽtem iraꞌyn itote pyi hawyi toto muap upi turan toipuẽti wẽtup ok saꞌup poreraꞌat miitꞌin kaipywiat hat mekewat het Mateu e hap. Miꞌi toipuẽti apyk pe aiũpe toiporeraꞌat saꞌup miitꞌin kaipyi hap tote. Miꞌi hawyi Iesui toꞌe Mateu pe -Toꞌiro uhupi Mateu. Mio tã e hawyi meremo ipoĩꞌam hawyi toto raꞌyn hupi.

Maku 15:40

Tukupteꞌen itote haryporiaꞌin tawa Ierusarẽi kaipywiaria teꞌeraꞌakasa pya pyi Iesui auka hap kape. Miꞌi haria pyꞌasetpe tukupteꞌen mana Sarume mana Maria Matarena hawyi Sarume hawyi mana Maria Iuse ty iꞌewyte Tiaku ty. Tiaku Iuse saꞌyru iwatꞌypꞌi toineꞌen.

Maku 2:14

Miꞌi hawyi tewyry hap tote Iesui taꞌakasa uhyt Irewi mekewat Auweu saꞌyru apyk pe ipotpap netap wiat rakat. Miꞌi ipotpap muap pyhyp hap ete. Wuatꞌi muap kareꞌen koꞌi toipyhyp. Toiporeraꞌat saꞌup toꞌywania kaipyi wanikaptia porekuat pe. Miꞌi hawyi Iesui tuwẽpowat hewowi -Toꞌiro uiwywo Irewi e. Miꞌi hawyi ipoĩꞌam naꞌyn hawyi toto Iesui upi.

Maku 3:18

Miꞌi hawyi toiꞌatuꞌairo temiitꞌin Ãtere hawyi Wiripi hawyi Patorumeu. Miꞌi hawyi toiꞌairo Mateu hawyi Tume. Miꞌi hawyi toiꞌairo Tiaku Auweu saꞌyru hawyi Tateu hawyi Simau. Miꞌi ti toineꞌen hesaika rakat kat kat koꞌi nug hamuat ete.

Iruka 18:10

Miꞌi haria pe Iesui henoi -Pyno typy ihainiaꞌin so tuwat raꞌyn Tupana motypot hap yat kape taꞌatuehay Tupana wywuat hamo e. Wẽtup ok Tupana ehay moherep hat. Miꞌi ti -Poꞌog uito iraniaꞌin kai e tuwepe hat e. Miꞌi hawyi so wẽtup ok yt naku i kahato rakat katupono ipotpap ehewanikaptia porekuat emiitno ehekareꞌen poreraꞌat hamuat wuatꞌi muap upi hanuat miꞌi e.

Iruka 18:11

Miꞌi hawyi so mekewat uito poꞌog iraniaꞌin kai e hat toꞌe -Uito waku sese kahato atunug e so uito poꞌog waku iraniaꞌin kai e so tuwepe tuwanetup hawe e. Arehum ewowi uiwaku hap upi e so. Uito yt iraniaꞌin ewy hin i iꞌatuminug saꞌag hap ete e so. Are paĩ e uito ti yt miitꞌin maꞌat hat ewy hin i e. Uito yt areineꞌen i wuatꞌi haryporia wywo ehat i e. Waku kahato uito paĩ e so. Pyno arehum kahato ewowi Tupana katupono uito yt mekewat yt naku i rakat ewy i. Miꞌi ti miitꞌin poreraꞌat hatno toineꞌen e so tuwepe Tupana motypot yat pe e.

Iruka 18:13

Miꞌi hawyi mekewat yt naku i nug hat mekewat miitꞌin ekareꞌen pyhyp hat pya kahato iraniaꞌin waku nug haria kai toineꞌen. Yt tehaꞌat hin i atipy kape Tupana ewowi tehay hamo maꞌato yi kape yn tehaꞌat hawyi tuweꞌahyk ahyk tuwemoti Tupana wywo tehay hamuat haype. -Yt uiꞌapiheg neiꞌo uiminug saꞌag upi e. Atikuap taꞌyn uito yt naku i kahato rakatno areineꞌen wen maꞌato waku ehegyiꞌat hap kaipyi uhehakyeraꞌat hatno ereineꞌen Tupana e paa toꞌe haype e so e Iesui.

