Mateu 10:23 - Sateré-Mawé

²³ Uipotpoꞌororia karãpe wẽtup tawa piaria eimohan eiꞌatuuka hamo miꞌi hap eꞌat pe waku eweiwat wẽtup tawa kape iraꞌyn iraniaꞌin muꞌe hamo. Maꞌato karãpe eimohan ehewanikaptia eiꞌauka hamo pote waku eweiwat wẽtup tawa kape iraꞌyn. Katupono ti pywo pe areꞌe ehepe miꞌi tã taꞌatunug ehetiat pykai yt eipo hep kuap i Isareu etawa piaria muꞌe hap ete.

Mateu 10:23 ပူးပေါင်းရင်းမြစ်များ

Mateu 16:27

Katupono ti aru Ihainia Saꞌyru taꞌaipok meremo toꞌywot esaika wywo iꞌewyte temiitꞌin atipy piaria nywo. Miꞌi hap eꞌat pe ti aru torannia imoherep taꞌatuminug koꞌi mekewat eꞌat pe.

Mateu 16:28

Pywo pe ti areꞌe ehepe mesuwat uiꞌe hap wyti pywuat sese rakat tukupteꞌen wyti aru iraniaꞌin mesuwat rote yt ikuꞌuro i te rakaria Iesui yt kuꞌuro i te turanuat haria ti aru teꞌeraꞌakasa te Ihainia Saꞌyru tuut morekuatno hap kape.

Mateu 2:13

Miꞌi hawyi Tupana mipoꞌoro atipy kaipywiat tuwemoherep Iuse muꞌetu hawyi toꞌe -Epoĩꞌam no Iuse e. Etioto ro hirokat wẽtup yi kape pya meiũpe pyi mekewat yi Esitu kape ity wywo e. Eweipopy ro e katupono ti aru morekuat Eroti tikat raꞌyn hirokat iꞌauka hamo neꞌi e. Waku yi Esitu pe eweikupteꞌen. Meiũran hawyi ahenoi i karãpe waku meikowo eweiꞌaipok iraꞌyn e atipy kaipywiat Iuse muꞌetu.

Mateu 23:34

Pywo ti aru atiꞌatupoꞌoro ehewowi uhehay moherep haria weꞌeg haria Tupana ehay kuap haria woꞌomuꞌe haria maꞌato ti aru ipatꞌok eweiꞌatuuka neꞌi e. Ipatꞌok ti aru ariaꞌyp posak ete eweiꞌauka e. Ipatꞌok ti aru eweiꞌahyk ahyk Tupana motypot hawe e. Ipatꞌok ti aru eweiꞌatumohan mohan tawa koꞌi kape iꞌatuuka teran haype e miwan me.

Mateu 23:36

Pywo pe ti yt uheso i Tupana miꞌapiheg wuaria eweipyhuꞌat e eiꞌywotꞌin apiheg hap ahyt topyhuꞌat ehepe.

Mateu 24:27

Katupono Uito Eheykeꞌet sese ti aru ariot turan wuatꞌi miitꞌin teꞌeraꞌakasa e. Miꞌi ti aru aikotã merepꞌe hap ewy aremoherep wuatꞌi puo e. Miꞌi ti aru heremo yne aat wẽtem hap tote pyi yne aat minꞌe hap kape e. Taꞌi miꞌi hap ewy ti aru araꞌaipok e.

Mateu 24:30

Miꞌi hawyi ti aru yne ywania miitꞌin toꞌokakꞌi katupono Eheykeꞌet uut hap eꞌat pe heremo kahato ywyhig muo meremo tuut e. Yne ti aru teꞌeraꞌakasa miꞌi tesaika hap wuat ẽtyhot hap wuat huut hap kape e.

Mateu 24:34

Tukupteꞌen ne miitꞌin mekewat eꞌat piat yne uimoherep hap koꞌi akasa haria yt ikuꞌuro i te turan.

Mateu 24:48

Maꞌato wẽtup ok wyti aru -Taꞌi motꞌi hap ewy pya toineꞌen uikaꞌiwat e tuwepe. Yt meremo i taꞌaipok meikowo toꞌyat kape e.

Mateu 25:13

Pyno miꞌi hap ewy o eiweꞌeg wo eweikupteꞌen uhuut hap ekatup haype. Katupono yt eweikuap i Eheykeꞌet uut hamuat kat eꞌat pe sio kat eꞌora pe putꞌok e.

Mateu 26:64

Miꞌi hawyi toꞌe Iesui paꞌi koro pe -Mio tã eweiꞌe mehin e. Taꞌi meiũran ti aru eiwaꞌakasa Miitꞌin Ykeꞌet Tupana po sese kai mekewat poꞌog hesaika rakat po sese kai hawyi tuut atipy kaipyi ywyhig me e.

Mateu 4:12

Miꞌi hawyi Iesui taꞌaipok i raꞌyn aikope miitꞌin tukupteꞌen hap kape turan toikuap taꞌyn Iuwãu woꞌosetꞌok hat pyhik hap. Toikuap hawyi toto raꞌyn itote pyi yi Karireia kape raꞌyn.

Maku 13:26

Miꞌi hawyi ti aru Miitꞌin ykeꞌet Sese putꞌok e raꞌyn yi kape tesaika hap wo. Miꞌi hawyi wuatꞌi miitꞌin teꞌeraꞌakasa iꞌuut ywyhig puo hap turan.

Iruka 18:8

Taꞌi areineꞌen Eheykeꞌet Uito miꞌi pote uhuut hap eꞌat turan atiꞌatuꞌapiheg kahato iraniaꞌin minug saꞌag uimohey haria etiat e. Mekewat eꞌat pe atikat kahato uimohey sese hanuaria sio toĩ sio yt hap e Iesui temiitꞌin me.

Iruka 21:27

-Miꞌi hawyi tuut raꞌyn Uito Eheykeꞌet Eikywyt ywyhig muo uhesaika hawuo uimotypot hawe putꞌok are raꞌyn e Iesui.

Iuwãu 7:1

Miꞌi hawyi Iesui hewyry raꞌyn yi Karireia puo. Yt hewyry teran i yi Iuteu puo katupono yi Iuteu piaria iꞌauka teran.

Iesui Potmuꞌeria 17:10

Miꞌi pote Iesui mohey haria tiꞌatupowyro uhyt Pauru uhyt Sira iꞌatupopy hamo tawa Tesaronika pyi. Miꞌi hawyi tuwat tawa Pereia kape wãtym upi. Miꞌi hawyi Pauruꞌin putꞌok iꞌatuꞌe hawyi teꞌeruwehytꞌok Iuteuria Etupana motypot yat pe.

Iesui Potmuꞌeria 17:14

Miꞌi hawyi Iuteuria tiꞌatumoꞌakagꞌaia miitꞌin sok tawa Pereia pe. Miꞌi hawyi Pauru ywytꞌin Iesui mohey haria tipoꞌoro taꞌatueykeꞌet Pauru meremo yꞌy wato kape. Miꞌi hawyi tuwat raꞌyn Pauru wywo iwyriaꞌin iꞌapykok hamo maꞌato Timoteu Sira topyhuꞌat tawa Pereia pe.

Iesui Potmuꞌeria 20:1

Pyno iꞌatupoꞌinik typyꞌi rakaria. Miꞌi hawyi Pauru tikay kay Iesui potmuꞌeria. Putꞌok iꞌatuꞌe hawyi toiꞌatuꞌahiꞌypysat. Waku yne raꞌyn hawyi toiꞌatunapin naꞌyn iꞌatumoesaika hamo. Miꞌi hawyi toto yi Masetunia kape tawa Ewesu pyi.

Iesui Potmuꞌeria 8:1

Mekewat eꞌat turan kurum iwasu Sauru timoma teran yne Iesui mohey haria tawa Ierusarẽi totiaria. Toiꞌatusatyꞌi satyꞌi kahato Aikaꞌiwat emiitꞌin yne. Miꞌi hawyi iꞌatuehakyꞌeꞌi kahato itote imohey haria. Miꞌi pote teꞌeropopy kahato pya tawa Ierusarẽi kaipyi Sauru piat taꞌatuꞌatuꞌuka hap pupi. Miꞌi hawyi teꞌeruwesytpok kahato aikope aikope waku hap kape kat etawa hit kape kat etawa wato kape tuwat tuwat. Iraniaꞌin tuwat yi Samaria kape maꞌato iraniaꞌin tuwat yi Iuteu kape. Maꞌato Iesui saipepiaria 12 ok takaria yt teꞌeropopy hin i tawa Ierusarẽi pyi.