Iruka 19:2

Miꞌi tawa pe toineꞌen hekat kahato rakat Sakeu e hap het rakat. Miꞌi miit ri yt naku i kahato rakat toineꞌen iraniaꞌin wanetup hawe katupono ipotpap Iuteu ywania wanikaptia morekuat powyro toꞌywania ekareꞌen pyhyp hamo.

Iruka 5:27

Miꞌi hawyi itote pyi Iesui toto raꞌyn hawyi taꞌakasa wẽtup ok mekewat Irewi e hap kape miitꞌin kaipywiat saꞌup poreraꞌat hat kape. Miꞌi toineꞌen apyk pe aiũpe saꞌup atunug hap tote. Miꞌi pe Iesui toꞌe -Toꞌiro uhupi Irewi e.

Iuwãu 1:48

Miꞌi hawyi Natanaeu toꞌe Iesui pe -Aikotã tuponoĩ uikuap En Uhyt e. Miꞌi pote Iesui tiwesat -Haꞌawyte neke ewy Wiripi piat ekay kay hap eꞌyian mete mekewat Wiku yp ywytꞌokpype ereineꞌen turan eweran turan tig araꞌakasa ewowi e.

Iuwãu 11:16

Miꞌi hawyi toꞌe wẽtup ok hemiit ipat rakat Tume e hap -Pyno waku watuwat iwywo e. Waku aikuꞌuro iwywo e iraniaꞌin Iesui potmuꞌeria pe.

Iuwãu 14:22

Miꞌi hawyi ipotmuꞌe Iuta maꞌato wẽtup ok yt Iuta mekewat Ikarioti saꞌyru i toꞌe Iesui pe -Kat pote pyno uruepe yn apo eremoherep En hap Mehin e. Kat pote yt yne miitꞌin me eremoherep teran Uhyt e.

Iuwãu 14:5

Maꞌato ipotmuꞌe Tume tiwesat -Yt uruikuap hin i Uhyt aikowuat ereto hamuat hap e. Pyno aikotã som waku pyno uruikuap epuꞌap Uhyt e.

Iuwãu 14:9

Miꞌi pote Iesui Wiripi wesat -Kat pote yt uikuap i en uiwy Wiripi e katupono areineꞌen motꞌi kahato raꞌyn eipyꞌasetpe maꞌato apo yt uikuap i te en e. Uhewowiat akasa haria wyti Uiꞌywot kapiat akasa haria tukupteꞌen e. Kat pote -Etomoherep to Eꞌywot uruepe ereꞌe e Iesui Wiripi pe.

Iuwãu 21:2

Tukupteꞌen itote Simau Nu e hap hawyi ipotmuꞌe Tume wẽtup set Titimu ipat rakat. Miꞌi rẽ ipotmuꞌe Natanaeu tawa Kana tama Karireia kaipywiat. Miꞌi hawyi Sepeteu saꞌyruꞌin hawyi typy ok poꞌog Iesui potmuꞌeria tukupteꞌen itote.

Iesui Potmuꞌeria 1:13

Miꞌi hawyi putꞌok iꞌatuꞌe i raꞌyn ipotpoꞌororia mekewat akipy ywaiti rakat pe. Miꞌi hawyi itote tukupteꞌen i raꞌyn aikope saꞌawyꞌi Iesui wywo tukupteꞌen hap tote. Itote tukupteꞌen ipotpoꞌororia Peteru Iuwãu hawyi Tiaku hawyi Ãtere Wiripi Tume Patorumeu Mateu Tiaku mekewat Auweu saꞌyru Simau mekewat surara Iuta mekewat Tiaku ywyt. Miꞌiria ipotmuꞌeria sese tukupteꞌen aikope saꞌawyꞌi Iesui tenuk akipy ywaiti tote hap tote teꞌeropyhuꞌat 11 ok takaria.

Iesui Potmuꞌeria 12:17

Iꞌatuehay pirik pote topo wo -Eipoꞌinik to e. Waku hawyi tohenoi iꞌatuepe aikotã me Tokaꞌiwat piat tenotem iheg mywiat hap -Pyno mesuwat ewehenoi uiwy Tiaku uheꞌywytꞌin Iesui upiaria pe e. Miꞌi hawyi toto raꞌyn wẽtup tawa kape i raꞌyn.

Iesui Potmuꞌeria 15:13

Miꞌi hawyi teꞌeruwanetup kahato raꞌyn. Yt kat iꞌatuꞌe i raꞌyn. Miꞌi hawyi Tiaku ihay -Uhytꞌiꞌin eweikuap to uimienoi e.

Iesui Potmuꞌeria 21:18

Heꞌihatꞌok pe Pauru toto uruwywo Tiaku owa kape. Miꞌi rakirẽ itote teꞌeruwaꞌatunug yne Iesui mohey haria akagnia.

Karasia 1:19

Miꞌi tote ti Aikaꞌiwat Iesui ywyt sese wẽtup ok araꞌakasa Tiaku e hap het rakat. Maꞌato miꞌi hawyi yt uwe i atiꞌatukuap itote Iesui potpoꞌororia torannia. Peteru hawyi Tiaku atikuap hawyi miꞌiria yatype areineꞌen 15 eꞌat hawyi areto e tawa Ierusarẽi pyi.

Karasia 2:9

Itote Ierusarẽi me atikuap myẽꞌym ok miit poꞌog Iesui mohey haria akag koꞌi myẽꞌym Tupana motypot yat apyꞌyha ewy iheg nakaria ewywuat koꞌi miꞌiria. Wẽtup ok mekewat Iesui ywyt sese aiwy mehin Tiaku wẽtup ok Iesui potmuꞌe sese aiwy mehin Peteru wẽtup ok Iesui potmuꞌe sese aiwy mehin Iuwãu. Miꞌiria poꞌog miitꞌin mimotypot koꞌi itote atikuap. Miꞌiria tikuap kahato Tupana Paꞌãu miꞌairoria kahato aiwy Panape iꞌewyte uito hap iraniaꞌin ywania muꞌe hamuat hap yt Iuteuria muꞌe hamuat hap taꞌatukuap. Taꞌatukuap taꞌyn hawyi teꞌeroꞌe mehin Panape pe iꞌewyte uhepe -Koitywy ti pyno uruiꞌatuꞌairo eipe wẽtup eko rakaria muꞌe hamo iꞌatuꞌe. Maꞌato aheko ewywuaria Iuteu ywania kape wemurui ãpy sokpe tek haria kape waku uruto urutuwat iꞌatumuꞌe hamo iꞌatuꞌe uhepe iꞌewyte Panape pe. Miꞌi hawyi teꞌeruweponug iꞌatupo sese koꞌi uiꞌakag note iꞌewyte uhyt Panape akag note miꞌi hawyi mio tã iꞌatuꞌe -Pyno Tupana etiꞌatupoꞌoro ro Panape iꞌewyte Pauru wuatꞌi ywania muꞌe hamo iꞌatuꞌe. Miꞌiria ti iꞌewyte urumiꞌairo koꞌi wuatꞌi ywania muꞌe Esaꞌyru sese etiat hamo iꞌatuꞌe. Miꞌi hawyi waku iꞌatuꞌe uruepe teꞌeruwehum haype Tiaku Peteru Iuwãu.

Tiaku 1:1

Uito Iesui ywyt sese Tiaku. Iesui ti uheꞌykeꞌet sese are. Pyno meiũ uito Tiaku uimiwan atipoꞌoro ehewowi. Uito ti Tiaku Tupana eropat hat iꞌewyte Aikaꞌiwat Aipotypot Iesui eropat hat uito are. Koitywy atipoꞌoro uiꞌe hap torannia kape Tupana mepytꞌin aimepuo aimepuo yi wato hap oktan tukupteꞌen hap kape.

Iuta 1:1

Mesuwat uimiwan atipoꞌoro Iesui mohey haria kape aikope aikope mesuwat yi tote eikupteꞌen hap kape. Uito ti Iesui ywyt sese Iuta e hap het rakat. Iꞌewyte mekewat Iesui ywyt Tiaku ywyt sese areineꞌen. Kuekatu atipoꞌoro ehewowi uiwyriaꞌin. Pyno uimiwan atipoꞌoro ehewowi uiwyriaꞌin. Eiperia ti Aiꞌywot Tupana mimohãpyk koꞌi sese eipe tomohey haria eipe pote. Pywo ti rat Iesui waku kahato aiꞌapykok hamo. Yt uwe hin i ti aihep kuap Iesui piat aiꞌapykok hawyi katupono iheg me kahato watoineꞌen ipo pe.